(এই লেখনিৰ উদ্দেশ্য হাস্যৰস )
কমেডি ডেক্স: ৰাজনীতি অসম
ৰাজনীতি অসম’ (WWW.RAJNITIAXOM.COM) : দুই বছৰ – ১ লাখ ৬৯ হাজাৰ পঢ়ুৱৈ
(এই লেখনিৰ উদ্দেশ্য হাস্যৰস )
কমেডি ডেক্স: ৰাজনীতি অসম
ৰাজনীতি অসম’ (WWW.RAJNITIAXOM.COM) : দুই বছৰ – ১ লাখ ৬৯ হাজাৰ পঢ়ুৱৈ
ৰাজনীতি অসম’ (WWW.RAJNITIAXOM.COM) : দুই বছৰ – ১ লাখ ৬৯ হাজাৰ পঢ়ুৱৈ
লোকসভা আৰু ৰাজ্যসভাত তিনিখন কৃষি বিল গৃহিত হয় । ৰাজ্যসভাত অপ্ৰতিকৰ পৰিবেশ সৃষ্টি হৈছিল যদিও চৰকাৰে বিলখন পাছ কৰিবলৈ সক্ষম হয় । বিজেপিৰ আটাইতকৈ পুৰণি মিত্ৰ অকালি দলে এই বিধেয়কখন বিৰোধ কৰি এন ডি এ ত্যাগ কৰিছে । পঞ্জাৱ , হাৰিয়ানা , উত্তৰ প্ৰদেশত বিৰোধ তীব্ৰ হৈছে । কংগ্ৰেছৰ ইস্তাহাৰ(২০১৯ লোকসভা নিৰ্বাচন) ত কৃষি সামগ্ৰিক বিভিন্ন ৰঙা ফিটাৰ আওতাৰ পৰা মুক্ত কৰাৰ প্ৰতিশ্ৰুতি দিয়া হৈছিল । এক কথাক ১৯৯১ চনত পি ভি নৰসিংহ ৰাও এ অৰ্থনীতি উদাৰিকৰণ নীতিক অনুসৰণ কৰি কংগ্ৰেছ দলে কৃষি ক্ষেত্ৰক উদাৰিকৰণ নীতিৰ আওতাত অনাৰ কথা কৈছিল । নিৰ্বাচনত কংগ্ৰেছ পৰাজিত হ’ল আৰু বৰ্তমানৰ বিজেপি চৰকাৰে কৃষি খণ্ডক নতুন গতি দিয়াৰ বাবে নতুন আইন প্ৰনয়ণ কৰিলে । যিখন আইনৰ বহু কেইটা নিয়ম কংগ্ৰেছৰ ইস্তাহাৰত উল্লেখ থকা । কিন্তু কংগ্ৰেছে বিৰোধ কৰিলে । ৰাজনৈতিক দলৰ এই চৰিত্ৰ নতুন নহয় । কাৰণ অসমত যেতিয়া তৰুণ গগৈ চৰকাৰ আছিল তেতিয়া বৃহৎ নদীবান্ধৰ প্ৰকল্পক বিজেপিয়ে বিৰোধ কৰিছিল । কিন্তু ২০১৬ ত যেতিয়া বিজেপিয়ে অসমত চৰকাৰ কৰিলে তেতিয়া একে বিজেপিয়ে নদীবান্ধক সমৰ্থন কৰিছিল । জিএছটিৰ জন্ম হৈছিল কংগ্ৰেছৰ ঔৰসত । কেন্দ্ৰত কংগ্ৰেছ থাকোতে কংগ্ৰেছৰ জি এছ টিক বিজেপিয়ে বিৰোধ কৰিছিল । এতিয়া নৰেন্দ্ৰ মোদী চৰকাৰৰ জি এছ টি নীতিক ৰাহুল গান্ধীয়ে বিৰোধ কৰিছে । এই বিলাক ৰং পৰিৱৰ্তন জনতাৰ দুৰ্বোধ্য হৈ থকা নাই । ৰাইজৰ প্ৰতিক্ৰিয়া কি ? কংগ্ৰেছী ৰাইজে সমালোচনা কৰিব আৰু বিজেপি ৰাইজে সমৰ্থন কৰিব । এতিয়া বিজেপিৰ সংখ্যা বেছি সেয়ে সমৰ্থন পক্ষত বতাহ বলাতো স্বাভাবিক । কিন্তু মুল কথা হ’ল কৃষকে কি ভাবে ? ইয়াৰ আগতে আমি জানিব লাগিব কৃষক কোন ? আমাৰ সমাজত দুখীয়া খিলঞ্জীয়া মানুহখিনিৰ অধিকাংশ কৃষি কৰ্মত জড়িত হৈ থাকে । আনহাতে কৃষিক বানিজ্য হিচাপেলৈ কৃষি কৰ্ম কৰাৰ অধিকাংশ হ’ল পৰ্ব বংগীয় মূলৰ মানুহখিনি । খেতি কৰাতকৈ এটিএম মেচিনৰ গাৰ্ড হ’বলৈ হে আগ্ৰহী আজিৰ যুব প্ৰজন্ম । এনেকুৱা হোৱাৰ প্ৰধান কাৰণ হৈছে বৃটিছৰ দ্বাৰা বনাই যোৱা কৃষি নীতি ।গাওঁৰ মানুহখিনিক অৰ্থনৈতিক ভাবে দুৰ্বল কৰি ৰাখি ভাৰতত শাসন চলোৱা বৃটিছৰ নিয়মক হুবহু নকল কৰিলে স্বাধীন ভাৰতৰ বিভিন্ন ৰাজনৈতিক দল সমুহে ।
মুখ্য উদ্দেশ্য আছিল এটা দুৰ্বল শ্ৰেণীৰ ভোটাৰৰ সমষ্টি গঠন । বহু কৃষকে মহাৰষ্ট্ৰ , পঞ্জাৱৰ আত্মহত্যা কৰা খৱৰে নেতাসকলৰ দেহৰ চামৰাত প্ৰভাব পেলাব পৰা নাছিল । এতিয়া অন্তত: কৃষকে নিজৰ খাদ্য -শস্য মধ্যভোগী নোহোৱাকৈ বিক্ৰি কৰিব পাৰিব । তেল কোম্পানীৰ লগত চুক্তি চাক্ষৰ কৰি যিদৰে খুব কম খৰছত তেল ডিপোৰ মালিক হৈ গৌৰৱ কৰিব পাৰি , সেই একেদৰে কৃষকে ব্ৰিটানিয়া, পতঞ্জলী , আশীৰ্বাদ আতা , নুডলচ কোম্পানীৰ লগত চুক্তি কৰি নিজৰ কৃষি ভুমিত সেই কোম্পানীৰ বাবে কেঁচা মাল উৎপাদনত প্ৰত্যক্ষ লেনদেন কৰিব পাৰিব । এনে ধৰণৰ খেতিৰ পৰিবেশে নিবনুৱা যুবকক খেতিৰ প্ৰতি আগ্ৰহী কৰি তুলিব । কাৰণ ব্ৰিটেনিয়া বা পাৰলি আদি কোম্পানীৰ লগত প্ৰত্যক্ষ লেনদেন কৰিলে লাভো অধিক হ’ব আৰু নিজৰ চিনাকী খেতিয়ক বুলি দিয়াতকৈ উদ্যোগী বুলি চিনাকী দিব পাৰিব ।
সংসদত কৃষি বিল পাছ হৈ ৰাষ্ট্ৰপতিৰ চঁহী হৈ আইনত পৰিণত হ’ল । প্ৰধানমন্ত্ৰীয়ে এই বিল খন কৃষকৰ ভালৰ কাৰণে বুলি কৈছে আৰু সৰ্বসাধাৰণ ৰাইজে বিশ্বাস কৰিছে । এইখিনিতে উল্লেখ্য যে পঞ্জাৱৰ আকালি দলে আইনখনক বিৰোধ কৰি এনডিএ ত্যাগ কৰিছে । আকালিৰ সাংসদ বা মহাৰষ্ট্ৰৰ শৰদ পাৱা্ৰৰ জীয়ৰী সুপ্ৰিয়া চুলে আদি নেতাসকলে নিজকে কৃষক বুলি পৰিচয় দিয়ে । এনেকুৱা সাংসদ ৰুপী কৃষকৰ বিৰোধীতা আৰু কেবৰ সময়ত ষাঁঠী বছৰীয়া ছাত্ৰ ৰুপী কেব বিৰোধীৰ বিৰোধীতা ভাৰতৰ জনগণে বুজি পায় । আজিৰ সময়ত জনতাই অপেক্ষা কৰিব আইনখনৰ প্ৰনয়ণৰ দিশটোত । কৃষকৰ ক্ষয় ক্ষতিৰ বিচাৰ হ’ব ২০২৪ চনত ।
