‘ৰাজনীতি অসম’ অসমৰ প্ৰথম ৰাজনৈতিক ই-আলোচনীৰ প্ৰতিবেদন
ৰাজনীতি অসম’ (WWW.RAJNITIAXOM.COM) : দুই বছৰ – ১ লাখ ৬৯ হাজাৰ পঢ়ুৱৈ
ভাৰতীয় জনতা পাৰ্টিৰ সভাপতি তথা বিধান সভাৰ প্ৰাক্তন অধ্যক্ষ ৰঞ্জিত দাস নিজৰ সমষ্টি সৰভোগত গভীৰ সংকতৰ সন্মুখিন হৈছে । ২০১১ আৰু ২০১৬ চনৰ বিধান সভা নিৰ্বাচনত সৰভোগ সমষ্টিত শেষ হাঁহি মাৰিছিল ৰঞ্জিত দাসে । বিৰোধীৰ ভোট বিভাজন আৰু ধৰ্মীয় সংখ্যালঘু সম্প্ৰদায়ৰ কৃত্ৰিম প্ৰাৰ্থী থিয় কৰাই বিজেপি জয়ী
হৈছিল । অসমৰ বিভিন্ন প্ৰান্তত সংঘটিত নিৰপৰাধী ব্যক্তিৰ হত্যাকাণ্ড আৰু সমষ্টিত নিবনুৱা বৃদ্ধিৰ বৰ্ধিত হাৰে অসমীয়া ভাষী আৰু বড়ো ভাষী বিজেপি ভোটাৰৰ মনত অসন্তুষ্টিৰ ভাব সৃষ্টি কৰিছে । এফালে নিজৰ ভোট বেংকত খহনীয়া আৰু অন্যহাতে বিজেপি বিৰোধী শক্তিবোৰৰ মিত্ৰতা । এইবাৰ কংগ্ৰেছ , এআইইউডিএফ আৰু বাওঁপন্থী দলৰ বুজাবুজিয়ে ৰঞ্জিত দাসক নিশ্চিত বিপদত পেলাব । সৰভোগ সমষ্টিৰ জনগাঁঠনিৰ অংকই আগন্তুক নিৰ্বাচনত বিজেপিক পৰাজিত কৰি এজন অবিজেপি বিধায়ক নিৰ্বাচিত কৰি পঠোৱাত বিশেষ ভুমিকা ল’ব বদৰুদ্দিন আজমলে । অবিজেপি প্ৰাৰ্থীৰ জয় নিশ্চিত কৰাৰ স্বাৰ্থত এই সমষ্টিত এ আই ইউ ডি এফ আৰু কংগ্ৰেছে দুৰ্বল প্ৰাৰ্থী থিয় কৰাই বাওঁপন্থী প্ৰাৰ্থীৰ জয় নিশ্চিত কৰিব । ইয়াৰ বিনিময়ত বৰপেটা আৰু জনীয়াত আজমলৰ দলে প্ৰাৰ্থিত্ব বিচাৰিব । আনহাতে বাঘবৰ,সৰুক্ষেত্ৰী আৰু ভৱানীপুৰত আজমল আৰু বাওঁদলে কংগ্ৰেছক সমৰ্থন দিব । বৰপেটা জিলাৰ অন্তৰ্গত বাঘবৰ , জনীয়া , সৰভোগ , ভৱানীপুৰ , সৰুক্ষেত্ৰী,বৰপেটা এই গোটেই কেইটা সমষ্টি বিজেপি মিত্ৰজোঁট শুন্য হোৱা প্ৰায় খাটাং । ৰঞ্জিত দাসৰ কাৰণে সুৰক্ষিত সমষ্টি হৈছে পাটাছাৰকুছি ।পাটাছাৰকুছিত অগপৰ লগত বন্ধুত্বপুৰ্ণ প্ৰতিদন্দিতা হ’লেও বিজেপিৰ কাৰণে সমষ্টি দখল কঠিন নহ’ব ।
যদিহে ৰঞ্জিত দাসে সমষ্টি সলনি নকৰে তেন্তে ২০২১ চনৰ নিৰ্বাচনত বিজেপি দলৰ সভাপতিৰ পৰাজয় আসন্ন ।
২০১১ ৰ নিৰ্বাচনত বিজেপিয়ে পাইছিল ৪০,৭১৬ টা ভোট আৰু ইয়াৰ বিপৰীতে কংগ্ৰেছৰ আব্দুল চেলিম , এ আই ইউ ডি এফৰ আব্দুচ চামাদ আৰু নিৰ্দলীয় আয়াদ আলীয়ে ভোট পাইছিল ক্ৰমে ২১, ৫৩৪ টা , ২১০৯৯ টা আৰু ২০৫১৬ টা । ধৰ্মীয় সংখ্যালঘু প্ৰাৰ্থীয়ে বিজেপিত কৈ প্ৰায় ২২ হাজাৰ ভোট অধিক পাইছিল । আনহাতে সৰভোগ সমষ্টিৰ অতি চিনাকী প্ৰাৰ্থী চিপিআইএমৰ মনোৰঞ্জন তালুকদাৰে পাইছিল ২০৬০৯ টা ভোট । বিজেপিক সাম্প্ৰদায়িক দল বুলি কেব আন্দোলনত এখন মঞ্চত থিয় হৈ বিৰোধ বিৰোধী দলৰ মুঠ ভোট ৰঞ্জিত দাসে লাভ কৰা ভোটৰ প্ৰায় দুগুণ ।
২০১৬ চনৰ নিৰ্বাচনটো একেই সমীকৰণত বিজেপিৰ ৰঞ্জিত দাস জয়ী হৈছিল । বিজেপিৰ ভোট শ্বেয়াৰ আছিল ৩৩.৩৩% আৰু বিৰোধীৰ মুঠ ভোট শ্বেয়াৰ আছিল ৬০% ৰ অধিক । কিন্তু ২০২১ ত পুৰণি সমীকৰণ নচলে । এইবাৰ বদৰুদ্দিন আজমল আৰু কংগ্ৰেছে ১২৬ টা সনষ্টিত মিত্ৰতা কৰি বিধানসভা দখল কৰাৰ ব্লুপ্ৰিন্ট বনায় আছে অজিত ভুঞাই । যিবিলাক সমষ্টিত ( উজনি আৰু মধ্য অসমত) ধৰ্মীয় সংখ্যালঘু ভোটাৰ ৩০ % ৰ কম সেই সমষ্টি বিলাকত অজিত ভুঞাৰ নেতৃত্বত নতুনকৈ জন্ম পোৱা দলৰ পৰা কেব আন্দোলনত জড়িত নেতাক প্ৰাৰ্থিত্ব প্ৰদান কৰি বিজেপিৰ ভোটত সিন্ধি খান্দিব আৰু কংগ্ৰেছ প্ৰাৰ্থী জয়ী হোৱাত সুবিধা কৰি দিব । কাৰণ ধৰ্মীয় সংখ্যালঘু ভোটাৰে ব্লক হিচাপত কংগ্ৰেছক ভোট দিব ।
