Friday, March 29, 2024
Home Blog Page 76

দায়িত্বহীন জনতাৰে কৰ’ণা প্ৰতিৰোধ সম্ভবনে?

  • নৰেন কলিতা

‘ৰাজনীতি অসম’ ই-আলোচনী খনৰ ওৱেবচাইট আই.ডি:  www.rajnitiaxom.com


অভূতপুৰ্ব বিপদৰ সন্মুখিন হৈছে দেশৰ জনতা আৰু দেশৰ ভৱিষ্যত । ৰাইজৰ প্ৰতিনিধি মন্ত্ৰী হিমন্ত বিশ্ব শৰ্মাই অনাকাংখিত বিপদৰ লগত মোকাবিলা কৰাৰ কাৰণে চৰকা্ৰৰ প্ৰতিটো বিভাগ আৰু ৰাইজক সজাগ আৰু তৈয়াৰ কৰাৰ বাবে দিন  ৰাতি একাকাৰ  কৰি অসমৰ ইমুৰৰ  পৰা সিমুৰ ঘুৰি আছে । ৫০ হাজাৰ ৰোগীক একেলগে চিকিৎসা প্ৰদান কৰিব পৰাকৈ হস্পিতল সাজু কৰা হৈছে । ডাক্তৰ,স্বাস্থ্য কৰ্মী সকলোৱে মহামাৰী প্ৰতিৰোধত নিজৰ সৰ্বস্য উজাৰী দিছে । হাতত মোবাইলটো লৈ ইউ টিউব ভিডিঅ’ চোৱা বা ৱাটচ এপত মেছেজ ভাইৰেল কৰা আজিৰ মানুহে বুজি পোৱা নাই ক’ৰ’ণাৰ ভয়াবহতা ।
ভুৱা নিউজ ভাইৰেল কৰা আজিৰ  প্ৰজন্মই এই মহামাৰীৰ পৰা বাচি থকাৰ পদ্ধতি ভাইৰেল কৰিব নোৱাৰে । ক’ৰ’ণা কোনো আইন বা আন্দোলন নহয় যে ইয়াৰ নামত আৰক্ষী বা অৰ্ধ সামৰিক বাহিনীয়ে ৰাইজক উত্তম মাধ্যম দিব লগা পৰিবেশ এটা সভ্য সমাজ বুলি দাবী কৰা সমাজৰ কাম্য ।

কিন্তু ছবি খন ওলোটা । বেমাৰক প্ৰতিৰোধ কৰাতকৈ বেমাৰক বিস্তাৰ কৰিবলৈ হে এচাম জনতা উঠি পৰি লাগিছে । যিটো সময়ত দুৰ্গত জনক স্বাস্থ্য কৰ্মী বা আৰক্ষীয়ে সহায় কৰাত নিমজ্জিত হ’ব লাগে , সেই সময়ছোৱাত নিয়ম ভংগকাৰীক লৈও আৰক্ষী আৰু স্বাস্থ্য কৰ্মী ব্যস্ত থাকিব লগাত পৰিছে । যিটো সময়ত ন্যায়ালয়ে জেলত থকা কিছু সংখ্যক  অপৰাধীক মুক্তি দিয়াৰ কথা চিন্তা কৰি আছে , সেই সময়ছোৱাতে আকৌ এচামে বিভিন্ন উৰা বাতৰি প্ৰচাৰ কৰি সমাজক বিপথে পৰিচালিত কৰিবলৈ প্ৰয়াস কৰি আছে , ছ’চিয়েল মিডিয়াত ৰাজনৈতিক অভিসন্ধিৰে চৰকাৰক সমালোচনা কৰি জনতাক আইন হাতত তুলিবলৈ উচতনি দি আছে । প্ৰধান মন্ত্ৰীয়ে ২১ দিনীয়া ল’ক ডাউন ঘোষণা কৰাৰ পিছতো মানুহক নিয়ন্ত্ৰণ কৰিবলৈ আৰক্ষী নিয়োজিত  হ’ব লগা হৈছে । চীনৰ পৰা অহা নিজ পুত্ৰৰ ভ্ৰমণৰ কথা হাইলাকান্দিত স্বয়ং পঞ্চায়ত সচিবে লুকাইছে । পশ্চিম বংগত ডাক্তৰ পিতৃয়ে লণ্ডনৰ পৰা অহা নিজ পুত্ৰক ঘৰত সোমাই নেৰাখি নিজেও হস্পিতলত ৰোগী চাই আছিল । সতৰ্ক নহয় আমি আৰু কথাই কথাই চৰকাৰক সমালোচনা কৰা  প্ৰতিষ্ঠিত ব্যক্তি সকলেই নিজৰ সমাজ খনক চৰম দুৰ্ভোগলৈ ঠেলি দিবলৈ কুন্ঠাবোধ নকৰে । হয়টো আমি বিলাক সুষ্ঠ থাকিবলৈ যোগ্য নহয় , মাত্ৰ ভুৱা খবৰ ছ’চিয়েল মিডিয়াত প্ৰচাৰ কৰিবলৈ হে দক্ষ ।

অৰ্থনীতি; বাচি থাকিলে উপায় ওলাব কিবা এটা : ক’ৰণাকলৈ ৰাইজৰ মত

‘ৰাজনীতি অসম’ (www.rajnitiaxom.com), অসমৰ প্ৰথম ৰাজনৈতিক ই-আলোচনীৰ প্ৰতিবেদন


কৰ’ণাই ইতিমধ্যে বহু দেশত ভয়াবহ ৰুপ ধাৰণ কৰিছে। সেই কৰ’ণাকলৈ আমি কিছুমান প্ৰশ্ন কৰিছিলো ৰাইজক।
অনিন্দিতা ডেকা, গুৱাহাটী
১) কৰ’ণা প্ৰতিৰোধৰ বাবে অসম চৰকাৰে লোৱা ব্যবস্হাবোৰত সন্তুষ্টনে?
  • সন্তুষ্ট
২) ২১ দিনতকৈ অধিক ল’ক ডাউন হলে খাটি খোৱা মানুহৰ কি হ’ব?
  • তেওঁলোকৰ ভৰণ পোষনৰ বাবে মই জনাত চৰকাৰে আঁচনি লৈছে |১টকীয়া চাউল আদিৰ লগতে দূখীয়া মহিলা আদিক পা – পইচা দি সহায় কৰাৰ দায়িত্ব লওক| আমিও কিবা অলপ পাৰিলে কৰিব লাগে | যেনে- এসাজ আমাৰ পৰা দিব পাৰো |
৩) দেশৰ অৰ্থনীতি কোন ফালে?
  • অৰ্থনীতিত প্রভাবতো পৰিব | চাওচোন কি হয় | বাচি থাকিলে উপায় ওলাব কিবা এটা…..
মহম্মদ হুছেইন আহমেদ , কলেজ শিক্ষক কলগছীয়া
১) কৰ’ণা প্ৰতিৰোধৰ বাবে অসম চৰকাৰে লোৱা ব্যবস্হাবোৰত সন্তুষ্টনে?
  • সন্তুষ্ট
২) ২১দিনতকৈ অধিক ল’ক ডাউন হলে খাটি খোৱা মানুহৰ কি হ’ব?
  • চৰকাৰে ব্যৱস্থা ল’ব লাগিব৷
৩) দেশৰ অৰ্থনীতি কোন ফালে?
  •  চৰকাৰৰ নীতিৰ ওপৰত নিৰ্ভৰ কৰিব । বৰ্তমান দেশৰ জি ডি পি ৪.৫ % ।
ৰতনলাল ব্ৰহ্ম, কোকৰাঝাৰ
১) কৰ’ণা প্ৰতিৰোধৰ বাবে অসম চৰকাৰে লোৱা ব্যবস্হাবোৰত সন্তুষ্টনে?
  • সন্তুষ্ট
২) ২১দিনতকৈ অধিক ল’ক ডাউন হলে খাটি খোৱা মানুহৰ কি হ’ব?
  • অসুবিধা হ’ব কিন্তু ইয়াৰ কোনো বিকল্প নাই ।
৩) দেশৰ অৰ্থনীতি কোন ফালে?
  • ভাৰতৰেই নহয় বিশ্বৰ অৰ্থনীতি ক্ষতিগ্ৰস্ত হ’ব ।
দেবজিত ফুকন, ডিব্ৰুগড়
১) কৰ’ণা প্ৰতিৰোধৰ বাবে অসম চৰকাৰে লোৱা ব্যবস্হাবোৰত সন্তুষ্টনে?
  • সন্তুষ্ট। বিশেষকৈ স্বাস্হ্য মন্ত্রী হিমন্ত বিশ্ব শৰ্মাৰ শলাগ লবই লাগিব।
২) ২১দিনতকৈ অধিক ল’ক ডাউন হলে খাটি খোৱা মানুহৰ কি হ’ব?
  • উপায় নাই। বাচি থাকিলেহে বাকী কাম হ’ব। চৰকাৰৰ পৰাও বেছি আশা কৰিব নোৱাৰি। কৰ অহাৰ বেছিভাগ ৰাস্তাই বন্ধ।
৩) দেশৰ অৰ্থনীতি কোন ফালে?
  • অৰ্থনীতি ২ বছৰ মান পিছুৱাই যাব।
ৰাজু ৰায়, ধুবুৰী
১) কৰ’ণা প্ৰতিৰোধৰ বাবে অসম চৰকাৰে লোৱা ব্যবস্হাবোৰত সন্তুষ্টনে?
  • ইয়াতকৈ বেছি আশা কৰিব নোৱাৰি। আমি ভাগ্যবান যে এনে স্বাস্হ্য মন্ত্রী পাইছো।
২) ২১দিনতকৈ অধিক ল’ক ডাউন হলে খাটি খোৱা মানুহৰ কি হ’ব?
  • চৰকাৰে ৩ মাহ মানৰ বাবে চাউল-দাইল খিনি দি থাকিব লাগিব যাতে মানুহ অনাহাৰে নমৰে।
৩) দেশৰ অৰ্থনীতি কোন ফালে?
  • আমি বাচি থাকিলে অৰ্থনীতি পিছতো চাব পাৰিম।

