Friday, March 29, 2024
Home Blog Page 3

বিজেপি নেতাৰ হত্যাকাৰীক মৃত্যুদণ্ড

  • তাৰক দাস

ৰাজনীতি অসম’ (WWW.RAJNITIAXOM.COM) : অসমৰ প্ৰথম ৰাজনৈতিক ই-আলোচনী


মাভেলিকাৰা অতিৰিক্ত অধিবেশন আদালতে এটা গোচৰৰ ১৫জন অভিযুক্তক মৃত্যুদণ্ডৰ শাস্তি প্ৰদান কৰিছে। ৰঞ্জিত শ্ৰীনিবাসনৰ নৃশংস হত্যাকাণ্ডই সমগ্ৰ ৰাজ্য কঁপাই তুলিছিল। বিজেপি কৰ্মী তথা অধিবক্তা ৰঞ্জিতক বৃদ্ধ মাতৃ, পত্নী, নাবালিকা কন্যাৰ সন্মুখত তেওঁৰ ঘৰত এছডিপিআই-পিএফআইৰ কৰ্মীয়ে  হত্যা কৰে। প্ৰিয় জীৱনৰ বাবে যুঁজি থকা ৰঞ্জিতৰ তেজেৰে তিতি থকা শৰীৰৰ প্ৰতিচ্ছবি এনেকুৱা বস্তু যিটো পৰিয়ালটোৱে কেতিয়াও স্মৃতিৰ পৰা মচি পেলাব নোৱাৰে। কিন্তু আজি জাৰি কৰা মৃত্যুদণ্ডৰ ৰায়দানে তেওঁলোকক ন্যায়ৰ কিছু আভাস দিছে।

২০২১ চনৰ ১৮,১৯ ডিচেম্বৰত ২৪ ঘণ্টাৰ ভিতৰত আলাপ্পুজাই দুটা হত্যাকাণ্ডৰ সাক্ষী হৈছিল য’ত বিজেপি আৰু এছডিপিআইৰ এজন নেতাক হত্যা কৰা হৈছিল।

১৮ ডিচেম্বৰৰ নিশাই এছডিপিআইৰ নেতা কে.এছ শ্বানক এদল লোকে হেক কৰি হত্যা কৰাৰ খবৰটো ভাঙি পৰিছিল। এই হত্যাকাণ্ডৰ লগত জড়িত থকাৰ বাবে ধৰা পৰিল আৰ এছ এছৰ কৰ্মী। ৰাতি ভোৰ হোৱাৰ আগতেই ৰঞ্জিত শ্ৰীনিবাসনৰ ভয়ানক হত্যাকাণ্ড সংঘটিত হয়। এই কৰুণ হত্যাকাণ্ডটো সম্পন্ন কৰিবলৈ মাত্ৰ ঘণ্টাৰ পিছত ঘণ্টা পৰিকল্পনাৰ প্ৰয়োজন হৈছিল।

এদল আক্ৰমণকাৰীয়ে ৰঞ্জিতৰ ঘৰত সোমাই ফাঁচি লগাই । শৰীৰ ৫৬ বাৰ কাটি পেলোৱাৰ লগতে মুখখন বিকৃত কৰৱ । ঘৰৰ আন সদস্য মাতৃ , পত্নী আৰু সন্তানক ৰচীৰে বান্ধি ৰাখে ।

প্ৰাথমিক তদন্তত প্ৰকাশ পাইছে যে বিজেপি অ’বিচি মৰ্চাৰ ৰাজ্যিক সম্পাদক ৰঞ্জিতক ছয়খন বাইকত অহা ১২ জনীয়া বামপন্থী মৌলবাদীয়ে ফাঁচি লগাই হত্যা কৰিছিল। অভিযুক্তৰ এটা মোবাইলত এটা হিটলিষ্ট পোৱা গৈছে য’ত ৰঞ্জিতৰ প্ৰথম নাম আছিল।

এই অনুষ্ঠানৰ দুবছৰৰ পাছত আদালতে ৰায় ঘোষণা কৰি ১৫জন অভিযুক্তক মৃত্যুদণ্ডৰ শাস্তি প্ৰদান কৰে। এই গোচৰৰ ১৫৬জন সাক্ষীক পৰীক্ষা কৰে বিচাৰ বিভাগে। প্ৰায় হাজাৰটা নথি-পত্ৰ আৰু এশৰো অধিক প্ৰমাণ আদালতত দাখিল কৰা হ’ল।

অভিযুক্তৰ মতে, আদালতে ১৫ জনৰ ভিতৰত এজনৰ পৰা আঠজন অভিযুক্ত এই গোচৰৰ সৈতে প্ৰত্যক্ষভাৱে জড়িত বুলি ধৰা পেলায়।

ইয়াৰ উপৰিও চাৰিজন লোকক (অভিযুক্ত ন নম্বৰৰ পৰা ১২) হত্যাৰ দোষী সাব্যস্ত কৰা হৈছে কাৰণ তেওঁলোকে অপৰাধৰ সৈতে প্ৰত্যক্ষভাৱে জড়িত লোকসকলৰ সৈতে মাৰাত্মক অস্ত্ৰৰে সজ্জিত হৈ সেই স্থানলৈ আহিছিল।

তেওঁলোকৰ উদ্দেশ্য আছিল শ্ৰীনিবাসনক পলায়ন কৰাত বাধা দিয়া আৰু তেওঁৰ চিঞৰ শুনি ঘৰত প্ৰৱেশ কৰা কোনো লোকক বাধা দিয়া।

আই পি চিৰ ১৪৯ নং ধাৰাত হত্যাৰ সাধাৰণ অপৰাধৰ বাবেও তেওঁলোক দায়ী বুলি বিচাৰ বিভাগৰ যুক্তি মানি লৈছিল (সাধাৰণ বস্তুৰ বিচাৰত সংঘটিত অপৰাধৰ বাবে দোষী সাব্যস্ত হোৱা অবৈধ সভাৰ প্ৰতিজন সদস্য) বুলি পডিকালে কয়।

এই অপৰাধৰ বাবে ষড়যন্ত্ৰ ৰচনা কৰা তিনিজন ব্যক্তিক (অভিযুক্ত ১৩ৰ পৰা ১৫)ক হত্যাৰ দোষী সাব্যস্ত কৰা হয়। ফলত আদালতে গোচৰটোৰ ১৫জন অভিযুক্ত আটাইকেইজনক হত্যাৰ দোষী সাব্যস্ত কৰে। ভাৰতীয় দণ্ডবিধিৰ আন বিভিন্ন ধাৰাত দোষী সাব্যস্ত কৰা হয়।

