লো -ষ্টেণ্ডাৰ্ড বেমাৰ

1083
ড ০ সুশান্ত কুমাৰ কাশ্যপ

ৰাজনীতি অসম’ (WWW.RAJNITIAXOM.COM) : দুই বছৰ – ১ লাখ ৬৯ হাজাৰ পঢ়ুৱৈ


দেহৰ মূৰৰ পৰা ভৰিৰ আঙুলিৰ নখলৈকে – ক’ত বেমাৰ নাই । দেহৰ প্ৰতিটো অংগতেই বেমাৰ । মূৰৰ চুলি সৰাৰ পৰা আৰম্ভ কৰি চকু, কাণ, নাক, দাঁত, মুখ , গাল -চবতে বেমাৰ হোৱাৰ সম্ভাৱনা । বাকী দেহৰ মেইন মেইন পাৰ্টচ্ বোৰতো আছেই । বেমাৰবোৰৰ কিছুমান হাই -ষ্টেণ্ডাৰ্ড , কিছুমান লো -ষ্টেণ্ডাৰ্ড। হাই -ষ্টেণ্ডাৰ্ড বেমাৰ হলেতো কামেই শেষ ।
লো -ষ্টেণ্ডাৰ্ড বেমাৰবোৰেও কম জ্বলা নিদিয়ে । ইহঁতে মাৰিব নোৱাৰিলেও পুৰা কাহিল কৰি দিয়ে অৱস্থা । এই লো -ষ্টেণ্ডাৰ্ড বেমাৰ বোৰ হলে কোনেও পাট্টা, গুৰুত্ব নিদিয়ে , চিমপেথিও নেদেখায় , কৰ্মক্ষেত্ৰতো ৰেহাই পোৱা নাযায়, ঘৰুৱা কামবোৰো কৰি থাকিব লগা হয় , মুঠতে ৰক্ষা নাই । এই যে লো -ষ্টেণ্ডাৰ্ড বেমাৰবোৰ, ধৰক -ককালৰ বিষ, পিঠিৰ বিষ, দাঁতৰ বিষ, আঠুৰ বিষ -এইবোৰ কম অসুবিধাজনক নে ! অথচ বিষ হোৱা বুলি ক’লে কোনেও পাট্টাও নিদিয়ে , আনকি ডাক্তৰেও । ‘এহ্, বিষ হে….চবৰে হয়েই; কি নো এনে নোহোৱা বেমাৰটো হ’ল;’ চবেই এনেকৈয়ে কয় ! নতুন বোৱাৰী এজনীয়ে যদি ককালৰ বিষ বুলি শুই থাকে , খেলাই খতম । বিশ্বাসো নকৰে, যিহেতু এই বেমাৰ বোৰ কোনেও দেখা নাপায় ! সচাকৈয়ে বৰ দুখ লগা কথা ।
আজিকালি এই লো -ষ্টেণ্ডাৰ্ডৰ বেমাৰ বোৰ হ’লে কাকো নকওঁ । কিদাল হ’ব কৈ ! কেবল পজিটিভ ভাৱে লওঁ; যদি দাঁতৰ বিষ হয় ভাৱো দাঁতকেইটা অন্তত: আছে, সোলা (দাঁত নথকা) হোৱা হ’লে কত বিষ হ’লহেতেন ! চুলি সৰিছে, পকিছে ; আছে কাৰণেই সৰিছে, পকিছে ; তপা হোৱা হ’লে চুলিৰ বেমাৰ নহলহেতেন ! পিঠিৰ বিষ, তাৰমানে নেদেখা পিঠিখন আছে ঠিকে ঠাকে ; ককালৰ বিষ , তাৰমানে ধুনীয়া লাহি ককাল এখন আছে ; হাৰ্টৰ অসুখ- মানে হৃদয় এখন আছে । মুঠতে চব পজিটিভ । যেতিয়া এই বেমাৰবোৰক পজিটিভলি ট্ৰিট কৰিব, দেখিব সিহত পলাই পত্ৰং দিব ।
মুঠতে থকা কেইদিন be positive ….
সন্ধি‌য়াৰ পৰা দাঁতৰ বিষত ভুগি আছোঁ, দাত নাথাকিলে ক’ত দাঁতৰ বিষ হলহেতেন, আছে কাৰণেহে….