চাচা-মামাৰ সৈতে গগৈ চাৰ

(এই লেখনিৰ উদ্দেশ্য হাস্যৰস )

 কমেডি ডেক্স: ৰাজনীতি অসম (www.rajnitiaxom.com)


সময় সলনি হ’ল। গগৈ চাৰৰ মুখত আজিকালি “হু ইজ বদৰুদ্দিন”ৰ ঠাইত “হাও আৰ ইউ বদৰুদ্দিন?” অহা নিৰ্বাচনত কিবা অলপ বেলেগ হ’ব যেন লাগিছে। কিমান আৰু কংগ্ৰেছ, বিজেপি, আজমলৰ ত্রিকোণীয়া যুঁজ চাব? কিমান আৰু কংগ্ৰেছে বিজেপিক আৰু বিজেপিয়ে কংগ্ৰেছক আজমলৰ লগত গোপন মিত্রতা কৰাৰ অভিযোগ আৰু প্ৰতি-অভিযোগ শুনিব। এইবাৰ সকলো ক্লিয়াৰ হ’ব যেন লাগিছে। গগৈ+আজমল বনান সোণোৱাল+শৰ্মা+বৰা+ মহিলাৰী। কংগ্ৰেছও নো অকলে অকলে কিমান যুঁজিব? হিমন্তই যোৱাবাৰ নাচ দেখুৱাইছিল। এইবাৰ আকৌ কি দেখায় তাৰ ঠিক নাই। গগৈ-আজমলে একেলগে নাচিলে হিমন্তই পাট্টা নাপায়। পিছে হিমন্তই বা অহা নিৰ্বাচনত এই মিত্রতাক  কেনেকৈ তুলাধুনা দিয়ে? শৰ্মাৰ নিৰ্বাচনী ভাষনবোৰ কেনেকুৱা হ’ব? আমি গৈছিলো ৰাইজৰ কাষত। কেইজনমানে দিলে কিছু আমোদজনক উত্তৰঃ
১) আগতে কৈছিল “হু ইজ বদৰুদ্দিন?” আৰু আজি কৈছে “হামাৰা বদৰুদ্দিন”। ইমানতে কিয় সন্তুষ্ট হ’ব লাগে? নিজৰ চিম্বলটোও সলনি কৰি লুঙি-তুপী কৰক…
 ২) এইবাৰ হ’ব আই.পি.এলৰ শেষ যুদ্ধ। আচাম ৰাইনোজ বনাম বাংলাদেশ ইলিছ। আমাৰ লগত আছে সোণোৱাল, বৰা আৰু মহিলাৰী। তেওঁলোকৰ লগত আছে আজমল, হুছেইন, কাজমী আৰু গগৈ।
৩) সময় বৰ ভাল নহয়। গগৈয়ে আশা কৰি আছে মুখ্যমন্ত্রী পদ তেওঁ নিজে ৰাখি আজমলক গৃহমন্ত্রী পাতিব।  কিন্তু তেওঁ  পাহৰি গৈছে যে এই অসমীয়াই এদিন ঔৰংজেৱ আৰু মিৰজুমলাক বাধা দিছিল, আজমল কি বস্তু? আপোনালোকে আজমলক গৃহমন্ত্রী হ’ব দিবনে? ডাঙৰকৈ কওক_ আজমলক গৃহমন্ত্রী পাতিব নেকি?
৪) কংগ্ৰেছ নেতাবোৰে হেনো এতিয়া পিঠা খোৱা বাদ দিছে। বিৰিয়াণী খোৱা প্ৰেক্টিছ কৰি আছে।
৫) গগৈয়ে কৈছে বদৰুদ্দিনৰ পৰা হেনো আমাৰ বিপদ নাই? কিয় নাথাকিব? আপোনাৰ লগৰ এজনে বাংলাদেশত ঘৰ কিনা বুলি শুনিছো, আপুনিও যাব নেকি তাত?

কজিত ভূঞাৰ সৈতে অজলা ককাই

(এই লেখনিৰ উদ্দেশ্য হাস্যৰস )

 কমেডি ডেক্স: ৰাজনীতি অসম (www.rajnitiaxom.com)


