• ৰিতু তালুকদাৰ

শিক্ষা  আৰু স্বাস্থ্য এই দুটাৰ বিভাগৰ কাম কাজৰ ওপৰত নিৰ্ভৰ কৰে এটা অঞ্চল বা এখন ৰাজ্যৰ ভৱিষ্যত । বিগত প্ৰায়  এটা দশকৰ সৰহ সংখ্যক সময় এই দুটা বিভাগৰ দায়িত্বত আছিল হিমন্ত বিশ্ব শৰ্মা । আজি যিসকল ব্যক্তিৰ বয়স ৭০ বছৰ তেখেত সকলে স্কুলত থাকোতে পঢ়িছিল যে অসমৰ চিকিৎসা মহাবিদ্যালয় তিনিখন আৰু এইখিনি মানুহৰ সন্তান যাৰ বয়স হয়টো ৪০ -৪৫ বছৰ হব তেওঁলোকেও স্কুলত পঢ়িছিল অসমৰ চিকিৎসা মহাবিদ্যালয় তিনিখন । আজি যিসকল যুবকৰ বয়স ২৫ -৩০ বছৰ তেওঁলোকেও লেখিছিল যে অসমৰ চিকিৎসা মহাবিদ্যালয় তিনিখন । এতিয়া যদি আমি ক্লাচ চেভেন বা চিক্সৰ ছাত্ৰ এজনক অসমৰ মেডিকেল কলেজ কেইখনৰ নাম সোধা যায় তেন্তে ছাত্ৰ জনে সহজে উত্তৰটো দিব নোৱাৰে । ছাত্ৰ এজনৰ কথা যেনিবা বাদেই দিলোঁ , অসাধাৰণ সাংবাদিক এজনেও  হয়টো কব নোৱাৰিব । যিখিনি সময়ত নতুন নতুন হস্পিতল বনাই থকা হৈছিল তেতিয়া বাওঁপন্থীৰ ভেশচনকাৰী মৌলবাদী চৰিত্ৰৰ ব্যক্তি আৰু সংগঠনে এই নিৰ্মাণকাৰ্য্যক দালালি আখ্যা দিছিল । ডাক্তৰ নাথাকিলে হস্পিতল বনাই কি লাভ হব প্ৰশ্ন কৰিছিল । হয়টো তেওঁলোকে ভাবিছিল যে মাদ্ৰাছা শিক্ষাৰ পৰাই ডাক্তৰ জন্ম হব । যোৱা দহ বছৰত অসমত ভালে কেইখন নতুন হস্পিতল বনোৱা হ’ল আৰু তাৰেই ফলশ্ৰুতিত আজি কভিদৰ সময়ত হস্পিতল সমুহ ত্ৰাণকৰ্তা হিচাপে দেখা দিছে । যোৱা বছৰ কভিদৰ সময়ত একাংশ বাওঁপন্থী বুদ্ধিজীবী আৰু তবলিগি জামাত সমৰ্থক শিক্ষাবিদ আৰু বিশেষকৈ এজন ডাক্তৰ ( সত্যকাম ফুকন) এ কভিদ নিয়ন্ত্ৰণৰ নামত বিজেপি চৰকাৰে নাটক কৰা বুলি সমালোচনা কৰিছিল । ঘৰত থাকিলেই বেমাৰ ভাল হৈ যায় , কিন্তু হিমন্ত বিশ্ব শৰ্মাই অজথা আইচোলেচন চেন্টাৰ আৰু কভিদ হস্পিতল বনাই ৰাজ কোষ উদং কৰিছে বুলি কটাক্ষ কৰা সেই চাম ব্যক্তি এতিয়া পুনৰ চৰকাৰৰ সমালোচনাত মুখৰ । এইবাৰ তেওঁলোকে কৈছে যে ঘৰত কিয় মানুহক ৰখা হৈছে ?  মুল বিষয়টো আচলতে কভিদ নহয় । মুল বিষয়টো হৈছে বিজেপি অস্পৃশ্য তেওঁলোকৰ কাৰণে । শংকৰ- মাধবৰ মাধবক কাটি নি শংকৰ -আজান কৰি তেওঁলোক ক্ষান্ত হৈ থাকিব পৰা নাই । শংকৰৰ ঠাইত চান্দ খাঁক বহুৱাই চান্দ খাঁ- আজানৰ দেশ কৰাৰ নিপুন পৰিকল্পনাক হিমন্ত বিশ্ব শৰ্মাই পানী কৰা বাবেই গণ্ডগোল । বৰ্তমান চৰকাৰৰ শিক্ষা মন্ত্ৰী ডা: ৰনোজ পেগু আৰু স্বাস্থ্যৰ দায়িত্বত কেশব মহন্ত ।  কিন্তু কথা হ’ল ৫ বছৰ পিছত বিজেপি মিত্ৰজোঁটৰ ভোটাৰে কামৰ খতিয়ান বিচাৰিব মুখ্যমন্ত্ৰীৰ পৰা । ৰাস্তা – ঘাট, হস্পিতল , স্কুল , মথাউৰি সকলোৰে খতিয়ান দিব লাগিব হিমন্ত বিশ্ব শৰ্মাই । পুৰ্বৰ চৰকাৰৰ সময়ত সৰ্বানন্দ সোণোৱালক মানুহে নৈতিকতাৰ জ্ঞান দিয়া শান্ত সৌম্য ব্যক্তি হিচাপে ধাৰণা ৰাখিছিল ।ৰাইজৰ এক্সপেক্টটেচন সোণোৱালৰ প্ৰতি যি আছিল , সেইয়া বৰ্তমানৰ মুখ্যমন্ত্ৰীৰ লগত নিমিলে ।  যোৱা ৫ বছৰতো কেব আন্দোলনেই হওক বা কভিদেই হওক সাংবাদিক আৰু ৰাইজৰ সন্মুখত মন্তব্য ৰাখিছিল হিমন্ত  বিশ্ব শৰ্মাই ।  বংগ ,দিল্লীত কোন স্বাস্থ্য মন্ত্ৰী সেইয়া ভাৰতৰ ১% মানুহৰো জ্ঞাত নহয় । জনতাই চিনি পাই মমতা বেনাৰ্জী আৰু অৰবিন্দ কেজৰিৱালক । অসমতো কোনে স্বাস্থ্যৰ দায়িত্ব লৈছে বা শিক্ষাৰ বা জলসম্পদৰ সেইয়া বিচাৰ্য্য নহয় । জনতাই জৱাব বিচাৰিব হিমন্ত বিশ্ব শৰ্মাৰ পৰা ।