কলিতা জাতিৰ নায়ক ৰজা পৃথু

  • অৰুণাভ খাউণ্ড

ৰাজনীতি অসম’ (WWW.RAJNITIAXOM.COM) : অসমৰ প্ৰথম ৰাজনৈতিক ই-আলোচনী


হিন্দু কলিতা ৰজা পৃথু – শৰাইঘাট যুদ্ধৰ ৫০০ বছৰ আগেয়ে অসমৰ পৰা খেদি পঠিয়াইছিল বিদেশী ইচলাম আক্ৰমণকাৰীক :
১২০৬ খ্ৰীষ্টাব্দত মানৱ সভ্যতাৰ ইতিহাসৰ এজন অন্যতম ক্ৰুৰ শাসক মোহম্মদ_ঘোৰীৰ সেনাধ্যক্ষ বখটিয়াৰ খিলিজিয়ে, খেন (কলিতা) বংশৰ মহাৰাজ পৃথুৰ শাসনাধীষ্ঠ কামৰূপ (বৰ্তমানৰ অসম) প্ৰদেশ আক্ৰমণ কৰিছিল৷ ইতিপূৰ্বেই বখটিয়াৰ খিলিজিয়ে উত্তৰভাৰত আৰু পশ্চিমবংগ জয় কৰিছিল৷ এই বখটিয়াৰ খিলিজিয়েই হ’ল মধ্যযুগৰ বিশ্বৰ সৰ্ববৃহৎ আৰু প্ৰসৃিদ্ধতম #নালন্দা বিশ্ববিদ্যালয় জ্বলাই দিয়া কুখ্যাত খলনায়ক৷ বখটিয়াৰ খিলিজিয়ে বিহাৰ আৰু পশ্চিম বংগৰ বহু হিন্দু , বৌদ্ধ মন্দিৰ ভাঙি ধ্বংস কৰিছিল আৰু শতাধিক হিন্দু সাধুক জীৱন্তে জ্বলাই দিছিল৷ ১২০০০জন সৈন্যৰ এক বিশাল বাহিনী সহ বখটিয়াৰ খিলিজিয়ে অসম আক্ৰমণ কৰিছিল কিন্তু কামৰূপৰ শাক্ত হিন্দু সম্ৰাট মহাৰাজ পৃথুৰ সেনাৰ প্ৰতি আক্ৰমণৰ সন্মুখত তিষ্ঠিব নোৱাৰি একালৰ অজেয়,উত্তৰ ভাৰতৰ আতংক,নালন্দা ধ্বংসকাৰী বখটিয়াৰ খিলিজিয়ে শেষত কোনোমতে প্ৰাণ বচাই নীলাচলবাসিনী মা কামাখ্যাৰ পবিত্ৰ কামৰূপ ভূমি এৰি পলাই-পত্ৰং দিয়ে৷ ১২০০০ সৈন্যৰ বেছিভাগেই ৰণত পৰিল,কিছুমান আকৌ পলাই যাওঁতে ব্ৰহ্মপুত্ৰ নদীত পৰি উটি গ’ল,কিছুমান বন্দী হ’ল আৰু শেষত বখটিয়াৰ খিলিজিয়ে সেই ১২০০০ সৈন্যৰ পৰা মাত্ৰ এমুঠিমান সৈন্যসহ পলায়ন কৰিবলৈ সক্ষম হ’য়৷ ভাগ্যৰ কি বিড়ম্বনা! যি বখটিয়াৰ খিলিজি মন্দিৰ ধ্বস্ত কৰাৰ বাবে কুখ্যাত আছিল লাজে শোকে জৰ্জৰিত সেই খিলিজিয়ে অন্তিম সময়ত এটা হিন্দু মন্দিৰত আশ্ৰয় লৈ সেই মন্দিৰৰ ভূমিতে প্ৰাণ ত্যাগ কৰে৷

ঐতিহাস্যিক শৰাইঘাটৰ যুদ্ধতকৈ প্ৰায় পাঁচশ বছৰ পূৰ্বেই কলিতা জাতিৰ মহানায়ক পৃথুৱে বখটিয়াৰ খিলিজিৰ দৰে এক কুখ্যাত,দুৰ্ধৰ্ষ আৰু পৰাক্ৰমী বিদেশী শক্তিক অসমত প্ৰবেশ কৰিবলৈ নিদি খেদি পঠিয়াইছিল যি বাবৰ বা ঔৰাংগজেৱতকৈ শতগুণে শক্তিশালী আৰু অনিষ্টকাৰী আছিল৷কানাইৰ বৰশী বোৱা শিলে আজিও কলিতা বংশৰ মহাৰাজ পৃথুৰ গৌৰৱময় ইতিহাসক সুঁৱৰি নিৰবে চকুলো টোকে কাৰণ এক বিশেষ_জনগোষ্ঠীৰ বুৰঞ্জীবিদসকলৰ পক্ষপাতিত্বমূলক নীতি আৰু কুটিল ষড়যন্ত্ৰৰ দ্বাৰা কলিতা জাতি অসমৰ খিলঞ্জীয়া জাতি নহয় বুলি প্ৰচাৰ
হৈছিল । হিন্দু ধৰ্মৰ কলিতা জাতিৰ নায়ক পৃথুৰ মুল্যায়ন আজিও সীমিত ।

ৰাহুল গান্ধী এগৰাকী গৰম-ঠাণ্ডা অনুভৱ নকৰা ব্যক্তি।

  • বুবুল তালুকদাৰ

ৰাজনীতি অসম’ (WWW.RAJNITIAXOM.COM) : অসমৰ প্ৰথম ৰাজনৈতিক ই-আলোচনী


বিজেপি দলে প্রধানমন্ত্ৰী নৰেন্দ্ৰ মোদীৰ নেতৃত্বত
মোগলক খেদি ৰামৰাজ্য আৰম্ভ কৰিছে। দেশৰ ক্ষিপ্ৰ উন্নয়ন আৰু অধিক পৰিৱৰ্তনৰ কাৰণে যিকোনো মূল্যৰ বিনিময়ত নৰেন্দ্ৰ মোদীক তৃতীয়বাৰৰ বাবে দেশৰ প্ৰধানমন্ত্রী নিৰ্বাচিত কৰিব লাগে ৷ নৱগঠিত দৰং-ওদালগুৰি সমষ্টিত ভোটাৰ ৰাইজে পুনৰ বিজেপি দলক বিপুল ভোটত জয়ী কৰোৱাব। আমাৰ প্ৰাৰ্থী যিয়েই নহওক, বিজয় নিশ্চিত। আগন্তুক লোকসভা নিৰ্বাচনৰ দিন ঘোষণাৰ পূৰ্বেই মঙলদৈ ভেৱাৰঘাটত অৱস্থিত বিজেপিৰ স্থায়ী কার্যালয় চৌহদত দৰং-ওদালগুৰি সমষ্টিৰ মুখ্য নির্বাচনী কার্যালয়
মুকলি কৰি এই ভাষ্য আগবঢ়ায় অসম চৰকাৰৰ কেবিনেট মন্ত্রী শ্ৰী জয়ন্ত মল্লবৰুৱাই। মন্ত্ৰী বৰুৱাই ইণ্ডি গোট বন্ধনক
কঠোৰ সমালোচনা কৰি কয় যে ইণ্ডি এলায়েঞ্চ হৈছে এক পৰিয়ালতান্ত্রিক গোট বন্ধন, দুর্নীতিত জেল যোৱাৰ ভয়তহে একত্ৰিত হৈছে। ৰাহুল গান্ধী এগৰাকী গৰম-ঠাণ্ডা অনুভৱ নকৰা ব্যক্তি। তেওঁ ভাৰতীয় ঐতিহ্য আৰু পৰম্পৰাক বিশ্বাস নকৰে। এনে এলায়েঞ্চে আগন্তুক নির্বাচনত মুখথেকেচা খোৱাটো নিশ্চিত। ৫ শতাধিক নেতা-কর্মী উপস্থিত থকা সভাত মঙলদৈ লোকসভা সমষ্টিৰ নাম সলনি কৰি দৰং-ওদালগুৰি কৰিলেও সমষ্টিটোত বিজেপি দলেই পুনৰ জয়লাভ কৰিব বুলি মন্ত্ৰী বৰুৱাই অভয় প্ৰদান কৰি কয়— দৰং-ওদালগুৰিৰ ভোটাৰ ৰাইজে কোনো কাৰণতে মিঞা সাংসদ নিবিচাৰে। তেওঁ দাবী কৰে যে কেৱল দৰং-ওদালগুৰিতে নহয়, আগন্তুক নির্বাচনত বিজেপি মিত্ৰজোঁটে বৰপেটা, ধুবুৰীসহ অসমৰ ১৪টা লোকসভা সমষ্টিতে জয়ী হৈ অভিলেখ ৰচনা কৰিব। সভাৰ অন্তত সংবাদ মাধ্যমৰ আগত সাংসদ দিলীপ শইকীয়াক কাষত লৈ পুনৰবাৰ মন্ত্ৰী বৰুৱাই কয়— দৰং-ওদালগুৰিত প্ৰাৰ্থী কোন হয়, সেয়া দলে চাব। কিন্তু ৰামৰ ভক্তৰ লেখীয়া আমি হনুমান সদৃশ কার্যকর্তাসকলে বিজেপিকে জয়ী কৰোৱাম, সেয়া হাজাৰ শতাংশ নিশ্চিত ।

নগাওঁ, ধুবুৰী আৰু কৰিমগঞ্জত কোন জয়ী হ’ব?