ৰাজ্যসভালৈ নিৰ্বাচিত হোৱাৰ পিছত আমাৰ বিশিষ্ট সাংবাদিক অজলা ককাইৰ সৈতে কজিত ভূঞাৰ সাক্ষাৎকাৰঃ
অজলা ককাইঃ যিটো কাম কয়ন্ত বৰুৱাই নোৱাৰিলে, কাইদৰ হুছেইনে নোৱাৰিলে সেইটো আপুনি কেনেকৈ কৰি দেখুৱালে?
কজিত ভূঞাঃ আপুনি যেনেকৈ অজলা ককাই মই হ’লো বৰলা ককাই। বৰ্তমান মাৰ্কেটত আমাৰ ডিমাণ্ড বেছি। মই নিৰ্বাচনত প্ৰতিদ্বন্দ্বিতা কৰা বাবে না সোণোৱালে বিৰোধ কৰিলে না মুডীয়ে। শৰ্মালৈ অলপ ভয় আছিল। তেওঁক ফিটিং কৰোতে অলপ সময় লাগিল।
অজলা ককাইঃ শৰ্মাক কেনেকৈ ফিটিং কৰিলে?
অজিত ভূঞাঃ বহু চেষ্টা কৰিলো। নামানে বুজিছেনে? শেষত ,প্ৰধানমন্ত্রী হ’ব বুলি আশীৰ্বাদ দিলোঁ… মোৰ ভৰিত পৰি গ’ল।
অজলা ককাইঃ এটা সময়ত আপুনি ঘোৰ কংগ্ৰেছ বিৰোধী আছিল। আজি তেওঁলোকৰ সমৰ্থন কিয় ল’লে?
কজিত ভূঞাঃ ডেকা কালত জন্তৰ প্ৰতি মোৰ স্নেহ আছিল সঁচা। কিন্তু বয়স বঢ়াৰ লগে লগে বুজিলোঁ যে হাতখন নহ’লে মানুহ চলিব নোৱাৰে। লগতে তলা চাবিযোৰো খুব কামৰ বস্তু।
অজলা ককাইঃ আপুনি কোনখন মুখেৰে কাজমলৰ দলক ধৰ্ম-নিৰপেক্ষ বুলি ক’লে?
কজিত ভূঞাঃ চাওক..আমি ভূঞা  বংশৰ মানুহ। আমাৰ পূৰ্ব পুৰুষ আহিছিল কণৌজৰ পৰা । অসমৰ পৰা দুৰত্ব ২৫০০ কিলো মিটাৰ। এওঁলোক আহিছে গাতে লাগি থকা বাংলাদেশৰ পৰা। সেয়েহে তেওঁলোক আমাতকৈও বেছি অসমীয়া। কোনোবাই যদি অপমান কৰে মই কিন্তু সহ্য নকৰো ।কাজমলকা কাগজৰ নহয় আচল বাঘ ।
অজলা ককাইঃ দিল্লীত গৈ প্ৰথমে কি কৰিব?
কজিত ভূঞাঃ প্ৰথমতে কোৱাৰ্টাৰটো ল’ব লাগিব। দিল্লীলৈ  ইমান গৈ থাকো ; এতিয়া অন্ততঃ ৬ বছৰলৈ নিজা ঠিকনা এটা হ’ল। পিছে ঘৰৰ ঠিকনা কাকো নিদিও। নহলে মনজৌতি, ৰাজগৰু হ’তে তাতে বাহৰ পাতিব।
অজলা ককাইঃ অহা বিধানসভা নিৰ্বাচনত আপোনাৰ দায়িত্ব  কি হ’ব?
কজিত ভূঞাঃ কাজমলকা আৰু ৰাহুলৰ লগত বহি অসমত সাম্প্ৰদায়িকতাক উৎখাত কৰাৰ নীতি বনাম । দিল্লীৰ পৰা লুঙি আনি অসমত বিলাব লাগিব । কম্বল বিলায় লাভ নাই বুলি গগৈ দাক কৈ দিছোঁ  ।
অজলা ককাইঃ আপুনি ‘কেব’ আন্দোলনৰ যোগেদি সাংসদ হ’ল , এতিয়া ‘কেব’ খনৰ কি হ’ব ?
কজিত ভূঞাঃ আন্দোলন চলি থাকিব । ইমান ডাঙৰ এটা আন্দোলনেৰে মাত্ৰ এজন সাংসদ যথেষ্ট নহয় । ২০২১ ত কুৰিণ জ্যোতিক মুখ্যমন্ত্ৰী আৰু কাজমলকাক গৃহমন্ত্ৰী বনায় চৰকাৰ আমি বনাব পাৰিব লাগিব ।
অজলা ককাইঃ সাংবাদিক, সম্পাদক, এম.পি  ___ইয়াৰ পিছত কি?
কজিত ভূঞাঃ পদৰ প্ৰতি আসক্তি নাই।কিন্তু ভাৰত এতিয়াও তথ্য জনসংযোগ বিভাগত পিছ পৰি আছে।ধৰ্ম নিৰপেক্ষ চৰকাৰ আহিলে কেন্দ্ৰত এই বিভাগটোত কাম কৰিব লগিব বুলি ৰাহুলে কৈছে ।
অজলা ককাইঃ ক’ৰোণাৰ বিৰিদ্ধে অসম চৰকাৰে যুদ্ধংদেহী মনোভাবেৰে কাম কৰি আছে। আপুনি সন্ত্তষ্ট নে?
কজিত ভূঞাঃ শৰ্মাই এনেই হাৰাশাস্তি কৰি আছে মানুহ বিলাকক । আমাৰ বৰ্মন চাৰ স্বাস্থ্য মন্ত্ৰী থকাহেঁতেন তেওঁৰ বিৰা কেইটাৰেই কৰ’ণাক খেদিলেহেঁতেন ।
অজলা ককাইঃ সকলো সাংসদে মুখ্যমন্ত্রী সাহায্য নিধিলৈ টকা দিছে। ‍আপুনি কিবা দিব নেকি?
কজিত ভূঞাঃ এতিয়ালৈকে বাকীতে চলি আছো। কিবা দিম বুলি ঘোষণা কৰি পিছত দৰমহা নাপালে সমস্যা নহ’ব জানো ।

সমষ্টি পুনৰ গঠন প্ৰক্ৰিয়া খিলঞ্জীয়া বিৰোধী:  উপমন্যু হাজৰিকা

  •  উপমন্যু হাজৰিকা

‘ৰাজনীতি অসম’ ই-আলোচনী খনৰ ওৱেবচাইট আই.ডি:  www.rajnitiaxom.com


কেন্দ্ৰীয় চৰকাৰে ঘোষণা কৰা অধিসূচনা অনুসৰি অসমত লোকসভা আৰু বিধানসভা সমষ্টি পুনৰ গঠন প্ৰক্ৰিয়া আৰম্ভ কৰা হ’ব। সমষ্টি পুনৰ গঠন কৰিলে খিলঞ্জীয়া লোকচানত থাকিব আৰু বাংলাদেশী উপকৃত হ’ব , কিয়নো সমষ্টি পুনৰ গঠন হ’ব জনসংখ্যা ভিত্তিত! আৰু আজিৰ দিনত বৰ্তমান সময়ত খিলঞ্জীয়া অধ্যুষিত সমষ্টিতকৈ বাংলাদেশী অধ্যুষিত সমষ্টি অধিক।
সমষ্টি সমুহৰ পুনৰ গঠন প্ৰক্ৰিয়া স্থগিত কৰা হৈছিল ২০০৮ চনত আইন শৃংখলা ব্যৱস্থা উন্নত নোহোৱা বাবে। অধিসূচনা অনুসৰি বৰ্তমান সময়ত আইন শৃংখলা বাতাবৰণ উন্নত ।CAA বিৰোধী আন্দোলন ,বিটিএডি ত চলি থকা অবড়ো আন্দোলন  তীব্র গতিত চলি থকা অৱস্থাত অধিসূচনা জাৰী কৰা  যুক্তি ভিত্তিহীন।ইয়াৰ গুৰিত আছে শাসকীয় দলৰ ৰাজনৈতিক অংক। CAA  বিৰোধী আন্দোলনৰ বাবে বিজেপি-অগপ ই  খিলঞ্জীয়া সমৰ্থন হেৰুৱাব তাৰ বাবে সমষ্টি পুনৰ গঠন কৰি খিলঞ্জীয়া সমষ্টি হ্ৰাস কৰিব আৰু বাংলাদেশী অধ্যুষিত অঞ্চলত সমষ্টি বাঢ়ি যাব।ইতিমধ্যে বৰ্তমান চৰকাৰে NRC ত বিদেশী সুমুৱাই তেওঁলোকৰো সমৰ্থন লাভ কৰিব।যোৱা ৪০ বছৰে খিলঞ্জীয়া নেতাই খিলঞ্জীয়াক ঠগি আছে,এইটো আৰু এটা উদাহৰণ!
যেতিয়া নেতা সকলে ৬ নং দঁফাৰ নামত সমষ্টি সংৰক্ষণ কৰি ল’ব তেতিয়া তেওঁলোক বাংলাদেশী ভোটত নিৰ্বাচিত হৈ থাকিব পাৰিব। যেতিয়া NRCত ৭০ লাখ বিদেশী অন্তৰ্ভুক্ত হোৱা বুলি ডঃ হিমন্ত বিশ্ব শৰ্মা আৰু আন নেতা সকলে কৈয়ে থাকে আৰু পুনৰ পৰীক্ষণৰ দাবী কৰে,যি পুনৰ পৰীক্ষণৰ ক্ষমতা স্বয়ং চৰকাৰৰ হাততেই আছে।যদি প্ৰকৃততে পুনৰীক্ষণ হয় তেন্তে বহু কিছু সমষ্টিত নাগৰিকৰ জনসংখ্যা হ্ৰাস পাব। NRC সম্পূৰ্ণ পুনঃৰীক্ষন নকৰাকৈ সমষ্টি পুনৰ গঠন কৰিবলৈ আগবঢ়া মানেই বুজাই যে বিজেপি -অগপ NRC পুনঃৰীক্ষণৰ কোনো সদিচ্ছা নাই। প্ৰকৃততে য’ত আজি খিলঞ্জীয়াৰ  প্ৰয়োজন আছিল  দূৰদৰ্শী আৰু জাতিপ্ৰেমী নেতাৰ , আমি পালোঁ নেতাৰ নামত ৰাজনৈতিক ব্যৱসায়ী ।
বিজেপিৰ শক্তিশালী নেতা সকলেও বিদেশীৰ ফালে হাত উজান দিয়ে , (কংগ্ৰেছতেই থাকক বা বিজেপিতে থাকক) । আগন্তুক দিনত  যেতিয়া দল বাগৰিব তেতিয়া বাংলাদেশী মুছলমান সকলক গৌৰবেৰে ক’ব পাৰিব বিজেপিত থাকোঁতেও তেওঁলোকক সুৰক্ষিত কৰি ৰক্ষণাবেক্ষণ দিছিলোঁ আৰু এতিয়াও দি আছোঁ। NRCৰ জৰিয়তে মুছলমান বাংলাদেশী আৰু CAA ৰ দ্বাৰা হিন্দু বাংলাদেশীক সুৰক্ষিত কৰি খিলঞ্জীয়াক ধ্বংসৰ বাবে ঠেলি দিলে এই ৰাজনৈতিক ব্যৱসায়ী বোৰে।।