১) সৰ্বানন্দ সোণোৱাল আৰু হিমন্ত বিশ্ব শৰ্মাৰ কোনজন অসন্ত্তষ্ট হ’লে দলৰ বেছি ক্ষতি হ’ব?

২) মন্ত্রীসভাত হিমন্ত বিশ্ব নাথাকিলে অকলে সৰ্বানন্দ সোণোৱালৰ বাবে ৰাজ্য চলোৱা সম্ভব নে?

২০২১ নিৰ্বাচনত কংগ্ৰেছৰ ধনাত্মক দিশ

• ৰাজেন কলিতা

গৌৰৱ গগৈয়ে সাংসদ হৈ সংসদত হিন্দীত শপত গ্ৰহণ কৰাৰ পৰা আৰম্ভ কৰি মতা মাছ মাইকী মাছলৈ বিভিন্ন ঘটনাৰ  মাজেৰে দ্বিতীয় বাৰলৈ সাংসদ হৈ কংগ্ৰেছৰ ৰাজনীতিত গুৰুত্বপুৰ্ণ ভুমিকা লোৱাৰ সময়ছোৱাতেই নতুন এজন মন্ত্ৰী পুত্ৰই বিশেষ আকৰ্ষণৰ কেন্দ্ৰ বিন্দু হৈ পৰিছে । নিজৰ পিতৃৰ লগত জনসভাত উপস্থিতিত  হৈ সাংবাদিকৰ লগত মত বিনিময় কৰি  মিডিয়াৰ চকুত পৰা এইজন মন্ত্ৰীপুত্ৰ হৈছে হিমন্ত বিশ্ব শৰ্মাৰ পুত্ৰ । স্মাৰ্ট , সুন্দৰ ইংৰাজীত কথা কব পৰা  মন্ত্ৰীপুত্ৰক লৈ ৰাইজৰ মাজত প্ৰতিক্ৰিয়াও আৰম্ভ হৈছে । নিজৰ পিতৃৰ ৰাজনীতিৰ উত্তৰাধিকাৰী হব বুলিও বহুতে ধাৰণা কৰিছে । ৰাইজৰ প্ৰতিনিধি কোন হব কোন নহব সেইয়া সমষ্টিৰ ভোটাৰে নিৰ্ণয় কৰিব , কিন্তু কথা হ’ল আজিৰ প্ৰজন্মৰ মন্ত্ৰী পুত্ৰসকলৰ অসমীয়া ভাষা উচ্চাৰণে অসমীয়া ধাৰাবহিকত টম এলটাৰলৈ মনত পেলায় দিয়ে । এই সকল মন্ত্ৰী পুত্ৰই কথা ক’লে দিল্লী, মুম্বাইৰ পৰা অহা আই এ এছ বিষয়াই  কথা কোৱা যেন লাগে ।  অনা অসমীয়া বিষয়া সকলৰ অসমীয়া উচ্চাৰণৰ লগত অকণো তাফাদ নাথাকে আজিৰ মন্ত্ৰী পুত্ৰসকলৰ উচ্চাৰণ।  মন্ত্ৰী পুত্ৰ সকলৰ অসমীয়া উচ্চাৰণ জানো অস্বাভাবিক ? আজিৰ সময়ত অসমীয়া মাধ্যমৰ চৰকাৰী স্কুল আৰু শংকৰদেৱ শিশু নিকেতন  বা জাতীয় বিদ্যালয় কেইখনত পঢ়া অতি সীমিত সংখ্যক চহৰীয়া মানুহৰ সন্তানে অসমীয়া ভাষাটো লিখিব পাৰে আৰু হয়টো হিন্দী শব্দ ব্যৱহাৰ নকৰাকৈ শুদ্ধ অসমীয়া কব পৰাৰ সমান্তৰালকৈ আমেৰিকা , লণ্ডনত থকা ভাৰতীয়ই নাকেৰে  কথা কোৱাৰ দৰে অসমতো এবিধ নতুন উচ্চাৰণ পদ্ধতি আৱিষ্কাৰ হবলৈ বেছি দিন নাই বুলিয়েই ধৰিব পাৰি ।