অহা লোকসভা নিৰ্বাচনত অসমৰ তিনিটা সমষ্টিত প্ৰতিদ্বন্দ্বিতা খুব জমিব। এই তিনিটা সমষ্টি হ’ল ধুবুৰী, নগাওঁ আৰু কৰিমগঞ্জ। এই তিনিটাতে মুছলমান সংখ্যাগৰিষ্ঠ হোৱা বাবে এ.আই.ইউ.দি.এফৰো প্ৰাৰ্থী থাকিব। আমাক জনাওঁক এই তিনিটা সমষ্টিত কোন জয়ী হ’ব। আমাৰ অ’পিনিয়ন প’লত ভাগ ল’বলৈ তলত ক্লিক কৰক। অ’পিনিয়ন প’লত ভাগ লোৱাৰ অন্তিম দিন ২০ ফেব্ৰুৱাৰী ২০২৪।

CLICK HERE

আলফাৰ ৪৫ বছৰীয়া তেজ ৰঙা ইতিহাস

  • প্ৰিয়াংকু নাৰায়ণ বৰুৱা

ৰাজনীতি অসম’ (WWW.RAJNITIAXOM.COM) : অসমৰ প্ৰথম ৰাজনৈতিক ই-আলোচনী


শিৱসাগৰৰ ঐতিহাসিকৰংঘৰৰ বাকৰিত ১৯৭৯ চনৰ ৭ এপ্রিলত সংযুক্ত মুক্তি বাহিনী, অসম চমুকৈ আলফাৰ জন্ম। সংগঠনৰ নাম, প্রতীক চিহ্ন, পতাকা আৰু সংবিধান চূড়ান্ত কৰাৰ উদ্দেশ্যে ১৯৭৯ চনৰ জুন মাহত মৰাণত আলফা নেতৃত্বৰ
বৈঠক।

* ১৯৮০ চনত আলফাই কংগ্ৰেছ নেতা, বহিঃৰাজ্যৰ ব্যৱসায়ী, তৈল-গেছ কোম্পানী ,
চাহ বাগিচাৰ বিষয়াক লক্ষ্য কৰি অভিযান আৰম্ভ কৰে। ইয়াৰ বাবে ৰাজ্যখনত ৰক্তাক্ত পৰিস্থিতিৰ সূচনা হয়।

* ১৯৮৫ৰ পৰা ১৯৯০ চনৰ ভিতৰত আলফাৰ অপহৰণ, ধন দাবী, হত্যা আদিৰ বাবে ৰাজ্যখনত ৰক্তাক্ত পৰিস্থিতিৰ সূচনা হয়। বিশেষকৈ প্ৰফুল্ল কুমাৰ মহন্ত নেতৃত্বাধীন অসম গণ পৰিষদৰ প্ৰথমটো কাৰ্যকালৰ চৰকাৰখনত ইয়াৰ বাবে সৃষ্টি হয় অস্থিৰতা। ইয়াৰ ভিতৰত আছিল ৰাছিয়ান কয়লা অভিযন্তা গ্রীটচাংকো ছাৰ্গেই, চাহ খেতিয়ক সুৰেন্দ্ৰ পাল আৰু তেওঁৰ ভাতৃ লণ্ডনস্থিত ব্যৱসায়ী লৰ্ড স্বৰাজ পালৰ কৰুণ কাহিনী । সমগ্র দেশক এনে ঘটনাই জোকাৰি যোৱাৰ সময়তে ১৯৯০ চনত ইউনিলিভাৰ’-এ তেওঁলোকৰ চাহ বাগিচাত কৰ্মৰত ৭জন কার্যবাহী বিষয়াক কেন্দ্রীয় গৃহ মন্ত্ৰালয়ৰ সহযোগত ডুমডুমাৰ পৰা এয়াৰলিফট কৰে। লক্ষণীয়ভাৱে এই বিষয়ে কোনো কথাই জনা নাছিল তদানীন্তন ৰাজ্য চৰকাৰখনে।

* ১৯৯০ চনৰ ২৮ নৱেম্বৰত অসমত ৰাষ্ট্ৰপতি শাসন প্ৰৱৰ্তন। ইয়াৰ লগে লগে ভংগ হয় প্রফুল্ল কুমাৰ মহন্ত নেতৃত্বাধীন অগপ চৰকাৰ ভংগ হয় । সেইদিনাই সেনাবাহিনীয়ে আলফাৰ বিৰুদ্ধে অপাৰেচন বজৰং আৰম্ভ কৰে। এই অপাৰেচন বজৰঙৰ নেতৃত্বত আছিল সেনাবাহিনীৰ লেফটেনেণ্ট জেনেৰেল অজয় সিং। যিয়ে পিছলৈ অসমৰ ৰাজ্যপাল হৈছিলগৈ।
■ কেন্দ্ৰীয় চৰকাৰে ১৯৯০ চনৰ নৱেম্বৰ মাহতে সশস্ত্র বাহিনী (বিশেষ ক্ষমতা) আইনৰ অধীনত অসমক অশাক্ত অঞ্চল ঘোষণা কৰে। সমান্তৰালভাৱে আলফাক বিচ্ছিন্নতাবাদী আৰু বে-আইনী সংগঠন হিচাপে ঘোষণা কৰা হয়।

*১৯৯১ চনৰ ৩১ জানুৱাৰীত অপাৰেচন বজৰঙৰ সামৰণি পৰে।
■ তদানীন্তন প্রধানমন্ত্রী চন্দ্ৰশেখৰে ১৯৯১ চনৰ জানুৱাৰী মাহত ৰাজ্যসভাত ঘোষণা কৰে যে যদিহে আলফাই ৰাজনৈতিক আলোচনাৰ বাবে আগ্রহ
প্ৰকাশ কৰে, তেন্তে কেন্দ্ৰীয় চৰকাৰে প্ৰয়োজনীয় পদক্ষেপ ল’ব। ইয়াৰ বিপৰীতে সেনা অভিযান আৰু ৰাষ্ট্ৰপতি শাসন বলৱৎ থাকিলে কোনো কাৰণতে আলোচনা সম্ভৱ নহয় বুলি আলফাই স্পষ্ট কৰি দিয়ে। তদুপৰি সশস্ত্র সংগঠনটোৱে সাৰ্বভৌমত্বৰ চৰ্তত অটল থকাৰ কথাও ঘোষণা কৰে।
■ ২১৪ দিনৰ অন্তত ১৯৯১ চনৰ ৩০ জুনত অসমৰ পৰা ৰাষ্ট্ৰপতি শাসন প্রত্যাহাৰ৷
■ ৰাষ্ট্ৰপতি শাসন প্রত্যাহাৰ হোৱাৰ পিছত অসমত বিধানসভা নির্বাচন অনুষ্ঠিত
হয় আৰু প্ৰয়াত হিতেশ্বৰ শইকীয়াৰ নেতৃত্বত গঠন হয় কংগ্ৰেছ চৰকাৰ।
■ ১৯৯১ চনৰ ছেপ্টেম্বৰ মাহত আলফাৰ বিৰুদ্ধে অপাৰেচন ৰাইনো আৰম্ভ।
■ ১৯৯২ চনৰ মাৰ্চ মাহত প্ৰথমবাৰলৈ আলফাত বিভাজন। একাংশ নেতা-সদস্যই আত্মসমৰ্পণ কৰি মূলসুঁতিলৈ ঘূৰি আহে। তেওঁলোক পৰিচিত
হয় আত্মসমর্পণকাৰী আলফা (ছালফা) হিচাপে।
* অগপ আৰু অদম সাহিত্য সভাৰ সন্দেহজনক স্থিতিত হিতেশ্বৰ শইকীয়াই আৰম্ভ কৰা আলোচনা প্ৰক্ৰিয়া বিফল হোৱাৰ পৰিবেশ সুচনা ।
■ প্ৰফুল্ল কুমাৰ মহত্তৰ নেতৃত্বত দ্বিতীয়বাৰলৈ ১৯৯৬ চনত অসমত চৰকাৰ গঠন।