দুৰ্বল বুদ্ধিজীবী আৰু আলফা – চৰকাৰ আলোচনাৰ ভৱিষ্যত

‘ৰাজনীতি অসম’ (www.rajnitiaxom.com), অসমৰ প্ৰথম ৰাজনৈতিক ই-আলোচনীৰ প্ৰতিবেদন


১৯৯১ চনৰ চেপ্তেম্বৰ মাহত অপাৰেচন ৰাইনো আৰম্ভ হয় । অসমত চলে পুনৰ সেনাৰ অভিযান  । ইয়াৰ কিছু মাহ পিছতেই জানুৱাৰীত অৰবিন্দ ৰাজখোৱাই ৫ জনীয়া এটা আলফাৰ দলক প্ৰধান মন্ত্ৰী নৰসিংহ ৰাওঁৰ লগত আলোচনা কৰিবলৈ দিল্লীলৈ পঠায় । সেই দলটোৰ নেতৃত্ব লৈছিল অনুপ চেতিয়াই ।
এমাহ পিছত অৰুণাচলৰ কোনো অজ্ঞাত স্থানত আলফাই সাধাৰণ সভা পাতে , য’ত পৰেশ বৰুৱা উপস্থিত নাছিল । তৎস্বত্তেও প্ৰদীপ গগৈৰ নেতৃত্বত পুনৰ আলফাৰ এটা দল দিল্লীলৈ গৈ গৃহ মন্ত্ৰালয়ৰ বিষয়াক লগ কৰে । এনেকৈ কিছুদিন যোৱাৰ পিছত আলফাৰ ফালৰ পৰা আলোচনা প্ৰক্ৰিয়া বন্ধ হোৱা বুলি ঘোষণা কৰে আৰু দিল্লীলৈ যোৱা শীৰ্ষ নেতা সকলে পুনৰ আত্ম গোপন কৰে ।কিন্তু এই সময়ছোৱাতেই প্ৰায় ১৫ জনীয়া শীৰ্ষ আলফা নেতা কেইজনমানে তেতিয়াৰ আলফাৰ প্ৰচাৰ সচিব সিদ্ধাৰ্থ ফুকন ( আচল নাম সুনিল নাথ ) ৰ নেতৃত্বত মুখ্যমন্ত্ৰী হিতেশ্বৰ শইকীয়াৰ ওচৰত আত্মসমৰ্পণ কৰে । এইয়াই আছিল আলফাত প্ৰথম বিভাজন ।

অসমীয়া জাতীয়তাবাদী সমাজৰ দৃষ্টিত ‘ গণ শত্ৰু ‘ বুলি অভিহিত হিতেশ্বৰ শইকীয়াৰ ওচৰত আত্মসমৰ্পণ কৰা যুবক খিনিক জাতীয়তাবাদী শিবিৰ সমুহে অস্পৃশ্য ঘোষণা কৰে ।হিতেশ্বৰ শইকীয়া আৰু কংগ্ৰেছ চৰকাৰৰ লগত যোগাযোগ
কৰাটো অসমীয়া জাতীয়তাবাদী শিবিৰৰ কাৰণে গ্ৰহণযোগ্য নাছিল , বিদেশী বহিষ্কাৰ আন্দোলনত এখন মঞ্চৰ পৰা আন্দোলন কৰি এইচাম যুবকে  ভিন্ন লক্ষ্য আগত ৰাখি সশস্ত্ৰ সংগ্ৰামৰ পথত ওলায় যোৱাৰ পিছত পুনৰ মুলসূতীলৈ উভতি আহিছিল । ৰাইজৰ দ্বাৰা নিৰ্বাচিত মুখ্যমন্ত্ৰী জনৰ কাষ চপা প্ৰক্ৰিয়াটোক জাতীয়তাবাদী শিবিৰ টোৱে সহজ ভাবে লোৱা নাছিল  । ছাত্ৰ সংগঠনৰ দ্বাৰা সামাজিক ভাবে বৰ্জন কৰা মুখ্যমন্ত্ৰী জনৰ কাষত থিয় দিয়াটোেৱেই আছিল দোষ । ১৯৯২ চনতে অসমীয়া জাতীয়তাবাদী শিবিৰৰ পৰা এটা নতুন উপ-শিবিৰৰ জন্ম হৈছিল , যিটো গোটে আলফাৰ অনানুষ্ঠানিক প্ৰচাৰ বিভাগৰ কাম কৰিছিল । আলফা আৰু চৰকাৰৰ মাজত যাতে কোনো ধৰণৰ আলোচনা সম্ভৱ নহয় তাৰ কাৰণে বিভিন্ন কৌশল অৱলম্বন কৰিছিল । আলফা এৰি অহা সকলক বিশ্বাস ঘাটক , চৰকাৰৰ দালাল আদি বিশেষণেৰে অভিহিত কৰি ভাতৃঘাটী সংঘৰ্ষৰ কাৰণে পৰিবেশ ৰচনা কৰিছিল ।
উল্লেখ্য যে যিকোনো সংগঠনৰ পৰা যদি এচামে সংগঠন ত্যাগ কৰে তেনে পৰিস্থিতিত সংগঠন ত্যাগ কৰা সকল মিত্ৰ হোৱাৰ অৱকাশ নেথাকে ; কিন্তু জ্বলা জুইত ঘী ঢালি শত্ৰু কৰা কাম সেই সময়ত এচাম বুদ্ধিজীবীয়ে কৰিছিল ।
কিছু সংযম আৰু ভৱিষ্যত উপলব্ধি কৰা গুণ যদি সেই সময়ৰ অসমীয়া জাতীয়তাবাদী শিবিৰ সমুহৰ থাকিলহেঁতেন তেন্তে অসমীয়া যুবকৰ মৃত্যু হয়টো তেতিয়া সুলভ নহ’লহেঁতেন ।
১৯৯২ চনৰ পৰা ১৯৯৬ চনলৈ অসমীয়া জাতীয়তাবাদী শিবিৰ সমুহৰ মাজত ঐক্যতাই বিৰাজ কৰিলে । সকলোৱে হিতেশ্বৰ শইকীয়া নেতৃত্বৰ কংগ্ৰেছ চৰকাৰ খনৰ পতনৰ লক্ষ্য আগত ৰাখি মিত্ৰতা স্থাপন কৰিলে । আলফাৰ পৰাও আঞ্চলিক দলৰ চৰকাৰ এখন কাম্য আছিল , কাৰণ আলফাই ধাৰণা কৰিছিল যে আঞ্চলিক দলৰ চৰকাৰৰ স্থিতি আলফাৰ প্ৰতি নৰম হ’ব । আলফাই নিৰ্বাচনত নিৰপেক্ষ স্থিতিক ত্যাগ কৰিলে । আনহাতে পুৰ্ব বংগীয় মুছলামন ভোটাৰ , বাওঁপন্থী দল , জনজাতীয় দল বিলাকেও এখন অকংগ্ৰেছী চৰকাৰৰ খাতিৰত জাতীয়তাবাদী শিবিৰৰ লগত এখন মঞ্চতে থিয় হ’ল । প্ৰফুল্ল মহন্তৰ নেতৃত্বত চৰকাৰ গঠন হ’ল । প্ৰথম অৱস্থাত আলফাৰ প্ৰতি নমনীয় স্থিতি গ্ৰহণ কৰি কেইবাজনো কাৰাবন্দী আলফা নেতাক জামিনত মুক্তি দিয়ে । লাহে লাহে আলফাৰ প্ৰভাব বৃদ্ধি পাব ধৰে আৰু চৰকাৰ শলথেকত পৰে । আলফা আৰু  চৰকাৰে বিপৰীত স্থিতি লয় । ইউনিফাইড কামাণ্ড প্ৰবৰ্তণ হয় । আক্ৰমণ প্ৰত্যাক্ৰমণে পৰিস্থিতি অগ্নিগৰ্ভা কৰে । গুপ্তহত্যাৰ বিভিষীকাই আকাশ বতাহ ছানী ধৰে । সশষ্ট্ৰ জাতীয়তাবাদী শিবিৰ আলফা আৰু ভাৰতীয় সংবিধানত বিশ্বাসী জাতীয়তাবাদী শিবিৰৰ মাজত প্ৰত্যক্ষ সংঘাত আৰম্ভ হয়।
এই সময়ছোৱাত অসমীয়া জাতীয়তাবাদৰ বিভিন্ন শিবিৰ আৰু উপ-শিবিৰ সমুহে এনেকুৱা এক কাম কৰিলে যাৰ কুফল হয়টো আজিও অসমৰ জনতাই ভোগ কৰি আছে । আলফাৰ লক্ষ্য আৰু কৰ্মপন্থাক মুকলি কৈ আৰু আনুষ্ঠানিক ভাবে অনুমোদন নজনালেও এই শিবিৰ সমুহে আলফাৰ প্ৰতি সক্ৰিয় সহানুভুতি প্ৰদান কৰি আহিছিল ।
সৰ্বভাৰতীয় দল , বহিৰাগত ব্যৱসায়ীৰ বিৰু্দ্ধে আলফাক অহিলা কৰি ৰখাৰ স্বাৰ্থত আলফাৰ সংগ্ৰামৰ পদ্ধতি সলনি হোৱাটো বিচৰা নাছিল । আন এক ৰাজনৈতিক অংক আছিল যে আলফা আৰু চৰকাৰৰ মাজত হোৱা আলোচনাই যদি সফল সমাপ্তিত উপনিত হয় তেন্তে হিতেশ্বৰ শইকীয়াই মাইলেজ পাব । ২০১১ চনত আলফাৰ
বৈদেশিক সচিব (জামিনত মুক্তি পোৱা ) শশ চৌধুৰীয়ে জনসভাত স্বীকাৰ কৰিছে যে আলফাক এচাম প্ৰভাবশালী মানুহে দোকানৰ দৰে ব্যৱহাৰ কৰিলে । ৯২’ৰ পিছত এতিয়া ২০২০ পালে । পুনৰ আলোচিত হৈছে বহু প্ৰত্যাশিত আলফা চৰকাৰ আলোচনা । কেন্দ্ৰত এইবাৰ নৰেন্দ্ৰ মোদী আৰু আলফাৰ পৰা একেজনেই পৰেশ বৰুৱা , যাৰ অবিহনে আলোচনাই গন্তব্য স্থান পাব নোৱাৰে । কেন্দ্ৰ আৰু ৰাজ্যত ৰাইজৰ দ্বাৰা নিৰ্বাচিত ৰাষ্ট্ৰীয় দলৰ চৰকাৰ , থিক ৯২’ ৰ দৰেই । পক্ষ একেই আছে , মাত্ৰ দুৰ্বল বুদ্ধিজীবী আৰু বাটকটীয়া বিটিআৰ চুক্তি ।

