(এই লেখনিৰ উদ্দেশ্য হাস্যৰস )
কমেডি ডেক্স: ৰাজনীতি অসম
ৰাজনীতি অসম’ (WWW.RAJNITIAXOM.COM) : দুই বছৰ – ১ লাখ ৬৯ হাজাৰ পঢ়ুৱৈ
অসমৰ বাপোতি সাহোন ৰঙালী বিহুটো এইবাৰ পালন কৰিব নোৱাৰিলো। ক’ৰোনাই আহি চব খেলিমেলি লগাই দিলে। বিহু মঞ্চত গান গাম বুলি ভাবি থকা সকলৰ লগতে বিহুলৈ গৈ ধুনীয়া ছোৱালী চাম বুলি ভাবি থকা সকলোৰো আশাত পৰিল চেচাপানী। এনে সময়ত আমাৰ ৰাজনেতা সকলেনো কি কয় জানো আহকঃ
সুদৰ্শন সোণোৱালঃ এইবাৰ সকলোৱে ঘৰতে বিহু পাতক। বাহিৰলৈ ওলাই নাহিব। পুৰুষ-মহিলা সকলোৱে বিহুৰ কাপোৰ পিন্ধি ফেচবুকত ফটো দিয়ক। ঘৰতে গান ৰেকৰ্ডি কৰি হোৱাটছাপ গ্ৰুপত চেয়াৰ কৰক। এইবাৰ হ’ব ডিজিটেল বিহু।
কৰুণ গগৈঃ কি কৰিব আৰু পৰিবাৰৰ লগত বহি দুবেলা ৰামায়ণ চাই আছো। যোৱাবেলি বিহুৰ ৰেকৰ্ডি কিছুমান চেনেলে দি আছে। সেইবিলাক চাবৰ মন নাযায়। কিবা মনটো দুখ লাগি যায়। পৰিবাৰৰো মন বেয়া, বোৱাৰীজনীয়ে পিঠা বনাব নাজানে , সেইবাবে কেক খাইয়েই বিহু পালন কৰিছো।
বিমন্ত বিশ্বঃ মই কৈছিলো অসমক দেশৰ পাছখন আগশাৰীৰ ৰাজ্যৰ ভিতৰত এখন কৰিম। এতিয়া কেৰেলা ১ নম্বৰ , অসম ৫ নম্বৰ। ক’ৰোনা প্ৰতিৰোধৰ ক্ষেত্রত অন্ততঃ আমি সফল হৈছো। এইবাৰ বিহু পতা নহ’ব। কিন্তু এইবাৰ বিহুৰ বতৰত বিশুদ্ধ বতাহ পাব। এই বতাহ উপভোগ কৰক আৰু ঘৰৰ ভিতৰতে বিহু নাচক।
কফুল্ল মহন্তঃ বিহুত পুৰনা কাজিয়া সমাপ্ত কৰিবলৈ গৈছিলো চি.এমৰ কাষত। ক’ৰোনা শেষ হ’লেই নিৰ্বাচন। টিকট টো কাটি দিলে দিগদাৰ হ’ব। শৰ্মা চালু আছে, ভাইটিয়ে এতিয়া যি কৰে। পি.এমেও ফোন কৰিছে। ৰাজ্যপাল হ’লেও বেয়া নহয়।
উজ্জ্বল ভট্টাচাৰ্য্যঃ ক’ৰোনাত স্কুল-কলেজ বন্ধ। অলপ আৰাম কৰিছো। কিমান আৰু অনশন, প্ৰতিবাদ, সমদল কৰিম। পৰিয়ালৰ মানুহেও টো সময় বিচাৰে।
