‘ৰাজনীতি অসম’ অসমৰ প্ৰথম ৰাজনৈতিক ই-আলোচনীৰ প্ৰতিবেদন
ৰাজনীতি অসম’ (WWW.RAJNITIAXOM.COM) : দুই বছৰ – ১ লাখ ৬৯ হাজাৰ পঢ়ুৱৈ
কংগ্ৰেছ – এআইইউডিএফ ৰ মুক্ত মিত্ৰতাই অসমৰ ৰাজনীতিত এক নতুন যুগৰ সূচনা কৰিলে । বিজেপিয়ে নিৰ্বাচনক আজমলময় কৰি পেলাব সেয়া খাটাং । কিন্তু ৰিপুন বৰাই বিজেপিৰ ইচ্ছ্যুক প্ৰত্যুত্তৰ দিবলৈ বিভিন্ন পৰিকল্পনা তৈয়াৰ কৰাত ব্যস্ত আছে । বিজেপিয়ে সত্ৰৰ মাটি বাংলাদেশীয়ে বেদখল কৰা বুলি প্ৰচাৰ চলোৱাৰ বিপৰীতে কংগ্ৰেছে শংকৰদেৱৰ জন্মস্থান বটদ্ৰবাত অসমীয়াভাষী হিন্দু প্ৰাৰ্থী এজনক জিকায় অনাৰ চেষ্টা কৰিব । সেইসুত্ৰে বৰ্তমানৰ বটদ্ৰবাৰ পৰা এআইইউডিএফ ক আতৰাই ৰখা হ’ব , কাৰণ শংকৰদেৱৰ জন্মস্থান আজমলৰ দখলত বুলি হিমন্ত বিশ্ব শৰ্মাই চলোৱা প্ৰচাৰত যোৱাবাৰ বিধান সভা নিৰ্বাচনত আংগুৰলতা ডেকাই বাঁজি মাৰিবলৈ সমৰ্থ হৈছিল । ইয়াৰ বিপৰীতে মামুন ইমদাদুল হকৰ দখলত থকা নাওবৈচাত এইবাৰ কংগ্ৰেছ প্ৰাৰ্থীক এৰি দিব আৰু ইয়াৰ বিপৰীতে বৰপেটা সদৰ সমষ্টিত মামুন ইমদাদুল হকক প্ৰাৰ্থিত্ব প্ৰদান কৰিবলৈ চিন্তা চৰ্চা অব্যাহত আছে । উজনিত আজমলৰ দখলত থকা সমষ্টি কেইটা কংগ্ৰেছৰ হিন্দু প্ৰাৰ্থীক এৰি দিয়া হ’ব , আনহাতে নামনিত এআইইউডিএফে অধিক আসনত প্ৰতিদন্দীতা কৰিব ।
ৰিপুন বৰাই নিৰ্বাচন খেলাটো প্ৰায় নিশ্চিত হৈছে। কাৰণ নিৰ্বাচনত প্ৰতিদ্বন্দ্বিতা নকৰিলে যাব পাৰে এটা ভুল বতৰা। বিজেপিয়ে ৰিপুনৰ নিৰ্বাচন খেলাৰ সাহস নাই বুলি প্ৰচাৰ চলাব। কিন্তু নিজৰ গৃহ সমষ্টি গহপুৰত মুঠেও সুৰক্ষিত নহয় বৰা। সেয়েহে এখন সুৰক্ষিত অাসনৰ সন্ধান কৰিছে তেওঁ। প্ৰথমতে নাওবৈচাৰ কথা ভবা হৈছিল যদিও তাত জয়কলৈও কিছু শংকা আছে। ৰিপুন বৰাৰ বাবে সকলোতকৈ সুৰক্ষিত আসন হ’ব বটদ্ৰৱা । কাৰণ কংগ্ৰেছ – আজমলৰ মিত্রতাৰ পিছত এই সমষ্টিত কংগ্ৰেছক ৰোধা প্ৰায় অসম্ভব। গুৰুজনাৰ জন্মস্হানত কংগ্ৰেছৰ সভাপতিৰ প্ৰতিদ্বন্দ্বিয়াই কিছু হ’লেও ধনাত্মক প্ৰভাব পেলাব বুলি কংগ্ৰেছ দলে আশা কৰিছে।