কেজৰীৱালৰ জয়ত কম্পিত বিজেপি

  • পাৰ্থ সাৰথি দত্ত

‘ৰাজনীতি অসম’ ই-আলোচনী খনৰ ওৱেবচাইট আই.ডি:  www.rajnitiaxom.com


আগষ্ট ২০১৯ ত দিল্লী ভ্ৰমণ কৰি ‘ৰাজনীতি অসম’ নিশ্চিত হৈছিল যে কেজৰীৱাল পুনৰ দিল্লীৰ মুখ্যমন্ত্রী নিৰ্বাচিত হ’ব। বিশেষকৈ স্বাস্হ্য আৰু শিক্ষাৰ ক্ষেত্রত যুগান্তকাৰী পৰিবৰ্তন আনি দিল্লীবাসীৰ অন্তৰত স্হান কৰি লৈছিল আন্না আন্দোলনৰ পৰা ৰাজনীতিৰ পথাৰত ভৰি দিয়া নেতাজনে। বিজেপিৰ ৰথী মহাৰথী উবুৰি খাই পৰিছিল এইজন কেজৰীৱালৰ বিৰুদ্ধে। কেইমাহমান আগতে হোৱা লোকসভাৰ নিৰ্বাচনত ৭ ৰ ভিতৰত ৭ খন দখল কৰা বিজেপিৰ বিধানসভাত শোচনীয় পৰাজয় হ’ল। কংগ্ৰেছে খাটাই খুলিব নোৱাৰিলে।
মোদীৰ বাবে প্ৰত্যাহ্বান কেজৰীৱাল
দেশত লাহে লাহে কংগ্ৰেছ দুৰ্বল হৈ গৈ আছে। গান্ধী পৰিয়ালে দলক জিকাবও নোৱাৰে ; কিন্তু দলে গান্ধী পৰিয়ালক এৰিবও নোৱাৰে। বিজেপিয়ে ভালকৈ জানে যে অহা বহু বছৰলৈ কংগ্ৰেছ বিজেপিৰ বাবে ভাবুকি নহয়। কিন্ত্ত আন বিৰোধী দলৰ পৰা যদি কোনো সৰ্বগ্ৰহণযোগ্য  নেতাৰ জন্ম হয় তেন্তে বিজেপিৰ বাবে  বিপদ। বিৰোধী নেতা সকলৰ ভিতৰত এতিয়া সকলোতকৈ বেছি উজলি উঠিছে কেজৰীৱাল। দুৰ্নীতিৰ বিৰুদ্ধে জেহাদ ঘোষণা কৰা কেজৰীৱালৰ একেৰাহে দ্বিতীয় বৃহৎ জয় বিজেপিৰ বাবে হৈ পৰিছে মূৰৰ কামোৰণি। ২০২৪ত সকলো বিৰোধী দল যদি একলগ হৈ কেজৰীৱালক প্ৰধানমন্ত্রী পদৰ প্ৰাৰ্থী নিৰ্বাচিত কৰে তেন্তে মোদী-শ্বাহ নিশ্চিত ভাবে শংকিত হোৱাৰ থল আছে। এতিয়া লোকসভাৰ নিৰ্বাচন হৈ পৰিছে প্ৰধানমন্ত্রী নিৰ্বাচন। প্ৰধানমন্ত্রীৰ নাম ঘোষনা নকৰিলে ভোট লাভ কৰাৰ সম্ভাবনা কম। যোৱা দুটা নিৰ্বাচনত সেই ভুল কৰা বিৰোধীয়ে অহা নিৰ্বাচন শিক্ষা ল’বই লাগিব। নহ’লে ২০২৪ত বিজেপিৰ জয় অবধাৰিত।
কেজৰীৱালৰ সমৰ্থনত কোন?
কংগ্ৰেছক বাদ দি বেছিভাগ বিৰোধী দলে কেজৰীৱালক সমৰ্থন কৰাৰ সম্ভাবনা আছে। তাৰ ভিতৰত আছে ডি.এম.কে, তেলেগু দেশম, বিজেডি, এন.চি.পি, এছ.পি আৰু আৰ.জে.দি। মমতাৰ স্থিতি নিৰ্ভৰ কৰিব ২০২১ৰ পশ্চিমবংগৰ নিৰ্বাচন ফলাফলৰ ওপৰত। মমতা পুনৰ জয়ী হলে নিজকে প্ৰধানমন্ত্রীৰ বাবে প্ৰক্ষেপিত কৰাৰ চেষ্টা কৰিব। তেনে ক্ষেত্রত বিৰোধী ঐক্যক আঘাত পৰিব আৰু লাভবান হ’ব বিজেপি। মুঠৰ ওপৰত বিৰোধী দলবিলাকে যদি সময় থাকোতে কেজৰীৱালক প্ৰধানমন্ত্রী পদৰ প্ৰাৰ্থী প্ৰক্ষেপ কৰে তেন্তে অহা সাধাৰণ নিৰ্বাচন হ’ব আকৰ্ষনীয়। নহ’লে নিৰ্বাচনৰ পিছত পৰাজয়ৰ কাৰণৰ পৰ্য্যালোচনা কৰি সময় পাৰ কৰিব লাগিব।