* ১৯৯৭ চনৰ জানুৱাৰী মাহত সেনা, অসম আৰক্ষী আৰু অৰ্ধসামৰিক বাহিনীক লৈ আলফাৰ বিৰুদ্ধে অভিযান চলোৱাৰ বাবে ইউনিফাইড কমাণ্ড
স্ট্রাকচাৰ গঠন। ইয়াৰ নেতৃত্বত আছিল ৰাজ্য চৰকাৰৰ মুখ্য সচিব।

■ ১৯৯৭ চনৰ পৰা ২০০০ চনলৈ অসমত বিৰাজ কৰিছিল এক বিভীষিকাময় পৰিৱেশ। এই সময়ছোৱাতে ৰাজ্যখনত সংঘটিত হয় ইতিহাস
এক ক’লা অধ্যায় ৰূপে চিহ্নিত হোৱা গুপ্তহত্যা কাণ্ড। গুপ্তঘাতকে মূলতঃ টার্গেট কৰি লৈছিল আলফাৰ পৰিয়ালৰ সদস্য-সমর্থকক।
■ ২০০১ চনত অনুষ্ঠিত হোৱা বিধানসভা নিৰ্বাচনত অগপৰ পৰাজয় । ৰাজ্যত গঠন হয় তৰুণ গগৈৰ নেতৃত্বত কংগ্ৰেছ চৰকাৰ।
■ ভূটানত থকা আলফা তথা উত্তৰ-পূৰ্বাঞ্চলৰ সশস্ত্র সংগঠনসমূহৰ শিবিৰত ৰয়েল ভূটান আৰ্মীৰ দ্বাৰা ২০০৩ চনৰ ডিচেম্বৰ মাহত অপাৰেচন অল-ক্লীয়েৰ
■■ চৰকাৰৰ সৈতে আলোচনাত বহিবলৈ ২০০৪ চনত আলফাৰ সন্মতি প্ৰকাশ ।
* ২০০৫ চনৰ ছেপ্টেম্বৰ মাহত আলফাই ১১জনীয়া সদস্যৰে আলোচনা প্রক্রিয়া আগবঢ়াই নিবলৈ গঠন কৰি দিয়ে পিপল্‌ছ কনছাল্টেটিভ গ্রুপ,
চমুকৈ পিচিজি। যাৰ নেতৃত্বত আছিল জ্ঞানপীঠ বঁটা বিজয়ী ড° মামণি ৰয়ছম গোস্বামী। কিন্তু এই আলোচনা প্রক্রিয়াই সফলতা লাভ নকৰিলে ।
■ ২০০৮ চনৰ জুন মাহত জিতেন দত্ত আৰু মৃণাল হাজৰিকাৰ নেতৃত্বৰ আলফাৰ ২৮নং বেটেলিয়নে একপক্ষীয় যুদ্ধবিৰতি ঘোষণা কৰে।
■ আলফাৰ সভাপতি অৰবিন্দ ৰাজখোৱা, বৈদেশিক সচিব শশধৰ চৌধুৰী, উপ-মুখ্য সেনাধ্যক্ষ ৰাজু বৰুৱাকে ধৰি কেইবাজনো শীৰ্ষ নেতাক ২০০৯ চনৰ ডিচেম্বৰ মাহত বাংলাদেশত গ্ৰেপ্তাৰ। পৰৱৰ্তী
সময়ত তেওঁলোকক ভাৰতলৈ প্ৰত্যৰ্পণ কৰা হয় আৰু আটায়ে গুৱাহাটী কেন্দ্ৰীয় কাৰাগাৰত কাৰাৰুদ্ধ হৈ থাকে।
■ ২০১০ চনৰ ডিচেম্বৰত কাৰাৰুদ্ধ আলফা নেতাৰ দ্বাৰা চৰকাৰৰে আলোচনা প্রক্রিয়া আগবঢ়াই নিবলৈ একাংশ বুদ্ধিজীৱী, লেখক, সাংবাদিক আদিক লৈ গঠন কৰা হয় চিটিজেন ফ’ৰাম।
■ ২০১১ চনত সভাপতি অৰবিন্দ ৰাজখোৱাসহ অন্য কাৰাৰুদ্ধ আলফা নেতাসকলক মুক্তি। লক্ষণীয়ভাৱে আলোচনাৰ কুচকাৱাজ চলি থকাৰ সময়তে আলফা দুটা গোটত বিভক্ত হৈ পৰে। সভাপতি অৰবিন্দ ৰাজখোৱাৰ নেতৃত্বত আলোচনাপন্থী আলফা আৰু মুখ্য সেনাধ্যক্ষ পৰেশ বৰুৱাৰ নেতৃত্বত গঠন হয় আলফা (স্বাধীন)।
■ ২০১১ চনৰ ৩ ছেপ্টেম্বৰত কেন্দ্ৰ-ৰাজ্য চৰকাৰ আৰু আলোচনাপন্থী আলফাৰ মাজত ত্ৰিপাক্ষিক যুদ্ধবিৰতিৰ চুক্তি স্বাক্ষৰ।
■ আলোচনাপন্থী আলফাই ২০১২ চনত চৰকাৰক ১২ দফীয়া দাবী চনদ দাখিল কৰে।
■ ১৯৯৭ চনৰে পৰা বাংলাদেশৰ কাৰাগাৰত বন্দী হৈ থকা আলফাৰ প্রতিষ্ঠাপক সাধাৰণ সম্পাদক অনুপ চেতিয়াক সুদীর্ঘ ১৮ বছৰৰ অন্তত ২০১৫ চনত মুক্তি আৰু ভাৰতলৈ প্ৰত্যৰ্পণ।
■ ২০২১ চনৰ মে’ মাহত অসমত ড° হিমন্ত বিশ্ব শৰ্মাৰ নেতৃত্বত বিজেপি চৰকাৰ।
■ কেন্দ্ৰীয় চৰকাৰে আলোচনাৰ প্ৰস্তাৱ দি আলোচনাপন্থী আলফালৈ ২০২৩ চনৰ এপ্ৰিল মাহত শান্তি চুক্তিৰ খচৰা প্ৰেৰণ কৰে। ২০২৩ চনৰ অক্টোবৰ মাহত শান্তি চুক্তিৰ খচৰা সন্দৰ্ভত আলোচনাপন্থী
আলফাৰ পৰামৰ্শ কেন্দ্ৰীয় চৰকাৰলৈ প্ৰেৰণ কৰা বুলি সদৰী কৰে সাধাৰণ সম্পাদক অনুপ চেতিয়াই।
সকলো জল্পনা কল্পনাৰ অৱসান ঘটাই নৰ্থ ব্লকস্থিত কেন্দ্রীয় গৃহ মন্ত্ৰালয়ত আলোচনাপন্থী আলফা আৰু কেন্দ্ৰ ৰাজ্য চৰকাৰৰ মাজত ২০২৩ চনৰ
২৯ ডিচেম্বৰত শান্তি চুক্তি স্বাক্ষৰ। এই অনুষ্ঠানত উপস্থিত থাকে কেন্দ্রীয় মন্ত্রী অমিত শ্বাহ আৰু মুখ্যমন্ত্রী ড° হিমন্ত বিশ্ব শর্মা।