ৰাজনীতি অসম’ (WWW.RAJNITIAXOM.COM) : দুই বছৰ – ১ লাখ ৬৯ হাজাৰ পঢ়ুৱৈ
সামাজিক প্ৰাণী হিচাপে আমি পৰস্পৰে পৰস্পৰৰ লগত সু-সম্পৰ্ক বজাই ৰাখিব লাগে।ইয়াৰ বাবে আমাক লাগিব সহনশীলতা,সংবেদনশীলতা আদি মানৱীয় গুণসমূহ।ক’ৰণাকালীন এই সময়ছোৱাত মানুহে মানুহৰ সমাজত্যাগী হৈ Virtual সমাজখনকে আঁকোৱালি লৈছে,যিখন মুক্ত আৰু বিশাল।এই মুক্ত বায়ৱীয় সমাজখনত কৰা আচৰণখিনিয়েও মানুহ এজনৰ পৰিচয় দাঙি ধৰে,চেতন-অৱচেতনত বৈ থকা ভাৱনাৰ সূঁতিসমুহৰ উমান দিয়ে।সেয়ে স্বাভাৱিক অথচ কিছু নিয়ন্ত্ৰিত ভাৱ-ভাষা প্ৰয়োগেৰে আমি আমাৰ মতামতবোৰ সংবেদনশীলতাৰে প্ৰকাশ কৰি এক মানৱীয় পৰিৱেশ সৃষ্টি কৰাত যত্নবান হ’ব লাগে। মানুহৰ ভুল হোৱাটো স্বাভাৱিক।সেই ভুলখিনি সুস্থ ব্যংগ নতুবা ট্ৰলিং নতুবা সংবেদনশীল দৃষ্টিভংগীৰে উনুকিয়াব পাৰি।
ট্ৰলিং কৰাটো আটাইতকৈ সহজ।সুস্থ ব্যংগ প্ৰয়োগ কৰিবলৈ বুদ্ধিদীপ্ততাৰ প্ৰয়োজন যিটো সকলোৰে নেথাকে।সংবেদনশীলতাৰে উপলব্ধি কৰি যুক্তিসহ উপস্থাপন কৰাটো মানৱীয় কৰ্ম।দেখা গৈছে,বৰ্তমান ট্ৰলিঙৰ প্ৰকোপত ব্যংগ হেৰাইছে,সুকোমল মানৱীয় অনুভূতিৰে বিচাৰ বিবেচনা কৰাৰ ক্ষমতা কমিছে।ইজনে সিজনক judge কৰাৰ প্ৰৱণতা বাঢ়িছে।’মানুহ মাত্ৰেই ভুল হয়’ এই সাধাৰণ সত্যটো পাহৰি ইজনে সিজনক দোষাৰোপ কৰিছে,সিজনে আকৌ ইজনৰ পোতক তুলিবলৈ চল বিচাৰি ফুৰিছে।এৰা ধৰাৰ মনোভাৱ টুটি আহিছে।ভাষাৰ লাগ-বান্ধ নোহোৱা হৈছে।
ছ’চিয়েল মিডিয়াত চলি থকা কথাবোৰ সাম্প্ৰতিক সমাজ এখনৰেই প্ৰতিফলন যিহেতু ইয়াৰ পৰা সম্পূৰ্ণ নিলগত থাকি নিজকে সুৰক্ষিত অনুভৱ কৰা মানুহৰ নিৰ্লিপ্ত আচৰণ দায়িত্বশীলতাৰ পৰিচয় হ’ব নোৱাৰে।’ফেচবুকৰ বুদ্ধিজীৱি’,’ফেচবুকৰ গৱেষণা’ বুলি ফেচবুকতেই ট্ৰ’ল-পোষ্ট লিখা সকলতকৈ ‘ফেচবুক’ত দায়বদ্ধতাৰ কলৰৱ সৃষ্টি কৰিব পৰা বিবেকী,চিন্তাশীল,মানৱীয় ব্যক্তিৰ সংখ্যা বৃদ্ধি হওক!
মৰম, সংবেদনশীলতা, সহনশীলতাৰ লগত চিন্তা আৰু বিবেচনা যোগ হ’লেহে মানুহৰ পৃথিৱীখন ৰক্ষা পৰিব, নহলে কাৰো নিস্তাৰ নাই!
