হিমন্ত বিশ্ব শৰ্মাৰ সম্মুখত তিনিটা নতুন প্রত্যাহবান: ড০ সুশান্ত কুমাৰ কাশ্যপ

এক নতুন বিপদে সোণোৱাল চৰকাৰক লগ দিলে কৰ’নাৰ ৰূপত । ‘কেব’  আন্দোলনৰ পিছত বৰ্তমান বিশ্বব্যাপি দেখা দিয়া কৰ’না মহামাৰীয়ে যেন চৰকাৰখনৰ ওপৰত উপৰ্যুপৰি আক্ৰমণ অব্যাহত ৰাখিছে ৷ কেব বিৰোধী আন্দোলনৰ সময়ত অসমত যি পৰিস্হিতিৰ উদ্ভৱ হৈছিল সেয়া বৰ্তমান হোৱা লক ডাউনকৈ অলপো কম নাছিল ৷ এক ভয়াবহ বিভীষিকাময় পৰিস্থিতি ৷ ক্ষতিগ্ৰস্হ হৈছিল ৰাজ্যৰ অৰ্থনীতি, শিক্ষা ব্যৱস্হা ৷ অৱশ্যে সেয়া বৰ বেছি দিনলৈ অব্যাহত নাছিল ৷  ৰাজ্যৰ পৰিস্থিতিও স্বাভাৱিক হবলৈ আৰম্ভ কৰিছিল ৷ এনেকুৱা এক সময়তেই বিশ্বব্যাপি বিয়পি পৰা মহামাৰী ‘কভিড 19’ যেন ভূতৰ ওপৰত দানহ পৰা দি ধংস কৰিবলৈ আহিছে ৰাজ্যৰ অৰ্থব্যৱস্হা, শিক্ষা ব্যৱস্হা ৷  ইতিমধ্যে লক ডাউনৰ প্ৰায় ডেৰ মাহ উকলি গৈছে ৷ আৰু কিমান দিন লক ডাউনত থাকিব লগা হ’ব সেয়াও সন্দেহৰ আৱৰ্তত ৷ কাৰণ দৈনিক ভাৰতবৰ্ষত বৃদ্ধি পাই আহিছে কৰ’না আক্ৰান্ত ৰোগীৰ সংখ্যা,  লগতে মৃত্যুৰ সংখ্যাও ৷ অৱশ্যে অসমত সম্প্ৰতি কৰ’না নিয়ন্ত্ৰণাধীন বুলি ক’লেও বঢ়াই কোৱা নহব ৷   কিন্তু লক ডাউনৰ ফলত ৰাজভড়াল প্ৰায় উদং হোৱাৰ নিছিনা অৱস্হা হৈছে ৷ যোৱা ডেৰ মাহত চৰকাৰৰ আয় প্ৰায় নোহোৱাৰ দৰেই হৈছে ৷ যি সময়ত চৰকাৰী কৰ্মচাৰীৰ দৰমহা , পেঞ্চন  আদিৰ নামতেই মাহিলী প্ৰায় চাৰে তিনি হাজাৰ কৌটি টকাৰ প্ৰয়োজন হয়, তেনে অৱস্হাত এশ কোটি টকাও আয় কৰিব নোৱাৰা চৰকাৰ খন কেনেকুৱা অৱস্হাত পৰিব পাৰে সেয়া সহজেই অনুমেয় ৷ ইতিমধ্যে ৰাজ্যচৰকাৰে ব্যয় সংকোচন নীতি গ্ৰহণ কৰিছে ৷ চৰকাৰী কৰ্মচাৰী বা বিষয়াৰ বাদে ৰাজনৈতিক ভাৱে পদৱী লাভ কৰা নিগম নিকায়ৰ অধ্যক্ষ, মন্ত্ৰী, বিধায়ক আনকি ৰাজ্যপালৰো দৰ্মহা কৰ্তন কৰিবলৈ সিদ্ধান্ত গ্ৰহণ কৰিছে ৷ সাম্প্ৰতিক সময়ত এয়া হোৱাতো স্বাভাৱিক ৷ চৰকাৰৰ ব্যয় বাঢ়ি গৈ আছে, কিন্তু দ্ৰুত হাৰত হ্ৰাস পাইছে চৰকাৰৰ ৰাজহ সংগ্ৰহ । গতিকে বৰ ভয়াবহ আৰ্থিক সংকটৰ দিশে গতি কৰিছে ৰাজ্য খন । পৰিস্থিতি স্বাভাৱিক হবলৈ কিমান সময় লাগিব সেয়া কোৱা টান ৷ ভাৰত চৰকাৰেও কিমান আৰ্থিক সকাহ দিব পাৰিব সেয়া সাম্প্ৰতিক সময়ত অতি গুৰুত্বপূৰ্ণ প্ৰশ্ন ৷ কাৰণ লক ডাউনৰ ফলত দ্ৰুতহাৰত হ্ৰাস হৈছে ৰাজহ সংগ্ৰহ ৷  তদুপৰি এই মহামাৰীৰ আক্ৰমণৰ কবলত  গোটেই বিশ্ব খনেই সোমাই পৰিছে, গতিকে এনে অৱস্থাত এখন দেশক সহায় কৰিবলৈ আন  দেশ ওলাই আহিব পাৰে সেয়াও চিন্তাৰ বিষয় । ইতিমধ্যে চুবুৰীয়া ৰাষ্ট্ৰ পাকিস্তানে সহায় বিচাৰি হাহাকাৰ কৰি আছে যদিও কোনো এখন দেশেই আগবাঢ়ি অহা নাই  ৷ এতিয়া দেশ বোৰে মহামাৰীৰ সতে যুদ্ধ কৰিব লগা হৈছে ৷ বহু কেইখন তুলনামূলক ভাবে উন্নত ৰাষ্ট্ৰৰ অৱস্হা শোচনীয় হৈ পৰিছে ৷ অৰ্থনীতিয়েই নহয়, খাদ্য সংকততো ভূগিছে একাধিক দেশ ৷ গতিকে এই অৱস্হাত যে নিজৰ জুই নিজেই নুমাব লাগিব  ৷