সমুখ সমৰত গৌৰৱ-ৰকিবুল- প্ৰদ্যুত

  • ৰাজনীতি অসমৰ প্ৰতিবেদন

ৰাজনীতি অসম’ (WWW.RAJNITIAXOM.COM) : অসমৰ প্ৰথম ৰাজনৈতিক ই-আলোচনী


অসমৰ মুঠ লোকসভা সমষ্টিৰ সংখ্যা ১৪টা। ইয়াৰ ভিতৰত মুছলমান সংখ্যাগৰিষ্ঠ সমষ্টি তিনিটা হ’ল ধুবুৰী, নগাঁঅ আৰু কৰিমগঞ্জ। সমষ্টি পুনৰনিৰ্ধাৰনৰ পিছত বৰপেটা আৰু কলিয়াবৰ(কাজিৰঙা) ত মুছলমানৰ আধিপত্য কমিল। কংগ্ৰেছ যিহেতু মুছলমানৰ ভোটৰ ওপৰত নিৰ্ভৰশীল সেয়েহে এই তিনিটা সমষ্টিতে টিকট প্ৰত্যাশীৰ সংখ্যা সৰহ। ইয়াৰ ভিতৰতে আকৌ ধুবুৰী আৰু কৰিমগঞ্জৰ কথা অলপ সুকীয়া। ধুবুৰীত বংগ মূলৰ মুছলমানৰ সংখ্যা প্ৰায় ৮৫% আৰু ইয়াৰ বৰ্তমানৰ সাংসদ মৌলানা বদৰুদ্দিন আজমল। কোনো অসমীয়া হিন্দু বা মুছলমানে ধুবুৰীত প্ৰতিদ্বন্দ্বিতা কৰি জয়ী হোৱাৰ সম্ভাবনা খুব কম। কৰিমগঞ্জত বংগভাষী মুছলমান প্ৰায় ৬০%। ইয়াতো টিকটৰ দাবীদাৰ মুলত পমুৱা মুছলমান সকল। গতিকে কংগ্ৰেছৰ ডাঙৰ হিন্দু নেতাসকলৰ এটা মাত্র সুৰক্ষিত সমষ্টি আছে সেয়া হ’ল নগাঁঅ। নগাঁঅত যদিও ৬০% মান মুছলমান ভোটাৰ আছে , তাত অসমীয়াভাষী হিন্দু আৰু কিছু অসমীয়া মুছলমানো আছে। সেয়েহে বৰ্তমানৰ সাংসদ প্ৰদ্যুত বৰদলৈৰ লগতে গৌৰৱ গগৈৰো চকু নগাঁঅত। অকল মাত্র নগাঁঅত প্ৰাৰ্থীত্ব বিচাৰিলে বেয়া দেখি বাবে গগৈয়ে যোৰহাট আৰু কাজিৰঙাৰ নামো ফৰ্মত উল্লেখ কৰিছে। ৰকিবুল হুছেইনে কেবল মাত্র গৌৰৱ গগৈৰ কথামতে নিজৰ মনোনয়ন দিছে। হাইকামাণ্ডৰ ওচৰত হুছেইনে গৌৰৱ গগৈক সমৰ্থন কৰি প্ৰাৰ্থিত্ব প্ৰত্যাহাৰ কৰিব। গৌৰৱ গগৈ যিহেতু কংগ্ৰেছ ৱৰ্কি কমিটিৰ মেম্বাৰ আৰু লগতে ৰাহুল গান্ধীৰ ঘনিষ্ঠ সেয়েহে টিকট বিতৰণত তেওঁৰ গুৰুত্বপূৰ্ণ ভূমিকা থাকিব। বৰ্তমান সময়ত এটা কথা ক’ব পাৰি যে গৌৰৱ গগৈয়ে নগাঁঅত টিকট পোৱাটো ১০০% নিশ্চিত আৰু তাৰ পৰা জয়ী হৈ তৃতীয়বাৰ সাংসদ হোৱাটোৱো প্ৰায় নিশ্চিত।

মুখ্যমন্ত্রীৰ বাবে অখিল গগৈয়ে পালে সৰ্বাধিক ভোট

  • ৰাজনীতি অসমৰ প্ৰতিবেদন

ৰাজনীতি অসম’ (WWW.RAJNITIAXOM.COM) : অসমৰ প্ৰথম ৰাজনৈতিক ই-আলোচনী


ৰাজনীতি অসমৰ যোৱা মাহৰ অপিনিয়ন প’লত আমি ৭ জন নেতাৰ নাম প্ৰকাশ কৰিছিলো। আমি জানিব বিচাৰিছিলো এওঁলোকৰ ভিতৰত কোন মুখ্যমন্ত্রী পদৰ বাবে সকলোতকৈ বেছি যোগ্য। অবশ্যে এই তালিকাত নাছিল বৰ্তমান বা পূৰ্বৰ কোনো মুখ্যমন্ত্রীৰ নাম। আমাৰ অ’পিনিয়ন প’লৰ ফলাফল এনে ধৰণৰঃ

অখিল গগৈঃ ২৬.৭%
জয়ন্ত মল্ল বৰুৱাঃ ২০%
পিযুষ হাজৰিকাঃ ১৬.৯%
গৌৰৱ গগৈঃ ১৩.৩%
ভূপেন বৰাঃ ১৩.৩%
লুৰিণজ্যোতি গগৈঃ ৬.৭%
বদৰুদ্দিন আজমলঃ ৩.৩%

আমাৰ অ’পিনিয়ন প’লত স্পষ্ট হ’ল যে বিৰোধী নেতাসকলৰ ভিতৰত অখিল গগৈৰ জনপ্ৰিয়তা বেছি। তিনি গগৈৰ ভিতৰতো ৰাইজৰ পচন্দ অখিল গগৈ। হয়তো বহু বছৰ আন্দোলন কৰি ,জেলত থাকি সংগ্ৰাম কৰা বাবে অখিল গগৈক ৰাইজে বেছি আদৰ কৰে।

বাক্সাৰ সমষ্টিৰ প্ৰাৰ্থী আইপিছ মিশ্ৰ?

  • ৰাজনীতি অসমৰ প্ৰতিবেদন

ৰাজনীতি অসম’ (WWW.RAJNITIAXOM.COM) : অসমৰ প্ৰথম ৰাজনৈতিক ই-আলোচনী


অসমৰ গ্লেমাৰাছ আই.পি.এছ বিষয়া আনন্দ মিশ্ৰই চাকৰিৰ পৰা ইস্তফা দি কৈছে যে তেওঁ নিজৰ গাওঁত গৈ কাম কৰিব। কোনো ভবিষ্যত পৰিকল্পনা নোহোৱাকৈ ইমান উচ্চ পদৰ চাকৰি এৰি গাওঁত অনাই বনাই ঘুৰি থাকিব বুলি বিশ্বাস নহয়। তাতে আকৌ ২০২৪ লোকসভা নিৰ্বাচন সমাগত। খৱৰ পোৱামতে আনন্দ মিশ্ৰই অতি শীঘ্ৰে বিজেপিত যোগদান কৰি বিহাৰৰ বাক্সাৰ সমষ্টিৰ পৰা প্ৰাৰ্থীত্ব বিচাৰিব। এই সমষ্টিৰ বৰ্তমানৰ সাংসদ কেন্দ্ৰীয় মন্ত্রী অশ্বিনী চৌবে। চৌবেৰ বয়স প্ৰায় ৭০ বছৰ। বিজেপিৰ কেন্দ্ৰীয় নেতৃত্বই চৌবেৰ টিকট কাটি মিশ্ৰক টিকট দিয়াৰ যো জা কৰিছে। চৌবে আৰু মিশ্ৰ দুয়ো ব্ৰাহ্মণ সম্প্ৰদায়ৰ পৰা অহা। স্বাভাবিকতে এজন আইপিএছক টিকট দিলে বিজেপি কিছু সুবিধাজনক স্তিতিত থাকিব। বিহাৰৰ জিলাই জিলাই ঘূৰি ইতিমধ্যে প্ৰশাম্ত কিশোৰে জনজাগৰণ অনাৰ চেষ্টা কৰিছে। প্ৰশান্ত কিশোৰৰ বিৰূদ্ধে বিজেপিয়ে আনন্দ মিশ্ৰক ব্যৱহাৰ কৰিব পাৰে। বিহাৰত এনেও মানুহৰ আই.এ.এছ আৰু আইপিএছৰ প্ৰতি বহুত দুৰ্বলতা আছে। নিতিশ আৰু লালুৱে একেলগ হৈ নিৰ্বাচন খেলিলে বিজেপিক কিছু নতুন মুখৰো দৰকাৰ হ’ব। সকলো ঠিকে ঠিকে থাকিলে অসমত চাকৰি কৰা এছ.পি আনন্দ মিশ্ৰই ২০২৪ত লোকসভাত প্ৰবেশ কৰাৰ পূৰ্ণ সম্ভাবনা আছে। মাজুলীত মোহন ভাগবত আৰু আনন্দ মিশ্ৰৰ মিটিং হোৱাৰ কথা আছিল। ইয়াৰ পিছতেই মিশ্ৰই নিজৰ ভবিষ্যত পৰিকল্পনাৰ কথা সামাজিক কৰাৰ সম্ভাবনা আছে।