আৰক্ষীৰ দৰমহা গাঁঠনি ইউ জি চি আৰ্হিৰ হওঁক

‘ৰাজনীতি অসম’ (www.rajnitiaxom.com), অসমৰ প্ৰথম ৰাজনৈতিক ই-আলোচনীৰ প্ৰতিবেদন


পুলিচ আপোনাৰ সাহস আৰু পুলিচ আপোনাৰ কাৰণে দুৰ্বলতা । দুষ্কাৰ্য সংঘটিত হ’লে ৰাইজ কাষ চাপে পুলিচৰ , কিন্তু একেখিনি ৰাইজে আকৌ আৰক্ষী চকী( থানা) ত প্ৰবেশ কৰিব লাগিলে বিৰক্ত হয় । থানাত যোৱাটোকে দু:সময় হিচাপে গণ্য কৰে । ৰাইজৰ সেৱাৰ কাৰণে আৰক্ষী ;  আৰক্ষী এজনে সেৱা কৰিবলৈ প্ৰস্তুত থাকিব লাগে । কিন্তু আইন পালন কৰা সাধাৰণ ব্যক্তি এজনে থানাৰ ভিতৰত আৰক্ষীৰ লোক এজনৰ লগত মুখামুখি হ’বলৈ কিয় বাঞ্চা নকৰে ? বহু ক্ষেত্ৰত আৰক্ষী লোকজনৰ ব্যৱহাৰ ৰুক্ষ হয়  । সমাজত প্ৰায়ে কথা এষাৰ শুনিবলৈ পোৱা যায় , ” পুলিচৰ লগত মিত্ৰতাও বেয়া , শত্ৰুতাও বেয়া । ” শত্ৰুতা অকল পুলিচৰ লগতেই নহয় , আন সকলোৰে লগতে বেয়া । কিন্তু মিত্ৰতা কিয় বেয়া ? পুলিচৰ লগত সাধাৰণ ৰাইজৰ যোগাযোগ বা মিত্ৰতা থকিলে অপৰাধ সংঘটিত হোৱাৰ সম্ভাৱনা কম থাকে । কোনো ব্যক্তিয়ে তেওঁৰ নিজৰ অঞ্চলত সন্দেহযুক্ত ব্যক্তি বা কোনো অপৰাধমুলক ঘটনাৰ সম্ভাৱনা দেখিলে ওচৰৰ আৰক্ষীক জনাব পাৰে । কিন্তু বাস্তৱ ক্ষেত্ৰত বহু সময়ত ইয়াৰ এখন ওলোটা ছবি পৰিলক্ষিত হয় । যদি কোনো ব্যক্তিয়ে এনে সন্দেহযুক্ত ঘটনাৰ কথা আৰক্ষীক জনাব যায় তেন্তে ব্যক্তিজনক আৰক্ষী থানাত বিভিন্ন প্ৰশ্নৰে থকা সৰকা কৰা হয় । শেষত আৰক্ষীৰ ওচৰ চপা ব্যক্তি জনহে অপৰাধী অপৰাধী লগা পৰিবেশ এটা হয় ।  আৰক্ষী চকীত সোমালে ভয় খাব লাগে চোৰ – ডকাইত বা অপৰাধীয়ে ,  কিন্তু আৰক্ষী চকীত সোমাবলৈ ভয় কৰে  আইন মানি চলি থকা সাধাৰণ জনতাই । ৰুক্ষ আচৰণ কৰা আৰক্ষী লোকজনো ৰাইজৰ লগত একেখন সমাজতে বাস কৰে । তেন্তে মানুহ জনে কিয় ৰুক্ষ আচৰণ কৰে ? স্বাধীনতাৰ সত্তৰ বছৰ পিছতো আৰক্ষীক উচিত  সুবিধা প্ৰদান কৰা হোৱা নাই কোনো এখন চৰকাৰৰ দ্বাৰা । এতিয়া অৱশ্যে পৰিবেশ কিছু উন্নত হৈছে । আৰক্ষী চকীবোৰ পুনৰ নিৰ্মাণ হৈ আছে , কিছু কিছু থানা কৰ্পৰেট অফিচ জাতীয়ও হৈছে । এইয়া শুভ লক্ষণ । এই ক্ষেত্ৰত চৰকাৰ ধন্যবাদৰ পাত্ৰ । এটা দিনত কেতিয়াবা ১৮-২০ ঘন্টা  পৰ্য্যন্ত ডিউটি কৰিব লগা হয় আৰক্ষী এজনে । থানাৰ ভিতৰত এটা ভাল পৰিবেশ আৰক্ষীয়ে পোৱাটো প্ৰয়োজনীয় ।  আৰক্ষীক বাদ দি আন সকলো  চৰকাৰী চাকৰিয়ালে নিজৰ চাকৰি কালত চৰকাৰৰ বিৰুদ্ধে ধৰ্ণা , পিকেটিংত এবাৰ হ’লেও অংশ লয় । কেব বা ‘কা ‘ ৰ ক্ষেত্ৰত  প্ৰাথমিক শিক্ষক সন্থাৰ পৰা আৰম্ভ কৰি কলেজ শিক্ষক সন্থা লৈ সকলোৱে  ৰাস্তাত প্ৰতিবাদ কৰিলে , পিয়নৰ পৰা আৰম্ভ কৰি পৰ্যতন বিভাগৰ এচিএছ বিষয়া লৈ বিভিন্ন জনে বুকুত কেব বিৰোধ লেখি চ’চিয়েল মিডিয়াত প্ৰচাৰ কৰিলে । এইখন বিশ্বত শ্ৰমিক দিবস পতা হয় , আঠ ঘন্টাৰ ওপৰত শ্ৰম কৰা আইন বিৰুদ্ধ ; কিন্তু এজন আৰক্ষীৰ হাৱিলডাৰৰ পৰা উচ্চপদস্থ  বিষয়া লৈ আঠ ঘন্টাৰ ডিউটিৰ নিয়মটো জানো বাস্তৱ ?  বহুক্ষেত্ৰত ২০-২২ ঘন্টা ডিউটি কৰা দেখা যায় একোজন আৰক্ষীক ; তৎস্বত্তেও আৰক্ষীৰ লোক এজন সদায় সমালোচনাৰ সন্মুখিন হৈ থাকে । এতিয়া আহো দৰমহা  ___ডিএছপি পদত চাকৰিত সোমোৱা ব্যক্তি এজনে কিমান দৰমহা পায় আৰু কলেজৰ শিক্ষক পদত চাকৰি কৰা ব্যক্তি এজনে কিমান দৰমহা পায় ? বেংকৰ কেৰাণী জনে কিমান দৰমহা পায় আৰু হাইৱেট ট্ৰেফিক নিয়ন্ত্ৰণ কৰা আৰক্ষী জনে কিমান দৰমহা পায় ? স্বাস্থ্য বীমা হিচাপে  অইলত চাকৰি কৰা শ্ৰমিকে কি পায় আৰু আৰক্ষীৰ বিষয়া এজনে কি পায় ?  গ্ৰাহক ৰাইজে দাবী কৰে বেংক বা এল আই চিৰ অফিচ বিলাক শীত তাপ নিমন্ত্ৰণীত হ’ব লাগে , কিন্তু আৰক্ষী চকী খন শীত তাপ নিয়ন্ত্ৰণীত হ’ব লাগে বুলি ভবাটোও অবাস্তৱ যেন লাগে । আৰক্ষী , মন্ত্ৰী , বনুৱা , শ্ৰমিক , শিক্ষক সকলো একেখন সমাজৰ বাসিন্দা আৰু আজিৰ ছাত্ৰই কাইলৈ এইবিলাক পদত কাম কৰিব । শিক্ষক আৰু আৰক্ষী ___এখন সমাজক সুশৃংখল কৰি ৰখাত মুখ্য ভুমিকা গ্ৰহণ কৰে । সেয়ে এই দুয়োটা শ্ৰেণীক আৰ্থিক আৰু মানসিক ভাবে শক্তিশালী কৰি ৰখাত চৰকাৰে অধিক গুৰুত্ব দিয়া দৰকাৰ । উল্লেখ্য যে শিক্ষকৰ দৰমহা গাঁঠনি যথেষ্ট উন্নত হৈছে ; কলেজ শিক্ষকৰ ক্ষেত্ৰত চৰকাৰ অধিক দৰদী হোৱা দেখা গৈছে । এতিয়া সকলোৰে নজৰ থাকিব আৰক্ষীকো যাতে কলেজ শিক্ষকৰ আৰ্হিত দৰমহা দিয়া আৰু অইল আদি কোম্পানীৰ দৰে স্বাস্থ্য বীমা প্ৰদান কৰা ।

উল্লেখ্য যে সংবাদ মাধ্যমেও টি আৰ পি ৰ খাতিৰত কোনো আৰক্ষীৰ লোক কু কৰ্মত লিপ্ত হ’লে দিনৰ দিনটো বাতৰি বাতৰি বজায় থাকে । কুকাৰ্য্য সমৰ্থনযোগ্য নহয় , কিন্তু কু কাৰ্য্যৰ এনেকুৱা সষ্টিয়া প্ৰচাৰে সৎ আৰক্ষীৰ লোক এজনৰ ওপৰত কি প্ৰভাৱ পৰিব পাৰে সেই কথা বিচাৰ কৰি নেচায় । এনেকুৱা প্ৰচাৰে আৰক্ষীক নিকা কৰাতকৈ অপৰাধীক হে মানসিক ভাবে সবল কৰা দেখা যায় ।  দেশৰ গৃহ মন্ত্ৰী অমিত শ্বাহে ২০১৯ চনৰ আগষ্ট মাহত দিয়া বক্তব্য অতি গুৰুত্বপুৰ্ণ । তেওঁ উল্লেখ কৰিছে যে দেশৰ অৰ্থনীতি সৱল কৰাত আৰক্ষীৰ ভুমিকা অতি গুৰুত্বপুৰ্ণ কাৰণ দেশৰ আইন শৃংখলাৰ প্ৰভাব অৰ্থনীতিত পৰে । প্ৰায় ৩৫ হাজাৰ আৰক্ষীৰ লোকে জীৱন আহুতি দিয়া কথাও তেওঁ সোঁৱৰে । আৰক্ষীক শক্তিশালী কৰা আৰু সা-সুবিধা উন্নত কৰিবলৈ ব্যপক সালসলনিৰ প্ৰয়োজন থকা বুলি দোহাৰে আৰু ৰাইজৰ পৰা প্ৰত্যক্ষ ভাবে পৰামৰ্শ বিচাৰে । আৰক্ষীৰ দৰমহা গাঁঠনিয়ে প্ৰথম স্থান অধিকাৰ কৰক আৰু প্ৰতিজন আৰক্ষীক সুকীয়া হেল্থ কাৰ্ডৰ দ্বাৰা চিকিৎসা বীমাৰ আওঁতাত অনা হওঁক ।

বিটিআৰত হাগ্ৰামা মহিলাৰী অপ্ৰাসংগিক?

