‘ৰাজনীতি অসম’ অসমৰ প্ৰথম ৰাজনৈতিক ই-আলোচনীৰ প্ৰতিবেদন
ৰাজনীতি অসম’ (WWW.RAJNITIAXOM.COM) : দুই বছৰ – ১ লাখ ৬৯ হাজাৰ পঢ়ুৱৈ
২০২১ নিৰ্বাচনত বিজেপিৰ বৰ্তমানৰ সকলো বিধায়কে যে টিকট পোৱাৰ নাপায় সেয়া একপ্ৰকাৰ খাটাং । বিজেপিয়ে যদিও বিধায়কৰ পাৰদৰ্শিতাৰ ওপৰত ভিত্তি কৰি টিকট দিয়াৰ কথা কৈছে আচলতে কিন্তু সকলো লবি ৰাজনীতিৰ খেল। সৰ্বানন্দ সোণোৱাল, হিমন্ত বিশ্ব শৰ্মা, ৰঞ্জিত দাস আৰু ফণী শৰ্মাই নিৰ্ধাৰণ কৰিব কোনে ২০২১ত টিকট পাব। বৰ্তমানৰ বিজেপিৰ ৬০জন বিধায়ক এই চাৰিজন গুৰুৰ ভিতৰত এজনৰ শিষ্য। যথা সময়ত এই চাৰিজনে একেলগে বহি টিকট চুড়ান্ত কৰি হাই কামাণ্ডলৈ প্ৰেৰণ কৰিব বুলি জনা গৈছে। বহু কেইটা সমষ্টিত চাৰিজন নেতাৰে টিকট প্ৰদানৰ ক্ষেত্রত সহমত আছে সেয়েহে এনেবোৰ সমষ্টিত বৰ্তমানৰ বিধায়ক সকলৰ টিকট পোৱাৰ ক্ষেত্রত বহু অসুবিধা নহয়। যি কেইটা সমষ্টিত চাৰিজনৰ মাজত মতানৈক্য থাকিব তেনেবোৰ সমষ্টিৰ টিকট নিৰ্বাচন কেন্দ্ৰীয় নেতৃত্বলৈ ঠেলি দিয়াৰ সম্ভাবনা আছে। পিছত কেন্দ্ৰীয় নেতৃত্বৰ সিদ্ধান্ত অনুসৰি টিকট প্ৰদান কৰাৰ ব্যবস্হা কৰা হ’ব। প্ৰাপ্ত খৱৰ অনুসৰি বৰ্তমানৰ ৩১ জন বিধায়কৰ টিকট লাভৰ ক্ষেত্রত একো অসুবিধা নহয় কাৰণ চাৰিওজন নেতা এই বিধায়কসকলৰ টিকট পোৱাৰ সপক্ষে সহমত কৰিছে। এই ৩১ জন বিধায়ক হ’ল ক্ৰমে দিলীপ পাল, আমিনুল হক লস্কৰ, পৰিমল শুক্লবৈদ্য, নুমল মোমিন, মনসিং ৰংপি, অশ্বিনী ৰয় চৰকাৰ, ৰঞ্জিত কুমাৰ দাস, হিমন্ত বিশ্ব শৰ্মা, সিদ্ধাৰ্থ ভট্টাচাৰ্য্য , ভবেশ কলিতা, অশোক শৰ্মা, নাৰায়ণ ডেকা, চন্দ্ৰ মোহন পাটোৱাৰী, বিনন্দ শইকীয়া, অশোক সিংঘাল, পদ্ম হাজৰিকা, ৰঞ্জিত দত্ত, পিযুষ হাজৰিকা, ৰমাকান্ত দেউৰী, আঙুৰলতা ডেকা, মৃণাল শইকীয়া, হিতেন্দ্ৰ নাথ গোস্বামী, সৰ্বানন্দ সোণোৱাল, যোগেন মহন, নৱ কুমাৰ দলে, ৰনোজ পেগু, প্ৰশান্ত ফুকন, ৰিতুপৰ্ণ বৰুৱা, তেৰছ গোৱালা, সঞ্জয় কিছান আৰু বলীন চেতীয়া।