AC কোঠাৰ বুদ্ধিজীৱী আৰু আলফাৰ শান্তি চুক্তি

  • বিশ্বজিত নাথ

ৰাজনীতি অসম’ (WWW.RAJNITIAXOM.COM) : অসমৰ প্ৰথম ৰাজনৈতিক ই-আলোচনী


নতুন দিল্লীত আলফা আৰু চৰকাৰৰ মাজত শান্তি চুক্তি সম্পাদিত হয়। ভাল কথা। চাৰি দশক জোৰা ৰক্তাক্ত অধ্যায়ৰ সমাপ্তি ঘটে। কিন্তু এই চুক্তিৰ বিষয় সমূহ ৰাজহুৱা হোৱাৰ পিছতেই একাংশ লোকে চচিয়েল মেডিয়াত এনে কিছুমান আপডেট দিছে যে তাৰ পৰা ধাৰণা কৰিব পাৰি যে,তেওঁলোকে আলফাই অসম স্বাধীন কৰাটো বিচাৰিছিল বা অসম স্বাধীন হোৱাটো বিছাৰিছিল। এই সকল ব্যক্তিক চিনাক্ত কৰি থব। এওঁলোক কোনোবা সাংবাদিক, কোনোবা বুদ্ধিজীৱী, কোনোবা সাংস্কৃতিক কৰ্মী বা কোনোবা সমাজকৰ্মীৰ বেশত আলফাৰ Underground নহয়; Overground ৰ কৰ্মী। এইসকল ব্যক্তিয়েই অত’দিনে অসমখনক অস্থিৰ কৰি ৰাখিছিল। অৱশেষত আলফায়ো বুজি পালে ভাৰত মাতৃৰ গুৰুত্ব আৰু ইয়াৰ স্বাভিমান। এইসকল Non-Ulfa ই যদিও Nationality বুলিলে একান্ত অনিচ্ছা সত্বেও ভাৰতীয় বুলি লিখে কিন্তু প্ৰকৃতাৰ্থত এওঁলোক একো-একোজন বিচ্ছিন্নতাবাদী । এওঁলোকে ভাৰতৰ পৰা প্ৰয়োজনত সকলোবোৰ সুবিধা ল’ব কিন্তু সময়ত ভাৰতৰ বুকুতেই কামোৰ মাৰিব। ইয়াকেই কয় চুকত থাকি বুকুত কামোৰ মৰা।

আলফাৰ বৈদেশিক সচিব তথা মুখ্য আলোচক শশ চৌধুৰীয়ে সাংবাদিকৰ আগত দিয়া বক্তব্য যথেষ্ট প্ৰশংসনীয়। তেওঁ কৈছে যে, আমাৰ হাতত কোনো বিকল্প নাছিল। আমাৰ Bargaining Power নাই। যি দিছে তাতেই সন্তুষ্ট। আত্মসমৰ্পন কৰা মানুহে কাৰ লগত কি দৰদাম কৰিব? ঘৰৰ ল’ৰা ঘৰলৈ উভতি আহিছে; ভাল কথা। বিচ্ছিন্নতাবাদৰ পথ যে ভুল আছিল সেয়া জীৱনৰ বিয়লি বেলাত হ’লেও বুজি পালে। ভৱিষ্যতে আৰু যাতে অসমীয়া ডেকা-ডেকেৰী আলফালৈ বা আন কোনো বিচ্ছিন্নতাবাদী সংগঠনলৈ নাযায় তাৰ বাবে শশ চৌধুৰী হতেই ডাঙৰ উদাহৰণ হৈ ৰ’ব।

কিন্তু ইয়াৰ বিপৰীতে AC Room ত বহি দামী মদত চুমুক মাৰি,নিজৰ সন্তানক দেশে-বিদেশৰ Five Star বিদ্যালয় বা বিশ্ববিদ্যালয়ত পঢ়ুৱাবলৈ পঠিয়াই নিজে-নিজে একোটা Safe Zone ত থাকি আনৰ ল’ৰা-ছোৱালীক বিপ্লৱৰ পথত যাবলৈ Provoke কৰা সাংবাদিক-বুদ্ধিজীৱীৰ অভাৱ নাই এইখন অসমত। এওঁলোক জাতিৰ নামত একো একোটা গলগ্ৰহ। আজি ভাৰতবৰ্ষৰ কোনখন ৰাজ্যত সমস্যা নাই? কিন্তু বিচ্ছিন্নতাবাদী সংগঠনলৈ আনৰ সন্তানক পঠিয়াবলৈ বিচৰা Third class Journalist/ Intellectual অসমৰ বাহিৰে কতো নাই।

এই সাংবাদিক, বুদ্ধিজীৱী, সাংস্কৃতিক কৰ্মী, সমাজকৰ্মীক চচিয়েল মেডিয়াৰ যোগেদি ৰাইজে চিনি পাইছে । এওঁলোকৰ বিৰুদ্ধে আনিব লাগে দেশদ্ৰোহৰ গোচৰ। এওঁলোকেই অসমক স্মসান কৰি তুলিবলৈ প্ৰতিমুহুৰ্তত সাজু কৰি ৰাখে খৰি-খেৰ।

মথুৰা কৃঞ্চ জন্মভূমিৰ A to Z

  • নয়ন বৰ্মন

ৰাজনীতি অসম’ (WWW.RAJNITIAXOM.COM) : অসমৰ প্ৰথম ৰাজনৈতিক ই-আলোচনী


কৃষ্ণ জন্মভূমি গোচৰটো ভাৰতৰ হিন্দু আৰু মুছলমান সম্প্ৰদায়ৰ মাজত দীৰ্ঘদিনীয়া বিবাদ। এই বিবাদ উত্তৰ প্ৰদেশৰ মথুৰাৰ এটা স্থানক লৈ আবদ্ধ হৈ আছে, যিটো স্থান ভগৱান শ্ৰীকৃষ্ণৰ জন্মস্থান বুলি ধাৰণা কৰা হৈছে। বৰ্তমান এই স্থানত শ্বাহী মছজিদ নামেৰে জনাজাত এটা মছজিদ আছে, যিটো মছজিদ ১৭ শতিকাত মোগল সম্ৰাট ঔৰংজেবে নিৰ্মাণ কৰিছিল। হাতত প্ৰশ্নটো হ’ল যে মছজিদটো পূৰ্বৰ মন্দিৰৰ ঠাইত নিৰ্মাণ কৰা হৈছিল নেকি, আৰু মছজিদটোক পুনৰ মন্দিৰলৈ ৰূপান্তৰিত কৰিব পৰা যাব নেকি? এই লেখাটোত আমি মথুৰাত কৃষ্ণ জন্মভূমি গোচৰত প্ৰয়োগ কৰা প্ৰযোজ্য বিধি, প্ৰত্নতাত্ত্বিক তথ্য, প্ৰাসংগিক মতামত, আৰু বিশেষজ্ঞৰ মতামত পৰীক্ষা কৰিম।

মথুৰাস্থিত কৃষ্ণ জনমভূমি ভাৰতৰ উত্তৰ প্ৰদেশ ৰাজ্যৰ এক পবিত্ৰ স্থান। এই স্থানক ভগৱান শ্ৰীকৃষ্ণৰ জন্মস্থান বুলি বিশ্বাস কৰা হয়, আৰু হিন্দুসকলে ইয়াক পবিত্ৰ স্থান বুলি গণ্য কৰে। ১৭ শতিকাত মোগল সম্ৰাট ঔৰংজেবে ভাঙি পেলোৱালৈকে ভগৱান কৃষ্ণৰ প্ৰতি উৎসৰ্গিত এটা মন্দিৰ, যাক কৃষ্ণ জন্মস্থান মন্দিৰ বুলি জনা যায়, সেই স্থানত আছিল, আৰু ইয়াৰ ঠাইত শ্বাহী মছজিদ নামেৰে জনাজাত মছজিদ স্থাপন কৰা হৈছিল।

