- বুবুল ঠাকুৰীয়া
ৰাজনীতি অসম’ (WWW.RAJNITIAXOM.COM) : দুই বছৰ – ১ লাখ ৬৯ হাজাৰ পঢ়ুৱৈ
“অসমীয়া” বুলিবলৈ এতিয়া কোন কোন বাকী থাকিল বুলি সুধিলে আপুনি একেকোবেই ক’ব নোৱাৰে!গোটেই অসম খন বিভিন্ন জাতি-জনগোষ্ঠীৰ মিলন ভূমি।তাতে কোনোবা খিলঞ্জীয়া, কোনোবা বহিৰাগত আৰু পূর্ববংগীয় চামৰ যেনিবা কথা নকলোৱেই!পূর্ববংগীয় মূলৰ সৰহ সংখ্যকৰ অৱদান বিভিন্ন অপৰাধ মূলক কাৰ্য-যেনে ধৰ্ষণ, হত্যা, অপহৰণ, ড্ৰাগছৰ বেপাৰ, এ টি এম চুৰ ইত্যাদি ইত্যাদি ।এতিয়া নতুনকৈ দেখা দিছে লাভ জেহাদ।এই লাভ জেহাদৰ ফলত বহুতো হিন্দু ছোৱালী ধৰ্মান্তৰিত হ’ল,বহুতো নিঃশেষ হৈ গ’ল ইত্যাদি ইত্যাদি।আজিকালি সহজে পোৱা ফেচবুকৰ প্ৰেমত হাবু দাবু খাই নিজৰ জীৱন,নিজৰ পৰিয়াল পাহৰি ক্ষন্তেকীয়া সুখত বিভোৰ এচামে পাহৰি যায় নিজৰ অস্তিত্ব।শেষত বাই প্ৰডাক্ট হিচাপে জেলৰ ভাত খাই ৰোমিও ৰূপী ধুৰন্ধৰ মুখা পিন্ধা সকল।যিয়ে নিজৰ পৰিচয় গোপন কৰি জাল পাতে প্ৰেমৰ।মোগলেও পৰাভূত কৰিব নোৱাৰা জাতিটো যেন এতিয়া চাৰিওফালৰ পৰা নিশকতীয়া হবলৈ ধৰিছে।
ইয়াত ভুল কাৰ?চৰকাৰৰ নে জনসাধাৰণৰ?অলপ আগলৈকে উভতি গ’লে দেখিম গোপীনাথ বৰদলৈ দেৱৰ নিৰ্ভীক আৰু অসমক ভাল পোৱা মানসিকতাৰ বাবে অসম খন অসম হৈ ভাৰতৰ মাজত সোমাই থাকিল!ইয়াৰ পিছৰ কাহিনী বোৰ সকলোৱে জানে।আজি জাতি-মাটি-ভেঁটি সংকটৰ গৰাহত।বৰ্তমানৰ কেন্দ্ৰীয় আৰু ৰাজ্যিক চৰকাৰ দুখন এই ক্ষেত্ৰত সফল হ’ব পৰা নাই বুলি আমাৰ মনে কয়।আমাৰ এতিয়া চাৰিওফালে নিৰাপত্তাৰ অভাৱ।গৃহমন্ত্ৰীৰ দায়িত্বত থকা মুখ্যমন্ত্ৰী ডাঙৰীয়া এই ক্ষেত্ৰত বিফল।কিয় “অসমীয়া”ক সুৰক্ষা দিব পৰা নাই প্ৰয়োজন মতে।সৌ সিদিনা দিন দুপৰতে দুটাকৈ হত্যাকাণ্ড হৈ গ’ল খোদ মহানগৰীত আৰু দাঁতিকাষৰীয়া অঞ্চল এটাত।কি হ’ল-উত্তৰ শূণ্য।এতিয়া ব্যৱসায় আমাৰ হাতত নাই!সকলো মুষ্টিমেয় এচাম বহিৰাগতৰ হাতত।অসমীয়াই কিবা কৰিব ওলালে হয় প্ৰাণ নাশৰ ভাবুকি নহলে সম্পত্তি হেৰুৱাই পেলোৱাৰ ভয়।বিভিন্ন সামগ্ৰীৰ ছিণ্ডিকেটৰ সাম্ৰাজ্যৰ একো একোটা একছত্ৰী সম্ৰাটৰ কিৰীতি বিৰাজমান সেই চাম মুষ্টিমেয় বহিৰাগতৰ হাতত।কাৰণ সিহঁতৰ টকা আছে।আমাৰ অসমীয়াৰ টকা নাই।খেতি কৰা মাটি কম দামত বিক্ৰী কৰিছে সেইচামৰ হাতত আৰু পুতেক হতৰ হাতত তুলি দিছে বাইক বা স্কুটিৰ চাবি।তাৰ পিছত গৌৰৱ-আমাৰ আপাই কালি বাইকখানেদি কোনোবাক খুন্দিয়ে আহছি টাইপৰ কথা।হায় মোৰ কপাল!
মহামাৰী কোৰোনাই ঘূৰাই অনা শ্ৰমিক খিনিক চৰকাৰ খনে কিবাকৈ কামত লগোৱাৰ চেষ্টা কৰক নহ’লে আফটাৰ কোৰোনা ইট ৱিল বি এন এনাদাৰ ডিজেষ্টাৰ ফৰ এছাম।
অকলে এজন মন্ত্ৰীয়ে কি কৰিব,কোনফালে চাব সদৃশ পৰিবেশৰ সৃষ্টি হৈছে অসমত।ভাবিব নোৱাৰি অসমীয়া জাতি ক’ত গৈ আছে-কলিতা, শৰ্মা,দাস,ডেকা,লহকৰ কৰি থাকোতে আমাৰ নাক কাটি মূৰৰ ওপৰত বহি আমাকে লগুৱা বনাই এচামে হাঁহি হাঁহি জহা চাউলৰ ভাত খাব সাৰ আৰু কীটনাশক নিদিয়াকৈ কৰা খেতিৰ শস্যৰে। আৰু আমি খাম আমাৰ বাবে নিলগাই কৰা ভয়ংকৰ কীটনাশকেৰে ভৰপূৰ শস্য।
এনেকৈ থাকিলে অসমীয়া সৰ্ব হাৰা নহৈ সৰ্ব-বিজয়ী হ’ব বুলি ভবাটো মূৰ্খৰ স্বৰ্গত বাস কৰাৰ লেখীয়াহে হ’বগৈ!!