‘ৰাজনীতি অসম’ অসমৰ প্ৰথম ৰাজনৈতিক ই-আলোচনীৰ প্ৰতিবেদন
ৰাজনীতি অসম’ (WWW.RAJNITIAXOM.COM) : দুই বছৰ – ১ লাখ ৬৯ হাজাৰ পঢ়ুৱৈ
ৰাজনীতি অসমৰ নৱেম্বৰ মাহৰ অ’পিনিয়ন প’ল আছিল অসমৰ তিনিটা প্ৰধান দলৰ সভাপতি সকলৰ ২০২১ৰ নিৰ্বাচনত জয়ৰ সম্ভাবনীয়তাৰ বিষয়ে। আমি জানিব বিচাৰিছিলো ২০২১ত বিজেপিৰ সভাপতি ৰঞ্জিত দাস সৰভোগৰ পৰা, কংগ্ৰেছৰ সভাপতি ৰিপুন বৰা গহপুৰৰ পৰা আৰু অতুল বৰা বোকাখাতৰ পৰা জয়ী হ’ব পাৰিবনে? ১ নৱেম্বৰৰ পৰা ২০ নৱেম্বৰলৈ চলা আমাৰ অ’পিনিয়ন প’লৰ ফলাফল আছিল এনেধৰণৰঃ
সৰভোগত ৰঞ্জিত দাস
জয়ৰ সম্ভাবনাঃ ৪৭.৪%
পৰাজয়ৰ সম্ভাবনাঃ ৫২.৬%
গহপুৰৰ পৰা ৰিপুণ বৰা
জয়ৰ সম্ভাবনাঃ ৪২.১%
পৰাজয়ৰ সম্ভাবনাঃ ৫৭.৯%
বোকাখাতৰ পৰা অতুল বৰা
জয়ৰ সম্ভাবনাঃ ৩৬.৮%
পৰাজয়ৰ সম্ভাবনাঃ ৬৩.২%
আমাৰ অ’পিনিয়ন প’লৰ পৰা এইকথা স্পষ্ট হ’ল যে তিনিজন সভাপতিয়ে ২০২১ৰ বিধানসভা নিৰ্বাচনত প্ৰবল প্ৰত্যহ্বানৰ সন্মুখীন হ’ব। ৰিপুন বৰা ৰাজ্যসভাৰ সাংসদ। সেয়েহে নিশ্চিত পৰাজয়ৰ কথা জানি বিধানসভা নিৰ্বাচনত প্ৰতিদ্বন্দ্বিতা নকৰাৰ সম্ভাবনা অধিক। ৰঞ্জিত দাস আৰু অতুল বৰা বৰ্তমান বিপাঙত পৰিছে। সমষ্টি সলনি কৰিলে ভুল বাৰ্তা যাব নকৰিলেও উপাই নাই। সেয়েহে অন্তিম সময়ত এই দুজন নেতাই কি সিদ্ধান্ত লয় সেয়া লক্ষণীয় হ’ব। ২০২১ত বিজেপি মিত্রজোঁটৰ চৰকাৰ হ’লে দুয়োজন নেতাৰ কেবিনেটত স্থান প্ৰায় নিশ্চিত। তেনেস্থলত এওলোকে কেনেকৈ বিধানসভা নিৰ্বাচনৰ বৈতৰণী পাৰ কৰে সেইটোহে ডাঙৰ প্ৰশ্ন।