অযোধ্যাৰ ৰাম জন্মভূমি-বাবৰি মছজিদ বিবাদৰ পিছতে মথুৰাৰ মন্দিৰ-মছজিদ বিবাদৰ বিষয়টো চৰ্চালৈ আহে, যিটো বিবাদৰ পিছত ২০১৯ চনত ভাৰতৰ উচ্চতম ন্যায়ালয়ে বিবাদিত ভূমি হিন্দুসকলক মন্দিৰ নিৰ্মাণৰ বাবে দিয়াত সমাধান হয়।

মথুৰা গোচৰত ১৯৬৪ চনত স্থানীয় হিন্দু সংগঠন এটাই মছজিদ থিয় হৈ থকা মাটিখিনি দখল কৰিবলৈ, আৰু কৃষ্ণ জন্মস্থান মন্দিৰ পুনৰুদ্ধাৰৰ বাবে দেৱানী মামলা দাখিল কৰিছিল। ১৯৬৮ চনত স্থানীয় নিম্ন আদালতে এই গোচৰ খাৰিজ কৰিছিল আৰু ১৯৯২ চনত এলাহাবাদ উচ্চ ন্যায়ালয়ে এই সিদ্ধান্ত গ্ৰহণ কৰিছিল।

২০১৭ চনত মথুৰা জিলা আদালতত স্থানীয় এজন অধিবক্তাই আন এক গোচৰ দাখিল কৰি মছজিদটো আঁতৰাই সেই স্থানত থকা মন্দিৰটো পুনৰ নিৰ্মাণৰ বাবে দাবী জনাইছিল। পূৰ্বতে থকা মন্দিৰৰ ঠাইত মছজিদটো নিৰ্মাণ কৰা হৈছিল, আৰু সেইবাবেই মছজিদটো অবৈধভাৱে নিৰ্মাণ কৰা হৈছিল বুলি এই চুটটোৰ ভিত্তিত প্ৰকাশ পাইছিল।

বৰ্তমান এই গোচৰটো মথুৰা জিলা আদালতত বিচাৰাধীন হৈ আছে। আবেদনকাৰীয়ে যুক্তি দিছে যে মছজিদটো হিন্দু মন্দিৰ ধ্বংস কৰি নিৰ্মাণ কৰা হৈছে, আৰু মছজিদটো আঁতৰাই মন্দিৰটো পুনৰ নিৰ্মাণ কৰিব লাগে। শ্বাহী মছজিদ সমিতিৰ প্ৰতিবাদকাৰীয়ে যুক্তি দিছে যে মছজিদটোৰ অস্তিত্ব ৩৫০ বছৰতকৈও অধিক হ’ল, আৰু এই মামলা সীমাবদ্ধতা আইন অনুসৰি সময়সীমা বান্ধি দিয়া হৈছে।

মন্দিৰটো মছজিদলৈ ৰূপান্তৰিত হ’ব পাৰে নেকি সেই বিষয়টো বহু বিতৰ্ক আৰু বিতৰ্কৰ বিষয় হৈ পৰিছে। ভাৰতীয় প্ৰত্নতাত্ত্বিক জৰীপে ১৯৭৪-৭৫ চনত এই স্থানত খনন চলাইছিল, আৰু মছজিদটোৰ তলত পূৰ্বতে থকা হিন্দু মন্দিৰৰ প্ৰমাণ পোৱা গৈছিল।

প্ৰাসংগিক গোচৰ আইন:

মথুৰাত কৃষ্ণ জন্মভূমি গোচৰত যিবোৰ প্ৰাসংগিক গোচৰৰ আইন প্ৰয়োগ কৰা হৈছে।

পূজাৰ স্থান (বিশেষ বিধান) আইন, ১৯৯১:

মথুৰা গোচৰৰ কৃষ্ণ জন্মভূমি নিয়ন্ত্ৰণ কৰা মূল বিধিখন হৈছে উপাসনা স্থান (বিশেষ বিধান) আইন, ১৯৯১।এই আইনখনে যিকোনো পূজাস্থলীক মূল ৰূপৰ পৰা ৰূপান্তৰিত কৰাত নিষেধাজ্ঞা আৰোপ কৰিছে আৰু কোনো স্থানৰ ধৰ্মীয় চৰিত্ৰ বজাই ৰখাৰ ব্যৱস্থা কৰিছে । ১৯৪৭ চনৰ ১৫ আগষ্টৰ দিনাখনক ভিত্তি সময় হিচাপে ধৰা হৈছে । উক্ত সময়ত যিস্থানত যি উপাসনা স্থলী আছে সেইটো বাহাল ৰখাৰ প্ৰবধান আছে ।

এম চিদ্দিক বনাম মহন্ত সুৰেশ দাস :

২০১৯ চনত উচ্চতম ন্যায়ালয়ে মথুৰা বিবাদৰ কৃষ্ণ জন্মভূমিৰ সৈতে জড়িত এম চিদ্দিক বনাম মহন্ত সুৰেশ দাসৰ গোচৰটো গ্ৰহণ কৰিছিল। আবেদনকাৰী এম ছিদ্দিকে ঘোষণা বিচাৰিছিল যে মথুৰাৰ মছজিদটো আইনী অৰ্থত মছজিদ, আৰু হিন্দুসকলৰ সেই স্থানৰ ওপৰত মালিকীস্বত্ব দাবী কৰাৰ কোনো অধিকাৰ নাই। আনহাতে মহন্ত দাসে মছজিদটোক মন্দিৰলৈ ৰূপান্তৰিত কৰিব নোৱাৰা পূজাস্থলী (বিশেষ বিধান) আইন, ১৯৯১ৰ দ্বাৰা আৰোপ কৰা নিষেধাজ্ঞা আঁতৰাবলৈ আদালতৰ পৰা নিৰ্দেশ বিচাৰিছিল।

কিন্তু উচ্চতম ন্যায়ালয়ে আবেদনকাৰী চিদ্দিকৰ গোচৰ ৰুজু কৰিবলৈ প্ৰয়োজনীয় ভিত্তি নাছিল বুলি অভিযোগ খাৰিজ কৰে। আদালতে লক্ষ্য কৰিলে যে আবেদনকাৰীজন মথুৰাৰ বাসিন্দা নহয়, আৰু সেয়েহে বিবাদত তেওঁৰ প্ৰত্যক্ষ স্বাৰ্থ নাছিল। আদালতে লগতে উল্লেখ কৰে যে হিন্দু পক্ষৰ আবেদনকাৰীয়ে কোনো প্ৰমাণ দাখিল কৰা নাছিল যে মছজিদটো পূৰ্বৰ মন্দিৰৰ ওপৰত নিৰ্মাণ কৰা হৈছে।

অযোধ্যা ভূমি বিবাদৰ গোচৰ:

অযোধ্যা ভূমি বিবাদ গোচৰটো আন এক ল্যাণ্ডমাৰ্ক গোচৰ যিটো মথুৰা বিবাদৰ কৃষ্ণ জন্মভূমিৰ লগত প্ৰাসংগিক। এই গোচৰত অযোধ্যাৰ এটা স্থানক লৈ দীৰ্ঘদিনীয়া বিবাদ সমাধানৰ বাবে উচ্চতম ন্যায়ালয়ক আহ্বান জনোৱা হৈছিল যিটো ভগৱান ৰামৰ জন্মস্থান বুলি ধাৰণা কৰা হৈছিল। এশ বছৰতকৈও অধিক সময় ধৰি কেইবাখনো আইনী যুদ্ধৰ বিষয় হৈ পৰা ঠাইখনৰ মালিকীস্বত্বক লৈ হিন্দু আৰু মুছলমান সম্প্ৰদায়ৰ মাজত বিবাদৰ সৃষ্টি হৈছিল।

