এ.পি.এছ.চিত সফল, মূল্যবৃদ্ধি ৰোধত বিফল সৰ্বা চৰকাৰ

7217

দেবজিত দত্ত


‘ৰাজনীতি অসম’ৰ যোৱা খণ্ডত প্ৰকাশ পোৱা অ’পিনিয়ন প’ললৈ ৰাইজে ব্যাপক সহাৰি জনাইছে। ধুবুৰী, বৰপেটা, নলবাৰী, কামৰুপ, লখিমপুৰ, কৰিমগজ্ঞ আদিকে কৰি অসমৰ প্ৰায় প্ৰত্যেকখন জিলাৰ পৰা ৰাইজে আমাৰ অ’পিনিয়ন প’লত ভাগ লৈছে। ১৫ এপ্ৰিলত আৰম্ভ হোৱা অ’পিনিয়ন প’লত ভাগ লোৱাৰ শেষ দিন আছিল ১৫ মে ২০১৮।

আমি অসমৰ ৰাইজক চাৰিটা প্ৰশ্ন কৰিছিলো।

১) সৰ্বানন্দ সোনোৱাল চৰকাৰখনক আপুনি দহৰ ভিতৰত কিমান নম্বৰ দিব ?
২) যোৱা দুবছৰত এই চৰকাৰখনৰ সকলোতকৈ ডাঙৰ সফলতা কি ?
৩) যোৱা দুবছৰত এই চৰকাৰখনৰ সকলোতকৈ ডাঙৰ বিফলতা কি ?
৪) অহা তিনিবছৰত এই চৰকাৰখনৰ প্ৰাথমিকতা কি হোৱা উচিত ?

অ’পিনিয়ন প’লৰ চাৰিটা প্ৰশ্নৰ বিপৰীতে ৰাইজৰ মতামত আমি তলত বিস্তাৰিত ভাবে প্ৰকাশ কৰিছো।

সৰ্বানন্দ সোনোৱাল চৰকাৰখনক আপুনি দহৰ ভিতৰত কিমান নম্বৰ দিব?

এই প্ৰশ্নটোৰ বিপৰীতে আমি চাৰিটা বিকল্প আগবঢ়াইছিলো।
১) ০-২
২) ৩-৫
৩) ৬-৮
৪) ৯-১০

এই বিষয়ে ৰাইজৰ মতামত তলৰ গ্ৰাফত প্ৰতিফলিত হৈছে।

সৰ্বাধিক ৩৯.৬% ৰাইজে এই চৰকাৰ খনক ৬-৮ নম্বৰ দিছে। ৩২.৭% য়ে চৰকাৰক ৩-৫ নম্বৰ দিছে।১৬.৮% লোকে চৰকাৰখনৰ কাম কাজক লৈ সিমান সন্তুষ্ট নহয় অাৰু ০-২ নম্বৰ দিছে।১০.৯% ৰাইজে চৰকাৰক ৯-১০ নম্বৰ দিছে।

যোৱা দুবছৰত এই চৰকাৰখনৰ সকলোতকৈ ডাঙৰ সফলতা কি?

এই প্ৰশ্নটোৰ বিপৰীতে ৬টা বিকল্প আছিল।

১) এ.পি.এছ.চি দুৰ্নীতিৰ বিৰুদ্ধে যুঁজ।
২) সামগ্ৰিক দুৰ্নীতিৰ বিৰুদ্ধে যুঁজ।
৩) ভাল বাজেট উপহাৰ
৪) এদভান্টেজ অসম
৫) অটল অমৃত অভিযান
৬) অন্য

সৰহ সংখ্যক ৰাইজে  এ.পি.এছ.চি ৰ দুৰ্নীতি বিৰুদ্ধে চৰকাৰৰ প্ৰদক্ষেপক প্ৰশংসা কৰিছে। ৪৪.৬% লোক এই ক্ষেত্রত একমত।

চৰকাৰখনৰ বাজেটক ২৬.৭% ৰাইজে ভাল পাইছে আৰু ই ২ নম্বৰ স্হান পাইছে। ৩ নম্বৰ স্হানত আছে চৰকাৰখনৰ সামগ্ৰিক দুৰ্নীতিৰ বিৰুদ্ধে যুঁজ। ১৩.৯% ৰাইজে এই বিকল্পটোত মোহৰ লগাইছে। অটল অমৃত অভিযান ৮.৯%, অন্য ৫% আৰু এদভানটেজ অসমে ১%  মানুহৰ সমৰ্থন লাভ কৰিছে।

যোৱা দুবছৰত এই চৰকাৰখনৰ সকলোতকৈ ডাঙৰ বিফলতা কি?