‘ৰাজনীতি অসম’ (www.rajnitiaxom.com), অসমৰ প্ৰথম ৰাজনৈতিক ই-আলোচনীৰ প্ৰতিবেদন


আজিৰ তাৰিখত বিজেপিৰ নেতা সকলে মুকলিকৈ বিপিএফ বিৰুদ্ধে জন সভাত বক্তব্য ৰাখি আছে । বিটিচি পৰিষদত বিপিএফৰ দুৰ্নীতিৰ ফলত উন্নয়ন লেহেমীয়া হোৱা বুলি অভিযোগ আনিছে ।  বিপিএফ আৰু বিজেপিৰ মিত্ৰতাত ফাঁট মেলিবলৈ আৰম্ভ কৰিছে । বিজেপিৰ লগত অহাৰ আগত হাগ্ৰামা মহিলাৰীৰ বিপিএফ আছিল কংগ্ৰেছৰ লগত । কিন্তু কংগ্ৰেছৰ ক্ষমতাৰ নাওঁ ডুবাৰ আসন্ন উমান পায় হাগ্ৰামা মহিলাৰীয়ে শিবিৰ সলনি কৰিছিল ।  বিপিএফৰ ৰাজনীতি স্পষ্ট ___ক্ষমতাত থকা দলৰ লগত মিত্ৰতা । সকলো থিকেই চলি আছিল বিজেপি আৰু বিপিএফৰ । কাৰণ বিটিচি চুক্তিৰ সময়তো কেন্দ্ৰত বিজেপি চৰকাৰ আছিল আৰু বৰ্তমান সময়তো কেন্দ্ৰ আৰু ৰাজ্য উভয়তে বিজেপি দলৰ চৰকাৰ আছে । ইয়াৰ মাজতে  এন ডি এফ বিৰ গোটেই কেইটা গোটৰ লগত আলোচনা প্ৰক্ৰিয়া শুভ সমাপ্তিৰ ক্ষণ আহিল আৰু সাক্ষৰিত বিটিআৰ চুক্তি । প্ৰতিটো গোটক এখন মঞ্চত উপবিষ্ট কৰা কামত সফল হ’ল আবছুৰ প্ৰমোদ বড়ো ।

ইয়াৰ লগে লগে জন্ম হ’ল আন এখন ৰাজনৈতিক পথাৰ ।  উল্লেখ্য যে বিপিএফৰ বিৰুদ্ধে যুঁজ দি থকা  বড়ো প্ৰধান ৰাজনৈতিক দল ইউপিপিএল ত প্ৰমোদ বড়োৱে যোগ দিয়াৰ লগে স্পষ্ট হৈ পৰিল যে বিটিচিত নতুন ৰাজনৈতিক দল গঠন হোৱাৰ আশা ক্ষীণ ।  বিটিচি প্ৰধান আঞ্চলিক দল হাগ্ৰামা মহিলাৰীৰ বিপিএফ , নব শৰণীয়াৰ গণ সুৰক্ষা দল আৰু উৰ্খা গৌৰা ব্ৰহ্মৰ ইপিপিএল মাজত তিনিকোণীয়া  প্ৰতিদন্দিতা ইমান বছৰে হৈ আছে যদিও এইবাৰ কিন্তু সমীকৰণ সলনি হ’ব । কাৰণ প্ৰতিষ্ঠান বিৰোধী ঢৌৰ বাবে  হাগ্ৰাম মহিলাৰীৰ স্থিতি সবল নহয় , ২০১৪ চনত নব শৰনীয়াৰ লগত থকা ধৰ্মীয় সংখ্যালঘু ভোটাৰ খিনি আজমল মুখী হৈছে আৰু ইউপিপিএলে যোৱা লোকসভা নিৰ্বাচনত আজমলৰ এআইইউডিএফ দলৰ সমৰ্থন লাভ কৰিছে । এনেকুৱা স্থিতিত বিজেপিৰ কৰণীয় কি ?  বিজেপিৰ কাৰণে  হাগ্ৰামা  মহিলাৰী , প্ৰমোদ বড়ো , উৰ্খা গৌৰা কোনজনেই পৰ নহয় কাৰণ বড়ো নেতা সকলে ভাৰতীয় ৰাষ্ট্ৰীয়তাবাদক সন্মান কৰে আৰু পালন কৰে । এইক্ষেত্ৰত বড়ো ভাষাৰ দেৱনাগিৰি লিপিৰ ভুমিকা উল্লেখযোগ্য ।  বিটিচিৰ ক্ষমতা প্ৰমোদ বড়ো বা হাগ্ৰামা মহিলাৰী যিজনেই দখল নকৰক মুলত: আজমলৰ হাতত ক্ষমতাৰ নিয়ন্ত্ৰণ থাকিব নেলাগে । বিটিচি পৰিষদৰ ক্ষমতাৰ বাঘজৰী যিজন নেতাই নলওঁক ভোটৰ নিয়ন্ত্ৰণ কিন্তু ধৰ্মীয় সংখ্যালঘু ভোটাৰৰ হাতত অধিক থাকে ।সেয়ে এইখিনি সময়ত ইউপিপিএল আৰু নব শৰণীয়াৰ গণ সুৰক্ষা মঞ্চৰ লগত মিত্ৰতা নকৰিলে ক্ষমতাও হাতৰ পৰা যাব আৰু বিটিচি অঞ্চলত বদৰুদ্দিন আজমলক হে শক্তিশালী কৰা হ’ব ।এই ক্ষেত্ৰত নব শৰণীয়াৰ স্থিতিয়ে বিশেষ প্ৰাধান্য পাব । কাৰণ বিজেপিৰ লগত যোৱা মানেই ধৰ্মীয় সংখ্যালঘুৰ সমৰ্থন সমুলঞ্চে শেষ আনহাতে অধিক সময় ক্ষমতাৰ বাহিৰত থকা মানেও ৰাজনৈতিক স্থিতি ক্ৰমে দুৰ্বল হোৱাৰ ভয় । সেয়ে সমীকৰণ যিয়েই নহওঁক বিটিচিত বিজেপিৰ স্থিতি অপৰিৱৰ্তীত থাকিব যেতিয়ালৈকে বদৰুদ্দিন আজমলৰ সমৰ্থিত প্ৰাৰ্থীয়ে বিটিচি দখল কৰিব নোৱাৰিব ।

