- ৰুপেশ কুমাৰ সিং
ৰাজনীতি অসম’ (WWW.RAJNITIAXOM.COM) : অসমৰ প্ৰথম ৰাজনৈতিক ই-আলোচনী
সাময়িক সকাহ পোৱাৰ পাছতো মুখ্যমন্ত্রী মমতা বেনাৰ্জীৰ চৰকাৰে এছ এছ চি গোচৰত উচ্চতম ন্যায়ালয়ৰ মুখ্য ন্যায়াধীশ ডি ৱাই চন্দ্ৰচুদৰ কঠোৰ প্ৰশ্নৰ সন্মুখীন হ’বলগীয়া হয়। নন-পেনেল চাকৰিক সম্পূৰ্ণ জালিয়াতি বুলি মন্তব্য কৰি মুখ্য ন্যায়াধীশৰ ৰাজ্যখনলৈ প্ৰশ্ন, যোগ্য আৰু অযোগ্যসকলক কেনেদৰে বাছনি কৰা হ’ব? আনকি সম্ভৱনে? আৰু যোগ্য আৰু অযোগ্য বাছনি কৰাত কোনো ভুল নহ’ব, নিশ্চয়তা কি?
যোৱা সোমবাৰে কলিকতা উচ্চ ন্যায়ালয়ে এছ এছ চি গোচৰত ২০১৬ চনৰ নিযুক্তি প্ৰক্ৰিয়াৰ সমগ্ৰ পেনেল বাতিল কৰে। ন্যায়াধীশ দেবংছু বাছাক আৰু ন্যায়াধীশ মহম্মদ শ্বাব্বৰ ৰছিদীৰ সংমণ্ডল বিচাৰপীঠৰ ৰায়দানৰ ফলস্বৰূপে ২৫,৭৫৩ গৰাকী শিক্ষক আৰু শিক্ষা কৰ্মীয়ে চাকৰি হেৰুৱালে। চাকৰি বাতিল কৰাৰ উপৰিও উচ্চ ন্যায়ালয়ে মেয়াদ উকলি যোৱা পেনেলত চাকৰি পোৱা, শ্বেতপত্ৰ জমা দি চাকৰি পোৱা সকলক দৰমহা ঘূৰাই দিয়াৰ নিৰ্দেশ দিয়ে। চাকৰি লাভ কৰা সকলক চাৰি সপ্তাহৰ ভিতৰত ১২ শতাংশ হাৰত সুতৰ সৈতে দৰমহা ঘূৰাই দিবলৈ কোৱা হৈছে। উচ্চ ন্যায়ালয়ৰ মতে, এছ এছ চিৰ দুৰ্নীতিৰ অভিযোগৰ তদন্ত অব্যাহত ৰাখিব চি বি আইয়ে। প্ৰয়োজন হ’লে সন্দেহজনক লোকক জিম্মাত লৈ জেৰাও কৰিব পাৰে। অভিযোগ উত্থাপন হৈছিল যে অযোগ্যসকলক চাকৰি দিবলৈ এছ এছ চিত অতিৰিক্ত পদৰ সৃষ্টি কৰা হৈছিল। ৰাজ্যৰ কেবিনেটে এই পদ সৃষ্টিৰ বাবে অনুমোদন জনায়। উচ্চ ন্যায়ালয়ে ৰায়দানত কয় যে চিবিআইয়েও কেবিনেট সদস্যসকলক জিম্মাত লৈ জেৰা কৰিব পাৰে।
উচ্চ ন্যায়ালয়ৰ এই ৰায়ৰ বিৰুদ্ধে ৰাজ্যই উচ্চতম ন্যায়ালয়ত গোচৰ ৰুজু কৰিছিল। সেই গোচৰটো মুখ্য ন্যায়াধীশ চন্দ্ৰচুদ, ন্যায়াধীশ জে বি পাৰ্দিৱালা আৰু ন্যায়াধীশ মনোজ মিশ্ৰৰ বিচাৰপীঠত উত্থাপন হৈছিল। সোমবাৰে গোচৰৰ শুনানিৰ সময়ত ৰাজ্যৰ অধিবক্তা ৰাকেশ দ্বিবেদীয়ে আদালতত কয় যে উচ্চ ন্যায়ালয়ে এনে নিৰ্দেশ দিছে যিবোৰ কাৰ্যকৰী কৰিব নোৱাৰি। মানৱীয় কাৰণত কৰ্কট ৰোগত আক্ৰান্ত এজন ব্যক্তিৰ চাকৰি বাতিল কৰা হৈছে। সমগ্ৰ কেবিনেটৰ বিৰুদ্ধে চিবিআইৰ তদন্তৰ নিৰ্দেশ উচ্চ ন্যায়ালয়ে। নিৰ্বাচনৰ সময়ত জেললৈ যোৱাৰ বিপদত পৰিছে সমগ্ৰ কেবিনেট সদস্য। ইয়াৰ উত্তৰত মুখ্য ন্যায়াধীশগৰাকীয়ে কয় যে পেনেলত নাম নথকা লোকক নিযুক্তি দিয়া হৈছে। সম্পূৰ্ণ প্ৰৱঞ্চনা। তেওঁৰ প্ৰশ্ন হ’ল, যেতিয়া কেবিনেটে জানিছিল যে অবৈধ নিযুক্তি দিয়া হৈছে, তেতিয়া তেওঁলোকে কিয় ‘অতিসংখ্যাৰ পদ’ (বৃদ্ধি) সৃষ্টিৰ কামত আগবাঢ়ি গ’ল?