দিনে দিনে অসমত ইংৰাজী মাধ্যমৰ বিদ্যালয় বাঢ়ি গৈছে। কিহৰ বাবে? তালৈ যোৱা ছাত্ৰৰ-ছাত্ৰীসকলোতো অসমীয়া সন্তানেই।সেই কণমানিসকলক ইংৰাজী মাধ্যমৰ বিদ্যালয়ত নাম ভৰ্ত্তি কৰা অভিভাৱকসকলতো অসমীয়া লোকেই। তেওঁলোকৰ বহুতেই অসমীয়া মাধ্যমত পঢ়িয়েই প্ৰতিষ্ঠিত হৈছিল।হয়তো ক’ব আজিৰ যুগৰ লগত খাপ খাবলৈ ইংৰাজী শিক্ষাৰ জ্ঞান খুবেই প্ৰয়োজন। সেয়া প্ৰত্যেকেই আমি জানো। কিন্তু কোনোবাই দাঠি ক’ব পাৰিবনে যে ইংৰাজী মাধ্যমত পঢ়িহে প্ৰত্যেকজন নতুন প্ৰজন্ম আন দেশৰ সফলতম লোকৰ দৰে হৈছে। বিভিন্ন ক্ষেত্ৰত সাফল্য অৰ্জন কৰা লোকসকলৰ সৰহ সংখ্যক লোকেই অসমীয়া মাধ্যমতেই পঢ়ি যোৱা।তেনেহ’লে এই অনীহা কিয় নিজৰ মাতৃভাষাৰ বিদ্যালয়ত পঢ়াৰ প্ৰতি।হয় অসমীয়া মাধ্যমৰ কিছুমানত প্ৰয়োজনীয় সুবিধা, শিক্ষকৰ অভাৱ তথা অন্যান্য অসুবিধা আছে। কিন্তু চেষ্টা কৰিলে সেই অসুবিধাবোৰ দূৰ কৰিব পাৰি?কিনতু সেই আন্তৰিকতা আমাৰ মাজত নাই। বহু টকা খৰছ কৰি ইংৰাজী বিদ্যালয়ত পঢ়োৱা হয়।তাৰ অলপো টকা যদি অসমীয়া মাধ্যমৰ বিদ্যালয়ত খৰছ কৰা হয়, তেতিয়া অসমীয়া মাধ্যমৰ বিদ্যালয়ৰ ৰুপেই সলনি হৈ যাব। কথাৰে আমি ফুলজাৰি মাৰিব পাৰো, কিন্তু কামত হ’লে একো নাই। ইংৰাজী মাধ্যমৰ বিদ্যালয়ত সন্তানক দি অভিভাৱকে গৌৰৱ অনুভৱ কৰে,আনৰ আগত জহায়-মোৰ সন্তানে অসমীয়া ক’ব নেজানে বুলি। কিন্তু সেই একেজন মানুহেই অসমীয়া ভাষা সংকটত পৰিছে বুলি দুখ কৰে।কিমান যে আচৰিত কথা।আমাৰ দুমুখীয়া স্বভাৱ সঁচাকৈয়ে উপহাসৰ যোগ্য।