৬ নং দঁফাৰ দায়িত্ব ল’ব অমিত শ্বাহে


‘ৰাজনীতি অসম’ ই-আলোচনী খনৰ ওৱেবচাইট আই.ডি:  www.rajnitiaxom.com


অসম সন্মিলীত মহাসংঘৰ মতিউৰ ৰহমানে অসম চুক্তিৰ ৬(ক) দঁফাত থকা  ‘ ১৯৭১ ‘ নাগৰিকত্ব ভিত্তি বৰ্ষক চেলেঞ্জ কৰি উচ্চতম ন্যায়ালয়ত গোচৰ তৰিছিল ( Writ petition 562/2012) …..
  টেলিগ্ৰাফ কাকতত ওলোৱা এটা নিউজত ৫১ ‘ ক  বিৰোধ কৰা দল কেইটা আছিল অসম সাহিত্য সভা , সদৌ অসম ছাত্ৰ সন্থা ,জামাত ই ইছলামী ই হিন্দ , এ আই ইউ ডি এফ ইত্যাদি ।
বৰ্তমান এই সংগঠন সমুহৰ স্থিতি কি ?
বৰ্নিহাট আৰু বেলতলাত বাস কৰা দুজন বাংলাদেশীৰ নাগৰিকত্বৰ ভিত্তিবৰ্ষ পৃথক পৃথক কৰি চুক্তি কৰা সকলকেই ৰাইজে মন্ত্ৰী পাতিছিল । ৰাইজৰ আবেগত বৰ্ণিহাটৰ বিদেশী এজনক অসমত ভাৰতীয় নাগৰিক হোৱা প্ৰক্ৰিয়াটোৱে গুৰুত্বই নেপালে ।  এতিয়া আকৌ আহিল অসম চু্ক্তিাৰ ৬ নং দঁফা । চৰকাৰে সমিতি বনালে । বিধায়ক আমিনুল ইছলামে বিতৰ্কিত মন্তব্য কৰি সমাজ কলুষিত কৰিলে ।  ৫ নং দঁফা কাৰ্যকৰী নকৰাকৈ ৬ নং দঁফা কাৰ্যকৰী কৰিব বিচৰা কাৰ্য্যত দুখ প্ৰকাশ কৰি ঘৰিয়ালৰ চকু পানী টুকিলে । বাংলাদেশী বিতাৰণ নকৰাকৈ খিলঞ্জীয়াৰ সাংবিধানিক ৰক্ষাকবচ অযুক্তিকৰ বুলি প্ৰচাৰ কৰি আছে ।  মুঠৰ ওপৰত বিভিন্ন জনৰ বিভিন্ন মত । ৬ নং দঁফাৰ কাৰণে বনোৱা উচ্চস্তৰীয় কমিটিয়ে প্ৰতিবেদন অসম চৰকাৰৰ হাতত জমা দিলে । এতিয়া এই প্ৰতিবেদন কেন্দ্ৰীয় গৃহ মন্ত্ৰালয়ৰ ওচৰত যাব, আৰু মন্ত্ৰালয়ে সিদ্ধান্ত ল’ব । খিলঞ্জীয়াৰ সংৰক্ষণ দাবী কৰা সকলৰ ভিন্ন মত । কিছুমানে যদি ১৯৫১ চনৰ ভোটাৰ লিষ্টত নাম থকা পৰিয়ালক খিলঞ্জীয়া বুলি দাবী কৰিছে তেন্তে আন কিছুমানে ১৯৭১ চনক ভিত্তি কৰাৰ পৰামৰ্শ দিছে ।  কিছুমান সংগঠনে খিলঞ্জীয়াৰ সংজ্ঞাৰ বাবে জাতি – জনগোষ্ঠীৰ তালিকা বনায় দিছে আৰু আন একাংশই ১৮২৬ চনটোক ভিত্তি কৰাৰ পৰামৰ্শ দিছে । এইখিনিতে উল্লেখ কৰিব পাৰি যে সমসাময়িক বিটিআৰ চুক্তিৰ সময়ত কোনো প্ৰতিবেদন বা কেমেৰাৰ সন্মুখত হোৱা আলোচনাৰ উদ্ভৱ হোৱা নাছিল ।  কিছুমান সুত্ৰই প্ৰকাশ কৰা অনুসৰী এনডিএফবি গোটৰ বহু নেতাই বড়ো জনতাৰ সুৰক্ষা আৰু উন্নয়নক প্ৰাধান্য দিয়া চুক্তিৰ খচৰা তৈয়াৰ কৰিবলৈ দায়িত্ব দিল্লীৰ বিষয়াকেই অৰ্পণ কৰিছিল । হয়টো ৬ নং দঁফাৰ ক্ষেত্ৰটো বিটিচি বা বিটিআৰ ৰ দৰে গৃহ মন্ত্ৰালয়ে খিলঞ্জীয়া উপযোগী এটা সুত্ৰ উলিয়াব । উল্লেখ্য যে দুই এটা সংগঠনে আকৌ ৫১ ভিত্তি কৰি খিলঞ্জীয়া নিৰ্ধাৰণ আৰু  ইনাৰ লাইন পাৰ্মিট প্ৰণয়নৰ পৰামৰ্শ দিছে ।
গোটেই অতীত বৰ্তমানৰ ঘটনা পৰিঘটনা , অতীত বুৰঞ্জীৰ তথ্য আগত ৰাখি ‘ ৰাজনীতি অসম ‘ এটা কথা উপলব্ধি কৰিছে যে চন তাৰিখৰ ওপৰত ভিত্তি কৰি খিলঞ্জীয়া নিৰ্ধাৰণ প্ৰক্ৰিয়া বিশ্বত বিৰল ।  ধৰা হ’ল ১৯৫১  চনক ভিত্তি কৰি খিলঞ্জীয়া নিৰ্ধাৰণ হ’ল ___তেন্তে আমি জানিব লাগিব ১৯৫১ বা ৫১’ ৰ আগত অসমত কিমান শতাংশ অখিলঞ্জীয়া জনসাধাৰণ আছিল । অসমত মুছলিম লীগে স্বাধীনতাৰ আগত চৰকাৰ গঠন কৰিছিল । চৈয়দ ছাদুল্লা মুখ্যমন্ত্ৰী আছিল । লাইন প্ৰথা প্ৰয়োগ কৰি পুৰ্ব বংগৰ পৰা মুছলমান মানুহ আনি ব্ৰহ্মপুত্ৰ উপত্যকাত সংস্থাপন কৰিছিল । বৃটিছে মৰাপাট উদ্যোগক উজ্জ্বিবিত কৰিবলৈ পুৰ্ব বংগ ( বৰ্তমানৰ বাংলাদেশ ) ৰ মুছলমান বনুৱা আনিছিল । এনেকুৱা অজস্ৰ অৰ্থনৈতিক আৰু ৰাজনৈতিক অভিপ্ৰায় নিহিত থকা প্ৰব্ৰজনে অসমত জনগাঁথনি সলনি কৰিলে ।  Census of India আৰু M C BHUYAN 1977 ত প্ৰকাশিত তথ্য মতে ১৯৫১ চনত পুৰ্ব বংগৰ পৰা প্ৰব্ৰজিত হৈ অসমত বাস মানুহৰ অনুপাত অসমৰ মুঠ জনসংখ্যাৰ ৩৭.৪ % আছিল , আৰু ১৯০১ চনত আছিল ১৮ .২ % । যদিহে ১৯৫১ চন মতে খিলঞ্জীয়া নিৰ্ধাৰণ হয় তেন্তে তেতিয়াৰ ৩৭.৪ % মানুহৰ বংশোদ্ভৱ প্ৰত্যক্ষ ভাবেই খিলঞ্জীয়া হ’ব । তাতে জনসংখ্যা বৃদ্ধিৰ হাৰক যদি সমীকৰণত সোমাই লোৱা হয় তেন্তে পুৰ্ব বংগীয় মুছলমান সমাজৰ স্থান বহু ওপৰত থাকিব আৰু তেতিয়াৰ ৩৭ .৪ % ই এতিয়া কি আকাৰ লৈ আছে সেয়া আজিৰ ৰাজনৈতিক নেতা আৰু বুদ্ধিজীবী সকলৰ বাবে কল্পনাতীত বিষয় । জাতি – জনগোষ্ঠী হিচাপত খিলঞ্জীয়া নিৰ্ধাৰণ কৰি অসমত তেওঁলোকক সাংবিধানিক সংৰক্ষণ ব্যৱস্থা প্ৰদান কৰা হওঁক আৰু খিলঞ্জীয়া – অখিলঞ্জীয়া , পুৰ্ব বংগীয় – পশ্চিম বংগীয় , মধ্য ভাৰতীয় – উত্তৰ ভাৰতীয় সকলো মিলি এখন উন্নত আৰু সম্প্ৰীতিৰ অসম গঢ়ি তুলিবলৈ যত্ন কৰা উচিত । অসমত বাস কৰা মানেই অসমবাসী , কিছুমান বঙালী ভাষী অসমীয়া , কিছুমান অসমীয়া ভাষী অসমীয়া , কিছুমান বড়ো ভাষী অসমীয়া , কিছুমান ৰাভা  ভাষী অসমীয়া , কিছুমান হিন্দী ভাষী অসমীয়া , কিছুমান ডিমাচা ভাষী অসমীয়া , কিছুমান কাৰ্বি ভাষী অসমীয়া ইত্যাদি ইত্যাদি । খিলঞ্জীয়া শক্তিশালী হৈ থাকিলেহে অসমীয়া শক্তিশালী হৈ থাকিব ।ইনাৰ লাইন পাৰ্মিটৰ পৰামৰ্শ কিছু দল সংগঠনে দিছে যদিও কেন্দ্ৰই এইটো কোনোপধ্যে মানি নল’ব । কাৰণ অমিত শ্বাহে কাশ্মীৰ সদৃশ পৰিবেশ পৰিবেশ অসমত উৎপন্ন হ’ব নিদিয়ে ।