ৰতন টাটাৰ কৰ্মচাৰী

• পাৰ্থ সাৰথি দত্ত

ৰটন টাটাই অসমত আহি কৈছিল যে তেখেতে নিজৰ জীৱনৰ বাকী সময়চোৱা অসমৰ প্ৰগতিৰ হ’কে ক‍াম কৰিব। অসমত কেঞ্চাৰ হাস্পতাল প্ৰতিস্থাৰ বাবে সহযোগ কৰা ৰতন টাটাই মৃত্যুৰ আগে আগে অসমক চেমিকণ্ডাক্টৰ উপহাৰ দি গ’ল। অসম চৰকাৰে তেখেতক অসমৰ সৰ্বোচ্চ অসমাৰিক সন্মান দি এটা মহৎ কাম সমাপন কৰিছিল। নিজৰ লাভাংশৰ ৬০% ধন ৰাইজক ওভতাই দিয়া টাটা গ্ৰুপৰ প্ৰাক্তন ছেয়াৰমেন জনৰ মৃত্যুত আজি গোটেই ভাৰতে চকুলো তুকিছে। বিভিন্নজনে টাটাৰ বিভিন্ন সজ কামৰ কথা লিখিছে। আমি উল্লখ কৰিব বিচাৰিছো টাটা গ্ৰুপত কৰ্মৰত এজন কৰ্মচাৰীৰ কথা। লণ্ডনত কৰ্মৰত হৈ আছিল তামিলনাডুৰ এজন যুৱক। এদিন হঠাৎ যুৱকজনৰ ষ্ট্ৰোক হ’ল। লণ্ডনত সকলো চিকিৎসাৰ দায়িত্ব ল’লে টাটা গ্ৰুপে। যুৱকজনৰ স্বাস্হ্য সাম‍ান্য উন্নত হোৱাত পৰিয়ালৰ অনুৰোধত তেওক এয়াৰ এম্বুলেঞ্চৰ যোগেদি চেন্নাইলৈ পঠাই দিয়া হয়। চেন্নাই পোৱাৰ পিছতো সকলো চিকিৎসা ব্যয় টাটা গ্ৰুপে বহন কৰি আছে। নিজৰ কৰ্মচাৰীৰ প্ৰতি এনে দায়বদ্ধতা অকল টাটা গ্ৰুপে দেখাব পাৰে। যি সময়ত ব্যক্তিগত খণ্ডৰ কোম্পানী বোৰে কৰ্মচাৰীক শোষণ কৰাৰ অভিযোগ উত্থাপিত হয় তেনে সময়ত প্ৰায় ১০ লাখ কৰ্মচাৰী থকা টাটা গ্ৰুপে সকলোৰে বাবে এক নিদৰ্শন ডাঙি ধৰিছে।