এই প্ৰশ্নটোৰ বিপৰীতে পাচটা বিকল্প আছিল।
১) মূল্যবৃদ্ধি
২) বেয়া ৰাস্তা ঘাট
৩) নিবনুৱা সমস্যা সমাধানত ব্যৰ্থতা
৪) পৰীক্ষাৰ প্ৰশ্ন কাকত ফাদিল
৫) অন্য

৫১.৫% ৰাইজে মূল্যবৃদ্ধি এই চৰকাৰৰ সকলোতকৈ ডাঙৰ বিফলতা বুলি ভাবে।

২১.৮% ই নিবনুৱা সমস্যা সমাধানৰ ক্ষেত্রত চৰকাৰক বিফল হোৱা বুলি ভাবে, ৩য় স্হানত আছে বেয়া বাট পথ। ২০.৮% ৰাইজে এই ক্ষেত্রত একমত। পৰীক্ষাৰ প্ৰশ্ন কাকত ফাদিল আৰু অন্য এই দুয়োটাত মাত্র ৩% মানুহে মোহৰ লগাইছে।

৪) অহা তিনিবছৰত এই চৰকাৰখনৰ প্ৰাথমিকতা কি হোৱা উচিত ?

এই প্ৰশ্নটোৰ বিপৰীতে ৬ টা বিকল্প দিয়া হৈছিল

১) NRC কাম শেষ কৰি বাংলাদেশী সমস্যা সমাধান কৰা।
২) উদ্যোগীকৰণ
৩) বিজুলী সমস্যা সমাধান
৪) যোগাযোগ ব্যবস্হাৰ উন্নত কৰা
৫) বাজেটত উল্যেখ কৰা সকলো প্ৰতিশ্ৰুতি পালন কৰা।
৬) অন্য

বাংলাদেশী সমস্যাটোলৈ অসমৰ ৰাইজ আটাইতকৈ বেছি চিন্তিত। ৩৪.৭% ৰাইজে এই ক্ষেত্রত একমত।

বাজেটক লৈ অসমৰ ৰাইজ খুব আশাবাদী। ২৩.৮% ৰাইজে বাজেটৰ প্ৰতিশ্ৰুতি পূৰণ হোৱাটো বিছাৰে। ২০.৮% লোকে যোগাযোগ উন্নত কৰাটো প্ৰথম প্ৰাথমিকতা বুলি ভাবে। উদ্যোগীকৰণে ১৬.৮% মত পাই চতুৰ্থ স্হান পাইছে। বিদ্যুত সমস্যা সমাধান আৰু অন্য দুয়োটাই ২% পাইছে।


‘ৰাজনীতি অসম’ ই-আলোচনী খন সম্পূৰ্ণকৈ পঢ়াৰ বাবে ইয়াত ক্লিক কৰক www.rajnitiaxom.com


আমাৰ অ’পিনিয়ন প’লত অংশ গ্ৰহণ কৰা সকলো ৰাইজক আমি ধন্যবাদ জনাইছো।

আমাৰ অ’পিনিয়ন প’লত অংশগ্ৰহণ কৰা সকলৰ মাজৰ পৰা লটাৰিৰ যোগেদি আমি ৬ জন লোকক বাচনি কৰিছো। আমি এখেতসকলক অনুৰোধ  কৰিম যাতে আমাক editor@rajnitiaxom.com  ত যোগাযোগ কৰে ১৫ জুন ২০১৮ৰ ভিতৰত ।

বিমান টিকটঃ সংগ্ৰাম দলে, ধেমাজি

গিফ্ট ভাউচাৰ:

কে.চি গগৈ, ডিব্ৰুগড়

মৃত্যুজ্ঞয় শইকীয়া, শোনিতপুৰ

বয়ানুৰ ইছলাম , গোৱালপাৰা

চৈয়দ জেকৰুল চাদ, কামৰুপ মেট্ৰ’

ৰাজ চক্ৰবৰ্তী , কৰিমগজ্ঞ