• পাৰ্থ সাৰথি দত্ত

জানুৱাৰী মাহত সংযুক্ত যুক্তৰাষ্ট্ৰত কৰোনাৰ দ্বিতীয় ঢৌ চৰমত আছিল। সেই সময়ত দৈনিক কৰোণা আক্ৰান্তৰ সংখ্যা আছিল প্ৰায় ৭০ হাজাৰ। তেতিয়া ভাৰতে প্ৰথম ঢৌৰ পৰা মুক্তি লাভ কৰিছিল আৰু মানুহে স্বাভাবিক জীবন জাপন কৰিছিল। ডিচেম্বৰৰ শেষৰ পৰা জানুৱাৰীৰ প্ৰথম সপ্তাহলৈ মই অসমত আছিলো। লণ্ডনলৈ ফিৰাৰ সময়ত মুম্বাইত কিছু সময় অতিবাহিত কৰিছিলো। সকলো মানুহে স্বাভাবিক জীৱন যাত্রা অব্যাহত ৰাখিছিল। লণ্ডন এয়াৰপোৰ্টত অবতাৰণ কৰি বুজি উঠিছিলো যে ইয়াত সকলো সলনি হৈছে। দ্বিতীয় ঢৌৰ কবলত পৰা লণ্ডনত পুনৰ লকডাউন প্ৰয়োগ কৰা হৈছে। পুনৰ আৰম্ভ হ’ল ঘৰৰ পৰা কাম কৰা পৰম্পৰা। এপ্ৰিলৰ পৰা কেচ কিছু কমিল আৰু চৰকাৰে আনলক প্ৰক্ৰিয়া আৰম্ভ কৰি দিলে। প্ৰথম অবস্থাত শ্বপিং মল সমূহ তথা অত্যাবশ্যকীয় সামগ্ৰীৰ ভিতৰত নপৰা দোকান আদি খুলি দিলে। ১৭ এপ্ৰিলত ওচৰৰে শ্বপিং মল এখনলৈ গৈ মানুহৰ সংখ্যা দেখি হতবাক হ’লো। কাৰাগাৰৰ পৰা মুক্ত হৈ মানুহবোৰে যেন মুকলিভাবে নিশ্বাস লৈছে। কোনো ৰেষ্টুৰেন্টৰ সন্মুখ ভাগ খালি নাই। বৃদ্ধ, ডেকা , মহিলা সকলোৱে হাতত ওৱাইনৰ গ্লাছ লৈ ইজনে সিজনৰ লগত কথা পাতিছে। প্ৰায় ৩.৫ মাহৰ মুৰত লণ্ডনে নিজৰ চঞ্চলতা ঘুৰাই পাইছে। আজি ২৯ মে শনিবাৰ। সোমবােৰ লণ্ডনত পাব্লিক বন্ধ। তিনিদিনৰ বাবে অ’ফিছ নাই। এসপ্তাহ আগতে ট্ৰেভেল কোম্পানী কেইটামানক ফোন কৰিছিলো। নাই কোনো পেকেজ খালি নাই। সকলো বুক হৈ গ’ল। গ্ৰীস্মৰ প্ৰথমটো দীঘলীয়া বন্ধৰ সময়ত লণ্ডনৰ প্ৰায়বোৰ মানুহ ভেকেচনত গৈছে। কোনোবা যদি সাগৰৰ তীৰত, আন কোনোবাই গৈছে প্ৰকৃতিৰ সৌন্দৰ্য উপভোগ কৰিবলৈ। এনেতে আহিছে এটা বেয়া খবৰ। বহু দিনৰ পৰা ১ হাজাৰৰ আশে পাশে থকা কৰোনাৰ দৈনিক সংক্ৰমণ শুক্ৰবাৰে বৃদ্ধি হৈছে ৪ হাজাৰৰ ওপৰলৈ। এই সপ্তাহত আক্ৰান্তৰ সংখ্যা ২০, ৭৬৫ আৰু তাৰ আগৰ সপ্তাহৰ তুলনাত ই ২৪% বেছি। চিকিৎসা বিজ্ঞানীসকলে ক’বলৈ আৰম্ভ কৰিছে যে এয়া তৃতীয় ঢৌৰ আগজাননী। তেওঁলোকে জনোৱা মতে নতুনকৈ আক্ৰান্ত সকলৰ ভিতৰত ৭৫% হৈছে ভাৰতীয় ভেৰিয়েন্টৰ পৰা। এতিয়ালৈকে দেশত ৫৮% লোকে ভেকছিনৰ প্ৰথমবিধ ডোজ লৈছে। ৩৫% লোকে সম্পূৰ্ণ কৰিছে ভেকছিনৰ দ্বিতীয় ডোজ। চিকিৎসক সকলৰ মতে তৃতীয় ঢৌত আক্ৰান্ত হ’ব ভেকছিন নোলোৱা বিশেষকৈ ১৮ বছৰৰ তলৰ লৰা-ছোৱালী। কিন্তু এওঁলোকক ভাইৰাছে সিমান বেছি ক্ষতি কৰিব নোৱাৰে। যদি আক্ৰান্তৰ সংখ্যা বহুত বেছি হয় তেন্তে তাৰ মাজৰ পৰা কিছুসংখ্যকৰ অবস্থা সংকটজনক হোৱাৰ সম্ভাবনা নুই কৰিব নোৱাৰি। ব্ৰিটেইনৰ চৰকাৰে ইতিমধ্যৰ জনছন এন জনছনৰ ভেকছিন ব্যবহাৰৰ অনুমতি দিছে। ইয়াকে লৈ দেশখনত ৪ বিধ ভেকছিন ব্যবহাৰ হ’ব। এষ্ট্ৰাজেনিকা, মডাৰ্না আৰু ফাইজাৰ ইতিমধ্যে মানুহে লাভ কৰি আছে। ইয়াত অাহিবলগীয়া তৃতীয় ঢৌ অধ্যয়ন কৰি হয়তো ভাৰত চৰকাৰে কিছু আগতীয়া সতৰ্কতামুলক ব্যবস্থা ল’বলৈ সুযোগ পাব।

CLICK HERE