‘ৰাজনীতি অসম’ অসমৰ প্ৰথম ৰাজনৈতিক ই-আলোচনীৰ প্ৰতিবেদন
ৰাজনীতি অসম’ (WWW.RAJNITIAXOM.COM) : দুই বছৰ – ১ লাখ ৬৯ হাজাৰ পঢ়ুৱৈ
সুশান্ত সিংৰ মৃত্যুৰ লগত জড়িত হৈ পৰা অভিনেত্ৰী ৰিয়া চক্ৰবৰ্তীৰ মতে বলিউদৰ প্ৰায় ৮০% অভিনেতা-অভিনেত্ৰী ড্ৰাগচ আসক্ত । চ’চিয়েল মিডিয়া আৰু ইলেক্ট্ৰনিক নিউজ চেনেলৰ প্ৰভাবত কিশোৰৰ পৰা বৃদ্ধলৈ প্ৰতিজন মানুহে নিজৰ প্ৰিয় অভিনেত্ৰীসকলক অনুসন্ধানকাৰী সন্থাই তলব কৰা লাইভ দেখা পালে ।
চাইফ অলি খানৰ জীয়ৰী , শক্তি কাপুৰৰ জীয়ৰী শ্ৰদ্ধা কাপুৰ , দিপিকা পাদুকন আদি বহ কেইজন অভিনেত্ৰীয়ে ড্ৰাগছৰ লগত থকা সম্পৰ্কৰ কথা তদন্তকাৰী সন্থাক জনোৱা বুলি খৱৰ আহিছে । অৱশ্যে তেওঁলোকে নিজে কেতিয়াও ড্ৰাগচ সেৱন কৰি পোৱা নাই বুলি জনাইছে । যদি নিজে সেৱন কৰা নাই তেন্তে প্ৰশ্ন উত্থাপন হয় যে তেওঁলোক ড্ৰাগছৰ ব্যৱসায়ী নেকি ? ৱাইন চ’পৰ দোকানীজনে মদ নেখাব পাৰে , সাধাৰণ কথা । কিন্তু ৱাইন চ’পৰ মালিক মানে তেওঁ মদ ব্যৱসায়ী । বলিউদত চলা ড্ৰাগচ পাৰ্টীৰ কথা পোহৰালৈ অহাৰ বাবে কংকণা ৰাণাৱটে উল্লেখযোগ্য ভুমিকা লৈছে । যাৰ ফলশ্ৰুতিত মহাৰাষ্ট্ৰ চৰকাৰৰ ৰোষৰ বলি হৈছে কংকণা । একমাত্ৰ মহাৰাষ্ট্ৰ চৰকাৰেই নহয় অমিতাভ বচ্চনৰ পত্নী জয়া বচ্চনেও কংকণাক সমালোচনা কৰি ৰাজ্য সভাত ভাষণ দিছে । উল্লেখ্য যে সুশান্ত সিংৰ সন্দেহজনক মৃত্যুৰ পিছত কিন্তু জয়া বচ্চনৰ মুখেৰে এটা শব্দও ওলোৱা নাছিল ।
ফাৰদিন খান , বিজয় ৰাজ , দিপিকা পাডুকনে , শ্বাহৰুখ খানৰ পত্নী গৌৰী , ঋ্ৰৃত্তিক ৰোচনৰ প্ৰাক্তন পত্নী চুজেইন , সঞ্জয় দত্ত আদি তাৰকা বিভিন্ন সময়ত ড্ৰাগছৰ লগত লগত জড়িত হৈছিল । বিশেষকৈ সঞ্জয় দত্তৰ ব্যাক্তি অকল ড্ৰাগছেই নহয় দেশৰ শত্ৰু ডাউদ ইব্ৰাহিমৰ লগত থকা সম্পৰ্ক আৰু মু্ম্বাই বিস্ফোৰণৰ গোচৰত টাডা আইনৰ আওতাত গ্ৰেপ্তাৰ পৰ্যন্ত হৈছিল। দেশৰ শত্ৰুক প্ৰাধান্য দিয়া ঘটনা বলিউডত নতুন নহয় । কিন্তু সুশান্ত সিংৰ মৃত্যু আৰু ইলেকট্ৰনিক মিডিয়াৰ বহুল জনপ্ৰিয়তাৰ ফলত মু্ম্বাইৰ মায়া জগত যে আচলতে নিচা জগত সকলোৱে উপলব্ধি কৰিলে ।
