‘ৰাজনীতি অসম’ অসমৰ প্ৰথম ৰাজনৈতিক ই-আলোচনীৰ প্ৰতিবেদন
ৰাজনীতি অসম’ (WWW.RAJNITIAXOM.COM) : দুই বছৰ – ১ লাখ ৬৯ হাজাৰ পঢ়ুৱৈ
বিশেষ সুত্ৰই দাবী কৰা মতে নতুন দল জন্ম হোৱাৰ আঁৰত সৰ্বানন্দ সোণোৱালৰ দুৰ্বল ভুমিকা জড়িত হৈ আছে । বিগত চাৰে চাৰি বছৰত ছাত্ৰ সংগঠনৰ ল’ৰাই বিজেপি বা অগপ কৰ্মীতকৈ অধিক কাম কৰিবলৈ সুবিধা পাইছে । যি সুবিধা কংগ্ৰেছৰ দিনত অতি সীমিত আছিল । মুখ্যমন্ত্ৰী কাৰ্যালয়ৰ লগত যোগাযোগ ৰক্ষাকাৰী ভুমিকা লৈছিল প্ৰাক্তণ ছাত্ৰ নেতা এজনেই । বহিব দিলে শুবও খোজে ___চৰকাৰ নথকাকৈ যিহেতু ক্ষমতা লাভ কৰিছে সেয়ে ক্ষমতাত থাকি অধিক ক্ষমতাৰ লোভে ছাত্ৰ সংগঠন বোৰক ৰাজনৈতিক দল খুলিবলৈ আগ্ৰহ জন্মায় । কেব আন্দোলনে জাতীয়তাবাদী সংগঠনক ধনে জনে শক্তিশালী কৰিলে ।অসম চৰকাৰে কেব আন্দোলন নিয়ন্ত্ৰণ কৰাত ব্যৰ্থ হৈছে । বিজেপিৰ জিলা সভাপতিৰ পৰা আৰম্ভ কৰি মন্ত্ৰী পৰ্যন্ত কেব আন্দোলনকাৰীৰ হাতত অপদস্থ হৈছে । এই আন্দোলনক ব্যৱহাৰ কৰি লতাশিলৰ উদাহৰণত দিল্লীত চাহিনবাগ বহিল । মুঠৰ ওপৰত অসমৰ জাতীয়তাবাদী সংগঠনবোৰে বাট দেখুৱাইছিল ভাৰতৰ মৌলবাদী সংগঠনবোৰক । হিমন্ত বিশ্ব শৰ্মাৰ বিভিন্ন মন্তব্যই জ্বলা জুইত ঘী ঢালিছিল । অগপৰ অধিকাংশ নেতা হিমন্ত বিশ্ব শৰ্মাৰ বিৰুদ্ধে থিয় দিছে । কেশব মহন্ত আৰু অতুল বৰাৰ বাহিৰে অধিকাংশ নেতা বিটুষ্ট । তেনেস্থলত অগপই আগন্তুক নিৰ্বাচনত ২০ খন আসন পালেই সমীকৰণ সলনি হ’ব । অগপই আই এম ডি টিৰ স্ৰষ্টা আব্দুল মুহিব মজুমদাৰৰ লগত মিত্ৰতা কৰি ১৯৯৬ ত চৰকাৰ গঠন কৰিছিল । বদৰুদ্দিন আজমলৰ তুলনাত আব্দুল মুহিব মজুমদাৰ আছিল অধিক সাম্প্ৰদায়িক ব্যক্তি । কংগ্ৰেছে হেৰুৱাব লগীয়া উজনিৰ আসনত আছু , কৃষক মুক্তি , অজিত ভুঞাৰ দলৰ মাজত যদি ১০ টা সমষ্টিও দখলত থাকে তেন্তে বিজেপিৰ উৎখাত নিশ্চিত । উজনি অসমত কংগ্ৰেছৰ নেতা কেইজনমানে দলত্যাগ কৰি আছুৰ দলত যোগ দিলে কংগ্ৰেছৰ ক্ষতি হ’ব কিন্তু বিজেপিৰ একো লাভ নহয় । বৰঞ্চ কংগ্ৰেছী ভোটাৰ খিনি সংগঠিত হৈ বিজেপিৰ বিৰুদ্ধে নতুন দলক প্ৰাধান্য হে দিব । নিৰ্বাচনৰ পিছত অগপ , আছু ,কংগ্ৰেছ আৰু এআইইউডিএফৰ মাজত মিত্ৰজোঁটৰ চৰকাৰ এখন অসমৰ ৰাইজে যদি প্ৰত্যক্ষ কৰে তেন্তে আচৰিত হ’ব লগা নেথাকিব ।