ৰায়দানত উচ্চতম ন্যায়ালয়ে এই স্থান হিন্দুৰ বুলি ৰায় দিয়ে, আৰু সেই স্থানত মন্দিৰ নিৰ্মাণৰ নিৰ্দেশ দিয়ে। লগতে আদালতে মছজিদ নিৰ্মাণৰ বাবে মুছলমান সম্প্ৰদায়ক বিকল্প স্থানৰ ব্যৱস্থা কৰাৰ নিৰ্দেশ দিয়ে। এই ৰায়ক মথুৰাত কৃষ্ণ জন্মভূমি গোচৰৰ নজিৰ হিচাপে দেখা গৈছে আৰু আইন বিশেষজ্ঞসকলৰ মতে মথুৰাত কৃষ্ণ জন্মভূমি গোচৰতো আদালতে একেধৰণৰ ৰায় দিব পাৰে।

উপাসনাৰ স্থান (বিশেষ বিধান) আইন, ১৯৯১:

মথুৰাত কৃষ্ণ জন্মভূমি গোচৰৰ লগত প্ৰাসংগিক এইটোৱেই আটাইতকৈ গুৰুত্বপূৰ্ণ বিধি। ১৯৪৭ চনৰ ১৫ আগষ্টত যিকোনো পূজাস্থলীৰ ধৰ্মীয় চৰিত্ৰ বজাই ৰখাৰ বাবে ১৯৯১ চনত ভাৰতীয় সংসদে প্ৰণয়ন কৰা এই আইনখনে যিকোনো পূজাস্থলীক মূল ৰূপৰ পৰা ৰূপান্তৰিত কৰাত নিষেধাজ্ঞা আৰোপ কৰিছে । ১৯৪৭ চনৰ ১৫ আগষ্টৰ পিছত আন এখন পূজাস্থলীলৈ ৰূপান্তৰিত হোৱা পূজাস্থলীক মূল ৰূপলৈ ঘূৰাই অনাৰ অনুমতিও এই আইনখনে অনুমতি দিয়ে . এই আইনখন কৃষ্ণ জন্মভূমি স্থানত বিবাদৰ বাবে প্ৰাসংগিক কাৰণ ইয়াত স্থানৰ ধৰ্মীয় চৰিত্ৰ বজাই ৰখাৰ আইনী কাঠামো প্ৰদান কৰা হৈছে।

ভাৰতৰ সংবিধান:

ভাৰতৰ সংবিধানখনেই দেশৰ সৰ্বোচ্চ আইন আৰু দেশৰ শাসন ব্যৱস্থাৰ কাঠামো প্ৰদান কৰে। সংবিধানে ২৫ নং অনুচ্ছেদৰ অধীনত ধৰ্মৰ স্বাধীনতাৰ অধিকাৰৰ নিশ্চয়তা প্ৰদান কৰে, য’ত কোৱা হৈছে যে “সকলো ব্যক্তিয়ে বিবেকৰ স্বাধীনতা আৰু মুক্তভাৱে ধৰ্ম স্বীকাৰ, পালন আৰু প্ৰচাৰ কৰাৰ অধিকাৰৰ সমান অধিকাৰী।” এই লেখাটো কৃষ্ণ জন্মভূমি স্থানত হোৱা বিবাদৰ লগত প্ৰাসংগিক কাৰণ ইয়াত সকলো ব্যক্তিৰ স্বাধীনভাৱে ধৰ্ম পালন কৰাৰ অধিকাৰ সুৰক্ষিত কৰা হৈছে।

মথুৰাৰ কৃষ্ণ জন্মভূমি মন্দিৰটো কেইবাটাও দশক ধৰি বিতৰ্কৰ বিষয় হৈ আহিছে আৰু সেইবাবেই মন্দিৰটো মছজিদলৈ ৰূপান্তৰিত হ’ব পাৰে নেকি সেই বিষয়ত কেইবাটাও বিশেষজ্ঞৰ মতামত প্ৰকাশ পাইছে।

১৯৯১ চনত ভাৰতীয় প্ৰত্নতাত্ত্বিক জৰীপ সংস্থাই এই স্থানৰ জৰীপ চলাই মছজিদৰ তলত পূৰ্বতে থকা মন্দিৰৰ গঠনৰ প্ৰমাণ পোৱা যায়। এই প্ৰতিবেদন অযোধ্যা গোচৰত প্ৰমাণ হিচাপে ব্যৱহাৰ কৰা হৈছিল, আৰু বহু বিশেষজ্ঞৰ মতে ইয়াৰ সহায়ত কৃষ্ণ জন্মভূমি মন্দিৰৰ বাবেও একেধৰণৰ দাবী সমৰ্থন কৰিব পৰা যাব।

২০১৯ চনত অল ইণ্ডিয়া মুছলিম পাৰ্চনেল ল ব’ৰ্ডে (AIMPLB) মন্দিৰটোক মছজিদলৈ ৰূপান্তৰিত কৰাৰ পক্ষত নহয় বুলি উল্লেখ কৰিছিল। অযোধ্যা গোচৰত আদালতে ইতিমধ্যে বিষয়টো নিষ্পত্তি কৰি সাম্প্ৰদায়িক সম্প্ৰীতি বজাই ৰখাটো গুৰুত্বপূৰ্ণ বুলি ব’ৰ্ডে যুক্তি আগবঢ়ায়।

আনহাতে, একাংশ হিন্দু সংগঠনে মন্দিৰটো পুনৰ নিৰ্মাণৰ দাবী জনাই আহিছে আৰু মছজিদটো পূৰ্বৰ মন্দিৰৰ ওপৰত নিৰ্মাণ কৰা বুলি যুক্তি দাঙি ধৰিছে। এই গোষ্ঠীসমূহৰ মতে মন্দিৰটো পুনৰ মূল ৰূপলৈ ঘূৰাই আনিব লাগে আৰু মছজিদটো অন্য ঠাইলৈ স্থানান্তৰিত কৰিব লাগে।

২০২১ চনত ভাৰতৰ উচ্চতম ন্যায়ালয়ে মছজিদটো স্থানৰ পৰা আঁতৰাই মন্দিৰটো পুনৰ নিৰ্মাণ কৰিবলৈ বিচৰা আবেদন খাৰিজ কৰিছিল। আদালতে কয় যে এই আবেদনখন “কাল্পনিক অনুমান”ৰ ওপৰত ভিত্তি কৰি কৰা হৈছে আৰু মছজিদটো পূৰ্বতে থকা মন্দিৰৰ ওপৰত নিৰ্মাণ কৰা হৈছে বুলি কৰা দাবীৰ সমৰ্থনত কোনো প্ৰমাণ পোৱা নাই।

সামৰণি :

সামৰণিত ক’ব পাৰি যে মথুৰাত কৃষ্ণ জন্মভূমি গোচৰটো বছৰ বছৰ ধৰি কেইবাখনো আইনী যুদ্ধৰ বিষয় হৈ পৰা এক জটিল আৰু স্পৰ্শকাতৰ বিষয়। এই বিবাদ নিয়ন্ত্ৰণ কৰা মূল বিধিখন হৈছে পূজাৰ স্থান (বিশেষ বিধান) আইন, ১৯৯১।শেহতীয়াকৈ এই স্থানত এ এছ আইৰ খনন কাৰ্য্যত শ্বাহী মছজিদৰ তলত এটা মন্দিৰৰ অস্তিত্বৰ কথা পোহৰলৈ আহিছে, যিয়ে হিন্দু সম্প্ৰদায়ৰ দাবীক সমৰ্থন কৰা প্ৰমাণ প্ৰদান কৰিছে যে তাত এটা… মছজিদ নিৰ্মাণৰ আগৰ স্থানত মন্দিৰ। অৱশ্যে আইনৰ ব্যাখ্যা আৰু আদালতত দাখিল কৰা প্ৰমাণৰ ওপৰত নিৰ্ভৰ কৰিব বিবাদৰ আইনী সমাধান।