ৰাজনীতি অসম’ (WWW.RAJNITIAXOM.COM) : দুই বছৰ – ১ লাখ ৬৯ হাজাৰ পঢ়ুৱৈ
ৰাজনীতি অসম’ (WWW.RAJNITIAXOM.COM) : দুই বছৰ – ১ লাখ ৬৯ হাজাৰ পঢ়ুৱৈ
Politics is an art of story telling ৰাজনীতিত যিয়ে মনোগ্ৰাহী আৰু বিশ্বাসযোগ্য কাহিনী কয় তেওঁ নিৰ্বাচন জিকে।এই কাহিনীবোৰত সচৰাচৰ একোজন নায়ক আৰু একোজন খলনায়ক থাকে আৰু থাকে Damsel in distress ; হিন্দী ছবিত যিদৰে নায়কে বিপদত পৰা নাৰীক উদ্ধাৰ কৰে, এই কাহিনীবোৰতো এনে উদ্ধাৰ অভিযান চলায় নায়কে। অসমৰ এইবাৰ নিৰ্বাচনত বিজেপি দলে ঠিক এই জাতীয় কাহিনী কবলৈ আৰম্ভ কৰিছে। এই কাহিনীৰ নায়ক সৰ্বানন্দ সোণোৱাল আৰু খলনায়ক হল বদৰুদ্দিন আজমল। এই কাহিনীত নায়ক সোনোৱালে অসমীয়া ৰাইজক বদৰুদ্দিন আজমলৰ পৰা উদ্ধাৰ কৰিব, বীৰদৰ্পে। এই বীৰ ৰসৰ কাহিনীৰ বিষয়ে এতিয়া সকলোৱে জানে। কিন্তু আমি আজি এই কাহিনীৰ বিষয়ে আলোচনা নকৰো।আলোচনা কৰিম এই কাহিনীৰ ৰচয়িতা, অসমৰ সাম্প্ৰতিক ৰাজনীতিৰ সৰ্বশ্ৰেষ্ঠ গল্পকাৰ হিমন্ত বিশ্ব শৰ্মাৰ বিষয়ে। হিমন্ত বিশ্ব শৰ্মাই কিয় ২০২১ চনৰ বিধানসভা নিৰ্বাচনত নিজে প্ৰাৰ্থী হিচাবে অৱতীৰ্ণ নহয় বুলি ঘোষণা কৰিছে? কি হব তেওঁৰ ভৱিষ্যত? এতিয়া এই প্ৰশ্নবোৰে অসমৰ ৰাজনীতিৰ চাকনৈয়াত পাক ঘুৰণী খাই ফুৰিছে। এই প্ৰশ্নবোৰ উঠাৰ চাৰিটা প্ৰধান কাৰণ আছে। সেয়া তলত দিয়া ধৰণৰ:
গতিকে তেওঁ ৰাজনীতিৰ বতাহৰ খবৰ অলপ আগতীয়াকৈ পায়।তেওঁ নির্বাচনী ৰাজনীতিত অৱতীৰ্ণ নহয় বুলি কোৱা কথাষাৰ ভৱিষ্যতে হবলগীয়া কোনো ৰাজনৈতিক পট পৰিৱৰ্তনৰ ইঙ্গিত নেকি? এই প্ৰশ্নইও বহুতৰ মনত দোলা দি গৈছে।
কিন্তু এই প্ৰশ্নবোৰলৈ যোৱাৰ আগতে এবাৰ চাওঁ আহক ২০২১ চনৰ নিৰ্বাচনৰ পিছত হিমন্ত বিশ্ব শৰ্মাৰ কেৰিয়াৰৰ কম্পাছ কোনকেইটা দিশত ঘূৰিব পাৰে। কোন কেইটা সম্ভাৱনাৰ দুৱাৰ তেওঁৰ বাবে খোলা আছে।
এতিয়া চাওঁ আহক ওপৰত উল্লেখিত সম্ভাৱনাবোৰৰ প্ৰতিটো বাস্তবলৈ ৰূপান্তৰিত হোৱাৰ ক্ষেত্ৰত তেওঁৰ সন্মুখত কি কি বাধা আছে আৰু তেওঁৰ পক্ষত কোনবোৰ ফেক্টৰ আছে।