দেশ তথা  ৰাজ্যৰ বিত্ত বিভাগ যে এক প্ৰত্যাহ্বানৰ সম্মুখীন হব সেয়া নিশ্চিত ৷

ইফালে কৰ’নাৰ ‘ৰেড জোন ‘ হিচাপে চিহ্নিত নলবাৰী আৰু গোলাঘাট গ্ৰীণ জোনলৈযোৱাৰ পিছত বঙাইগাওঁ জিলাত নতুনকৈ কভিড পজিটিভ চাৰিজনৰ শৰীৰত ধৰা পৰাতো সাম্প্ৰতিক সময়ত উদ্বেগৰ বিষয় ৷ কোনো ট্ৰেভেল হিষ্ট্ৰী নথকা বা কাৰো প্ৰত্যক্ষ সংস্পৰ্শলৈ নহা এইসকলৰ কেনেকৈ হ’ল বা উৎস ক’ত তাক নিৰ্ণয় কৰাতো বৰ্তমান সময়ত অতি জৰুৰী স্বাস্হ্য বিভাগৰ বাবে ৷ লক ডাউন অন্ত পৰিবলৈ কেইটামান দিন থকা অৱস্হাত নতুন কৰ’না ৰোগী ওলোৱা কথাটোৱে ভৱিষ্যত দিন বিলাকত পৰিস্হিতি যে জটিল হ’ব পাৰে, তাৰেই ইংগীত বহন কৰিছে ৷  ইতিমধ্যে  যথেষ্ঠ কষ্ট কৰি থকা স্বাস্হ্য বিভাগৰ কৰ্মী সকলৰ বাবে আগত দিনবোৰ যে প্ৰত্যাহ্বানৰ দিন হ’ব সেয়া নিশ্চিত ৷

