পৰিয়ালকেন্দ্ৰীক ৰাজনীতিৰ বিৰোধীতা কৰক!

• ৰাজনীতি অসমৰ প্ৰতিবেদন

অসমৰ আগন্তুক বিধানসভাৰ উপ নিৰ্বাচনৰত দুখন আসনৰ নিৰ্বাচন সকলোৰে আকৰ্ষণৰ কেন্দ্ৰ হৈ পৰিছে। চামগুৰিত মহা প্ৰতাপী ৰকিবুল হুছেইনৰ পুত্রই কংগ্ৰেছৰ টিকটত প্ৰতিদ্বন্দ্বিতা কৰিছে। আনফালে অগপই বঙাইগাঁৱৰত ফণীভূষন চৌধুৰীৰ পিছত তাত তেওঁৰ পত্নীক টিকট দিলে। এই দুই সমষ্টি ক্ৰমে কংগ্ৰেছ আৰু অগপৰ দুৰ্গ। সেয়েহে ইয়াত ৰকিবুল পুত্র আৰু ফণীভূষনৰ পত্নীৰ জয়ৰ সম্ভাবনাই অধিক। হয়তো দুয়োজনে বিপুল ভোটৰ ব্যবধানত সমষ্টি দুটাৰ পৰা জয়ী হৈ প্ৰথমবাৰৰ বাবে বিধায়ক হ’ব। কিন্তু ই গণতন্ত্ৰৰ বাবে মুঠেও শুভ লক্ষণ নহয়। পৰিয়াল কেন্দ্ৰীক ৰাজনীতিৰ ফলত বহু কেইজন যোগ্য ৰাজনীতিকে টিকট লাভৰ পৰা বঞ্চিত হ’ল। তেওঁলোকৰ এটায়ে দোষ_তেওঁলোকৰ মাক দেউতাক বা স্বামীয়ে ৰাজনীতি নকৰে। তৰুণ গগৈ , হিতেশ্বৰ শইকীয়া, নগেন নেওগ, ভূমিধৰ বৰ্মন, কেশৱ মহন্ত, চন্দন চৰকাৰ আদিৰ পিছত পৰিয়াল কেন্দ্ৰীক ৰাজনীতিত সংযোজিত হ’ল ৰকিবুল হুছেইন আৰু ফণীভূষন চৌধুৰীৰ নাম। ৰাজনেতাৰ সন্তানৰ নিৰ্বাচন খেলাত বাধা নাই কিন্তু যেতিয়া একমাত্র এই যোগ্যতাৰ ভিত্তিত টিকট দিয়া হয় তেন্তে দুখ লাগে। চামুগুৰি আৰু বঙাইগাঁঅৰ ৰাইজে অলপ চিন্তা কৰক আৰু সিদ্ধান্ত লওক।