অকল দক্ষতাই যদি বিজেপিৰ বাবে মুখ্যমন্ত্ৰী বাছনিৰ একমাত্ৰ মাপকাঠি হয়, তেনেহলে হিমন্ত বিশ্ব শৰ্মা অপ্ৰতিদ্বন্দী। কিয়নো তেওঁৰ সমান দূৰদৰ্শী আৰু দক্ষ নেতা অসমত দ্বিতীয়জন পাবলৈ নাই। কিন্তু বাস্তৱত দেখা যায় যে বিজেপিয়ে তেনে লোককহে মুখ্যমন্ত্ৰী পাতে যি সংশ্লিষ্ট ৰাজ্যখনৰ হিন্দুসকলৰ একান্ত বিশ্বসী নেতা হয়। হিমন্ত বিশ্ব শৰ্মাক অসমৰ হিন্দু সমাজে কিমান বিশ্বাস কৰে সেয়া পাঠকে জানে। বিজেপিয়ে অসমত হিন্দুসকলক ৰাজনৈতিকভাবে ঐক্যবদ্ধ কৰাৰ কাম কৰি আছে। ইয়াৰ বাবে দলটোৱে অসমীয়া জাতীয়তাবাদৰ চোলাটো পিন্ধি লৈছে। গতিকে মুখ্যমন্ত্ৰী পদত দলটোক এজন জাতীয়তাবাদী নেতা লাগে। হিমন্ত বিশ্ব শৰ্মাৰ এই ইমেজ নাই।
বিনয়ী নেতাই সহজে জনতাক নিয়ন্ত্ৰণ কৰিব পাৰে। আসন্ন চাৰিটা বছৰ অসমৰ পৰা শান্তি আৰু সম্প্ৰীতিৰ বাৰ্তা বিয়পি থকাটো বিজেপিৰ বাবে একান্ত জৰুৰী। গতিকে দলত যিমানে দক্ষ নেতা নাথাকক কিয় বিজেপিয়ে এনে লোককহে নিয়োগ কৰিব যি সহজে ৰাইজৰ মন ভুলাই থাকিব পাৰিব। ৰাইজক ক্ষুব্ধ কৰি তোলা মানুহক নিশ্চয় বিজেপিয়ে মুখ্যমন্ত্ৰী নাপাতে।
আকৌ কৈছো যে মন্ত্ৰী হিমন্ত বিশ্ব শৰ্মাৰ দক্ষতাত তেওঁৰ শত্ৰুৱেও সন্দেহ কৰিব নোৱাৰে। কিন্তু সেয়ে হলেও প্ৰধানমন্ত্ৰী নৰেন্দ্ৰ মোদীৰ কেবিনেটত তেওঁ বহাৰ ক্ষেত্ৰত কিছু বাধা আছে। সেয়া এনে ধৰণৰ:
হিমন্ত বিশ্ব শৰ্মাৰ বিৰুদ্ধে দুৰ্নীতিৰ কোনো অভিযোগ প্ৰমাণ হোৱা নাই। কিন্তু মোদী কেবিনেটৰ সদস্য হব লাগিলে যিধৰণৰ ইমেজ লাগে, ঠিক সেইধৰণৰ ইমেজ তেওঁৰ আছে বুলিও কব নোৱাৰি। গতিকে এয়া তেওঁৰ বাবে অন্তৰায় হব পাৰে।
মোদী মন্ত্রীসভাৰ এটা বৈশিষ্ট্য হল যে প্ৰতিজন মন্ত্ৰীয়ে ইংৰাজী অথবা হিন্দী ভাষাত পাকৈত।গতিকে কেন্দ্ৰীয় চৰকাৰৰ একোজন মন্ত্ৰীয়ে ৰাষ্ট্ৰীয় সংবাদ মাধ্যমক যিদৰে বুজাব পাৰিব লাগে, সেইদৰে তেওঁলোকে বুজাব পাৰে। হিমন্ত বিশ্ব শৰ্মাই সলসলীয়াকৈ ইংৰাজী অথবা হিন্দী কোৱাৰ ক্ষেত্ৰত বিশেষ দক্ষতা আহৰণ কৰিবলগীয়া আছে।