ইফালে ৰাজ্যৰ স্কুল, কলেজ, বিশ্ববিদ্যালয় সমুহো বন্ধ হৈ আছে ৷ কেতিয়ালৈ খুলি দিব সেয়া এতিয়াই ঠিৰাং কৰিব নোৱাৰি ৷ যদি কৰ’না আক্ৰান্ত ৰোগীৰ সংখ্যা যদি বৃদ্ধি হয়, তেনেহলে পুণৰ দুই তিনি মাহলৈ যে স্কুল, কলেজ খোলা দিব পৰা নাযাব সেয়া স্পষ্ট ৷ গতিকে ছাত্ৰ ছাত্ৰীসকলে এই দুৰ্য্যোগপূৰ্ণ মুহুৰ্তত এটা বৰ্ষ হয়তো পিছুৱাই যাব পাৰে ৷ আকৌ যদি বৰ্ষ হেৰুওৱাৰ আংশকাত যদি জধে মধে স্কুল, কলেজ খুলি দিয়া, পৰিস্হিতি বিষম হওতেও সময় নালাগিব সেয়াও সন্দেহৰ উৰ্ধত নহয় ৷

আকৌ কংগ্ৰেছ দলে বিভিন্ন সমালোচনা কৰিছে ৷ বিশেষকৈ সাহাৰ্য প্ৰদান, কৰ’নাৰ চিকিৎসা সামগ্ৰী আদি ক্ৰয় বা আমদানি কৰাৰ ক্ষেত্ৰত দূৰ্ণীতি হোৱা বুলি অভিযোগ উথ্থাপন কৰিছে ৷ অৱশ্যে স্বাস্হ্য মন্ত্ৰীয়ে সংবাদ মেলত এই অভিযোগৰ নতশিৰে উত্তৰ দিছে ৷ হয়তো ভৱিষ্যতে আকৌ সমালোচনাৰ যে সম্মুখীন হব লাগিব সেয়া ধুৰুপ ৷ কাৰণ এনেকুৱা পৰিস্হিতিত চাৰে তিনি কোটি মানুহৰ প্ৰত্যোককে সন্তুষ্ট কৰা সহজ নহয় ৷

 তদুপৰি আগত বৰ্ষৰ আৰম্ভণিতে ৰাজ্যত নিৰ্বাচন অনুষ্ঠিত হ’ব ৷ যি সময়ত চৰকাৰখনে উন্নয়নমূলক কামকাজেৰে ৰাইজক সন্তুষ্ট কৰিব লাগিছিল, সেই সময়ত কৰ’নাৰ বিৰুদ্ধে  যুঁজ দিওতেই সময় অতিবাহিত কৰিব লগা হৈছে ৷ আশাকৰা হৈছিল কিছু সংখ্যক নিবনুৱা যুৱক যুৱতীয়ে টেট বা অন্য পৰীক্ষাৰ জড়িয়তে চাকৰি পাবলৈ সক্ষম হব,  সেয়াও বৰ্তমান অনিশ্চয়তাত ৷

বৰ্তমান সময়ত যি কেইটা বিষয় গুৰুত্বপূৰ্ণ,বিত্ত, সাস্হ্য আৰু শিক্ষা, সেই আটাইকেইটা বিভাগৰে  গুৰু দায়িত্ব বহন কৰি আছে মন্ত্ৰী ড০ হিমন্ত বিশ্ব শৰ্মাই ৷ অৱশ্যে যোৱা ডেৰমাহ অসমৰ ৰাইজে প্ৰত্যক্ষ কৰি আছে হিমন্ত বিশ্ব শৰ্মাক বিভিন্ন  সংবাদ মাধ্যমৰ যোগেদি বা সামাজিক মাধ্যমৰ যোগেদি ৷ ৰাইজে তেখেতক মুকলিকৈ প্ৰশংসা কৰাও দেখা গৈছে৷লক ডাউন শেষ হোৱাৰ পিছত  নিৰ্বাচনত কংগ্ৰেছৰ বিৰুদ্ধে , স্বাস্থ্যত কৰ’না আৰু শিক্ষা মন্ত্ৰী হৈও ছাত্ৰ সন্থাৰ লগত ‘কেব’ বা ‘কা’ আন্দোলনৰ তিনিখন যুদ্ধ একেলগে যে যুজিব লাগিব ।  এইবোৰ প্ৰত্যাহ্বান কেনেদৰে গ্ৰহণ কৰে সেয়া লক্ষণীয় হব আগত দিনবোৰত ৷

---

দ্বিতীয় বৰ্ষপূৰ্তি উপলক্ষে ৰাজনৈতিক লেখনিৰ প্ৰতিযোগিতা