মাৰ্কিন যুক্তৰাষ্ট্ৰৰ সুস্পষ্ট দ্বি-চাৰিতা

• ড° ক্ষিতীশ চন্দ্ৰ মিশ্ৰ

জাৰ্মানী, ৰাচিয়া, অষ্ট্ৰিয়া, মাৰ্কিন যুক্তৰাষ্ট্ৰ, মিচৰ, জৰ্ডান, পাকিস্তান, বাংলাদেশ, চৌদি আৰৱ, কাজাকিস্থান, উজবেকিস্থান, তাজাকিস্থানৰ উপৰিও এচিয়া আৰু আৰৱৰ নানা দেশত হিজবুট তাহৰীৰ নামৰ মৌলবাদী ইচলামিক সন্ত্ৰাসবাদী সংগঠনটোক নিষিদ্ধ ঘোষণা কৰা আছিল ৷
বাংলাদেশৰ এই হিজবুট তাহৰীৰ নামৰ মৌলবাদী ইচলামিক সন্ত্ৰাসবাদী সংগঠনটোৰ লক্ষ্য আৰু উদ্দেশ্য হৈছে— সৰ্ব্বাত্মক জিহাদ কৰা, পৃথিৱীৰ সকলো অমুচলমানক হত্যা কৰা, পৃথিৱীখনক কেবল মুচলমানৰ বসবাসৰ বাবে ৰখা আৰু সমগ্ৰ পৃথিৱীতে ইচলামিক খলিফাতন্ত্ৰ প্ৰতিস্থা কৰা ৷
বিগত সময়ত বাংলাদেশত শ্বেইখ হাচিনাৰ পতন হোৱাৰ পিছত নবেল বটা বিজয়ী ইউনুচে এই নিষিদ্ধ সংগঠন হিজবুট তাহৰীৰ ওপৰত বাহাল থকা নিষেধাজ্ঞা উঠাই দিছে ৷ ইয়াৰ লগতে আন এক মৌলবাদী ইচলামিক সংগঠন জামাতে ইচলামীৰ ওপৰত থকা নিষেধাজ্ঞাও উঠাই লৈছে৷
আচৰিত হ’বলগীয়া কথাটো হৈছে ২০০৬ চনত শান্তিৰ নোবেল বটাৰ দৰে এটা অতি সন্মানীয় আৰু মৰ্যদাপূৰ্ণ বটা পোৱা মঃ ইউনুচৰ দৰে আন্তৰ্জাতিক খ্যাতিসম্পন্ন লোকে মানৱতা আৰু বিশ্ব শান্তিৰ প্ৰধান শত্ৰুস্বৰূপ এই ভয়ংকৰ ইচলামিক সন্ত্ৰাসবাদী সংগঠনৰ পৃষ্ঠপোষকতা কৰি কেনেকৈ নিষেধাজ্ঞা উঠাই দিব পাৰিলে ? অকল সেয়াই নে ? হিজবুট তাহৰীৰ নামৰ এই কুখ্যাত মৌলবাদী ইচলামিক সন্ত্ৰাসবাদী সংগঠনটোৰ সন্ত্ৰাসবাদী জিহাদী সদস্য সকলক মূৰত তুলি লৈ তেওঁ এতিয়া নৃত্যও আৰম্ভ কৰিছে ৷ এই সংগঠনৰ সৈতে জড়িত এজন অন্যতম সন্ত্ৰাসবাদী মাহফুজ আলমক লগত লৈ আমেৰিকাত গৈ সমগ্ৰ বিশ্বক এই জঘন্য সন্ত্ৰাসবাদীটোক সাম্প্ৰতিক বাংলাদেশত সংঘটিত অৰাজকতাক বিপ্লৱ নাম দি তাৰ কৃতিত্বৰ বাবে মাহফুজ আলমক উচ্ছসিত প্রশংসাৰে ওপোচাই দিছে ৷ মঃ ইউনুচৰ মতে মাহফুজ আলম এই “বিপ্লৱ“ৰ মহান(?) ৰূপকাৰ !!
ইফালে পৃথিৱীৰ সকলো দেশকে মানৱ অধিকাৰ, শান্তি, গণতন্ত্ৰ আৰু সন্ত্ৰাসবাদ বিৰোধীতাৰ পাঠ পঢ়োৱা মাৰ্কিন যুক্তৰাষ্ট্ৰৰ সুস্পষ্ট দ্বি-চাৰিতা লক্ষ্য কৰক ৷ ইচলামিক সন্ত্ৰাসবাদীহঁতক নিপাত কৰিবলৈ যি মাৰ্কিন যুক্তৰাষ্ট্ৰই শত শত বিলিয়ন ডলাৰ খৰচ কৰি আহিছে সেই মাৰ্কিন যুক্তৰাষ্ট্ৰই মঃ ইউনুচৰ দৰে নীতিহীন এক ব্যক্তি আৰু মাহফুজ আলমৰ দৰে দুৰ্ঘোৰ সন্ত্ৰাসবাদীক নিজৰ দেশৰ মাটিত বৰপীৰা পাৰি স্বাগতম জনাইছে ৷ সিহঁতৰ কথা-কান্ডক হাততালি দি সমৰ্থন জনাইছে ৷ আনকি প্ৰাক্তন প্ৰেচিডেন্ট বিল ক্লিন্টনৰ দৰে লোকেও ইহঁতৰ হৈ হাততালি বজাইছে ৷
মাহফুজ আলম নামৰ এই ইচলামিক সন্ত্ৰাসবাদীটোৱে নিজকে এজন ছাত্ৰ সজাই বিগত সময়চোৱাত সমগ্ৰ বাংলাদেশৰ মুৰ্খ, ধৰ্ম্মান্ধ, গোঁৱাৰ মানুহবোৰক আৰু মুৰ্খ, গোঁৱাৰ, ধৰ্ম্মান্ধলৈ ৰূপান্তৰিত কৰি আজি বাংলাদেশত চৰম নৈৰাজ্যবাদী পৰিস্থিতিৰ সৃষ্টি কৰিছে ৷ আৰু এইজন ধুৰন্ধৰ মাহফুজ আলমকে ”শান্তিৰ নোবেল বিজয়ী“ আন এক ধুৰন্ধৰে বিশ্বৰ সন্মুখত চিনাকী কৰাই দিছে “এজন মহান বিপ্লৱী“ৰ ৰূপত !!!