পিছে ৰাজনীতিত কেতিয়াবা দুৰ্বলতাও সবলতালৈ পৰিণত হয়। হিমন্ত বিশ্ব শৰ্মাৰ অসমীয়া অসমীয়া যেন লগা হিন্দী আৰু ইংৰাজী উচ্চাৰণ তেওঁৰ পক্ষতো থিয় দিব পাৰে। বিজেপিয়ে তেওঁক মোদীৰ মন্ত্ৰীসভাত লৈ দেশজুৰি এনে এটা বাৰ্তা দিবলৈ চেষ্টা কৰিব পাৰে- ভাৰতবৰ্ষৰ বিভিন্ন পিছপৰা অঞ্চলৰ লোকক মন্ত্ৰীসভাত অন্তৰ্ভুক্ত কৰি দেশত ৰাষ্ট্ৰীয়তাবাদ সবল কৰাৰ স্বাৰ্থত হিমন্ত বিশ্ব শৰ্মাৰ ভাষাৰ ক্ষেত্ৰত থকা বাধাক আওকাণ কৰা হৈছে।
এনে দায়িত্ব গ্ৰহণ কৰাৰ ক্ষেত্ৰত হিমন্ত বিশ্ব শৰ্মাৰ সন্মুখত কোনো বাধা নাই বুলি কব পাৰি। ইয়াৰ কাৰণবোৰ তলত দিয়া ধৰণৰ:
যদি কোনো কাৰণত বিজেপিয়ে একক সংখ্যাগৰিষ্ঠত নাপায়, তেনেহলে হিমন্ত বিশ্ব শৰ্মাৰ বাবে কংগ্ৰেছ এ আই ইউ ডি এফ সমৰ্থিত এখন অ-বিজেপি চৰকাৰৰ মুখ্যমন্ত্ৰী হোৱাৰ পথ প্ৰশস্ত হৈ পৰিব। অৱশ্যে এতিয়া বদৰুদ্দিন আজমলৰ নামত সাতকিল মৰা হিমন্ত বিশ্ব শৰ্মাই যদি ২০২১ চনত মৌলানা চাহাবৰ লগ লাগি চৰকাৰ গঠন কৰে, তাৰ পিছৰ নিৰ্বাচনত তেওঁ অসমবাসীক কি ৰাজনৈতিক কাহিনী শুনাব সেয়াহে লক্ষণীয় হব।
এতিয়া মূল প্ৰশ্নটোলৈ আহো-হিমন্ত বিশ্ব শৰ্মাই অহা বিধানসভা নিৰ্বাচনত প্ৰাৰ্থী হিচাবে প্ৰতিদ্বন্দিতা নকৰো বুলি কোৱাৰ কাৰণ কি? দৰাচলতে নিৰ্বাচনত প্ৰতিদ্বন্দিতা নকৰিলে আমাৰ গল্পকাৰজনৰ বিশেষ কোনো ক্ষয় ক্ষতি নহয়। ইয়াৰ কাৰণবোৰ তলত দিয়া ধৰণৰ।
কিন্তু প্ৰশ্নটো হল যে হিমন্ত বিশ্ব শৰ্মাৰ এই সিদ্ধান্তক দলীয় নেতৃত্বই কি ভাবে লব? ইয়াৰ উত্তৰ সময়ত পোৱা যাব।
‘ৰাজনীতি অসম’ অসমৰ প্ৰথম ৰাজনৈতিক ই-আলোচনীৰ প্ৰতিবেদন
ৰাজনীতি অসম’ (WWW.RAJNITIAXOM.COM) : দুই বছৰ – ১ লাখ ৬৯ হাজাৰ পঢ়ুৱৈ
ভাৰত বিভাজনৰ পিছত অসম পাকিস্তানত অন্তৰ্ভুক্ত নহ’ল যদিও জিন্নাৰ ৰাজনৈতিক বিচক্ষণতাত অসমৰ ছিলেট জিলা গণভোটৰ ভিত্তিত পাকিস্তানত অন্তৰ্ভুক্ত হৈছিল । বিভাজনৰ সাত দশক পাৰ হৈ গ’ল । আৰম্ভ হৈছে নতুন ৰাজনীতি । ভাৰতীয় জাতীয়তাবাদত বিশ্বাসী কংগ্ৰেছ দলে মুক্ত ভাবে এআইইউডিএফৰ লগত হাত মিলাইছে । অৱশ্যে ইয়াৰ আগত ২০১৬ বিধান সভা নিৰ্বাচন আৰু ২০১৯ ৰ লোকসভা নিৰ্বাচনত কংগ্ৰেছে বন্ধ কোঠাত মিত্ৰতা কৰিছিল বদৰুদ্দিন আজলমৰ লগত । যাৰ ফলশ্ৰুতিত নগাও আৰু কলিয়াবৰত কংগ্ৰেছ জয়ী হৈছিল । সেইবাৰ মিত্ৰতা আছিল আংশিক । অসমীয়া ভাষী জাতীয়তাবাদী বুলি দাবী কৰা অগপই ১৯৯৬ চনত আব্দুল মুহিব মজুমদাৰৰ লগত মিত্ৰতা কৰি চৰকাৰ কৰিছিল । যিজন আব্দুল মুহিব মজুমদাৰে অসম আন্দোলনক বিৰোধ কৰিছিল , বিদেশীক সুৰক্ষা দিবলৈ আই এম ডি টি আইন তৈয়াৰ কৰিছিল । উচ্চতম ন্যায়ালয়ৰ হস্তক্ষেপত আই এম ডি টি ভংগ হ’ল আৰু গঠন হ’ল বদৰুদ্দিন আজমলৰ ইউডিএফ । অসম বিধান সভাত সংৰক্ষিত সমষ্টি সমুহৰ পুনৰ বিবেচনা দাবী কৰা বদৰুদ্দিন আজমলক কংগ্ৰেছে লগত লৈ ২০২১ ৰ নিৰ্বাচন খেলিব বুলি এআইইডিএফ এ সংবাদ মাধ্যমক জনাইছে । কংগ্ৰেছৰ সভাপতি ৰিপুন বৰাৰ মতে আজমল হৈছে অসম প্ৰেমী জাতীয়তাবাদী । কাৰণ আজমলে অসম চুক্তিক সমৰ্থন কৰে , কা আইন বিৰোধ কৰে ইত্যাদি । ৰিপুন বৰাৰ যুক্তিত ওজন নথকা নহয় । কাৰণ অসম সাহিত্য সভাই ভাষা ৰক্ষাৰ কাৰণে বদৰুদ্দিন আজমলৰ শলাগ লৈছে । আছুৰ কেব আন্দোলনত আজমলৰ দলে সমৰ্থন দিছে । কেব বিৰোধী মিত্ৰজোঁটৰ প্ৰাৰ্থী অজিত ভুঞাৰ নিৰ্বাচনত মুখ্য ভুমিকা লৈছিল বদৰুদ্দিন আজমলে । আছুৱে অসম চুক্তিৰ জড়িয়তে বহু লক্ষ বিদেশীক ভাৰতীয় নাগৰিকত্ব পোৱাত সহজ কৰি দিলে ১৯৭১ ভিত্তি বৰ্ষৰ দ্বাৰা , এতিয়া খিলঞ্জীয়া ভিত্তিবৰ্ষ ১৯৫১ কৰি বিদেশীৰ সতী সন্তানক খিলঞ্জীয়া কৰিবলৈ ওলাইছে । অসমীয়া জাতীয় সংগঠনৰ ইনাৰ লাইন পাৰ্মিটৰ দাবীকো এআইইউডিএফে সমৰ্থন কৰিছে । কংগ্ৰেছ বা বিভিন্ন ছাত্ৰ সংগঠনৰ নেতৃত্বই দাবী কৰিব পাৰে যে বদৰুদ্দিন আজমলতকৈ অসম প্ৰেমী দ্বিতীয় নেতা নাই ।
‘ৰাজনীতি অসম’ অসমৰ প্ৰথম ৰাজনৈতিক ই-আলোচনীৰ প্ৰতিবেদন
ৰাজনীতি অসম’ (WWW.RAJNITIAXOM.COM) : দুই বছৰ – ১ লাখ ৬৯ হাজাৰ পঢ়ুৱৈ
(ইউনাইটেড ট্ৰাষ্ট অৱ অসমৰ চেয়াৰমেন শিৱ প্ৰসাদ শৰ্মাৰ সাক্ষাৎকাৰ গ্ৰহণ কৰিলে সহযোগী সম্পাদক পাৰ্থ লহকৰে)
ৰাজনীতি অসম’ (WWW.RAJNITIAXOM.COM) : দুই বছৰ – ১ লাখ ৬৯ হাজাৰ পঢ়ুৱৈ