• পাৰ্থ সাৰথি দত্ত

নিৰ্বাচনৰ দিন ঘোষনাৰ লগে লগে অসমত নিৰ্বাচনী বতাহ বলিছে। কংগ্ৰেছৰ নেতাসকলে ৰাজ্যৰ চুকে কোনে গৈ ভোটাৰৰ মন জয়ৰ চেষ্টা কৰিছে। বিজেপি চৰকাৰৰ ব্যৰ্থতা উদঙাই দি নিজৰ দলৰ বাবে ভোট ভিক্ষা কৰিছে। কংগ্ৰেছ দলে বিজেপিৰ বিৰূদ্ধে বহু অভিযোগ উত্থাপন কৰিছে যাৰ সত্যতা অস্বীকাৰ কৰাৰ উপায় নাই। মুল্যবৃদ্ধিয়ে ৰাইজক কোঙা কৰিছে। পেট্ৰল, ডিজেল আৰু ৰন্ধন গেছৰ আকাশলংঘী মুল্যই ৰাইজক জ্বলাকলা খুৱাইছে। এসময়ত এই বিজেপিয়ে কৈছিল “বহুত হুৱা মেহংগাই কা মাৰ, অবকি বাৰ মোদী চৰকাৰ”। পেট্ৰলজাত সামগ্ৰীৰ ওপৰত অত্যাধিক কৰ জাপি দি মোদীয়ে এতিয়া আগৰ চৰকাৰক দোষাৰোপ কৰিব বিচাৰিছে। ৰাষ্ট্ৰীয় ঘাইপথত টোল সংগ্ৰহেও ৰাইজক ক্ৰোধিত কৰিছে। এইবাৰ আহো নিবনুৱা সমস্যালৈ। যোৱা বিধানসভা নিৰ্বাচনৰ আগত আগত অসমত ১৪ লাখ নিবনুৱা থকা বুলি চিঞৰা অসমৰ বিজেপি চৰকাৰ এতিয়া নিমাত। শিক্ষকৰ চাকৰি কেইটা দিয়েই যেন চৰকাৰখনে সন্ত্তষ্টি লাভ কৰিছে। পি.আন.আৰ.দি, এছ.আই আদি পৰীক্ষাটো অজস্ৰ দুৰ্নীতিৰ অভিযোগ। দুৰ্নীতিমুক্ত অসম গঢ়াৰ সপোন দেখুওৱা সৰ্বানন্দ সোণোৱালে নিজৰ দলৰ নেতা পালিনেতাৰ সম্পত্তি যোৱা ৫ বছৰত কিমান বাঢ়িল তাৰ হিচাপ ল ‘লেই সকলো ওলাই পৰিব। চিণ্ডিকেটৰ কথা খোদ বিধায়ক শিলাদিত্য দেবে কৈছে। এসময়ত মাছ কিনি দিয়াতকৈ মাছ ধৰিব শিকাম বুলি কোৱা হিমন্ত বিশ্ব শৰ্মাইও হিতাধিকাৰী সৃষ্টি কৰাৰ প্ৰতিযোগিতাত নামি গৈছে। স্কুটী, বুলেটাৰ পিছত এতিয়া এনে পৰ্যায় পাইছে যে কেন্টিনত চাহ খাবৰ বাবে দৈনিক ১০০ টকা হেনো ছাত্র-ছাত্রীক দিব। কৰদাতা ৰাইজৰ  টকাৰ ইয়াতকৈ বেছি অপব্যবহাৰ আমি দেখা নাই। কৃষি, উদ্যোগ, জলসিঞ্চন, পৰিবহন, গ্ৰামোন্যয়ন আদি বিভাগবোৰে যোৱা ৫ বছৰত কি কৰিছে একো উমানেই পোৱা নাই। নিৰ্বাচনী প্ৰতিশ্ৰুতিমতে  চাহ শ্ৰমিকৰ মজুৰি বৃদ্ধি, ৬ জাতীৰ জনজাতিকৰণৰ সমস্যা এই চৰকাৰে সমাধান কৰিব নোৱাৰিলে। গতিকে কংগ্ৰেছে এই চৰকাৰখনৰ বিৰুদ্ধে যি অভিযোগ আনিছে তাৰ অধিকাংশই বাস্তব সত্য। ৰাইজেও সেয়া নুবুজা নহয়। কিন্তু ৰাইজৰ হাতত বিকল্প কি? কংগ্ৰেছ চৰকাৰৰ শেষৰটো কাৰ্য্যকাল ৰাইজৰ মনৰ পৰা এতিয়াও আতৰা নাই। কি নিশ্চয়তা আছে যে কংগ্ৰেছ আহিলে এই সকলো সমস্যা সমাধান কৰিব পাৰিব? অসমত কংগ্ৰেছ চৰকাৰ আহিলে যদি কেন্দ্ৰৰ বিজেপি চৰকাৰে সকলো পুজি বন্ধ কৰি দিয়ে? তেতিয়া হ’লে চোন পোৱাখিনিৰো মুধা মৰিব। কংগ্ৰেছৰ বিশ্বাসযোগ্য নেতা কোনজন যাৰ কথাত আমি পতিয়ন যাব পাৰো? এইবোৰ প্ৰশ্নই বৰ্তমান সৰ্বসাধাৰণ ৰাইজক ব্যতিব্যস্ত কৰিছে। বিকল্প হিচাপে জাতীয় পৰিষদ থাকিলেও অগপৰ দিনৰ সেই বিভীষিকাৰ কথা ভাবিলেই নোম শিয়ৰি উঠে। পৰবৰ্তী চৰকাৰ বিজেপিৰ হ’লেও তেওঁলোকে ভাবিব নালাগে যে এয়া তেওঁলোকৰ কামৰ বাবে ভোট দিছে। ৰাইজৰ যে অন্য বিকল্প নাই।

হৰে: কীৰ্ত্তনমুৎসৃজ্য ধৰ্ম্মন্যঞ্চৰেৎ কলৌ ।

ন কিঞ্চিৎ ফলমাপ্নোতি শ্ৰম এৱ হি কেৱলম ।। ( শ্ৰীমদ্ভাগৱত )

ভাঙনি – কলিত হৰিৰ কীৰ্ত্তন এৰিয়া অন্যত্ত ধৰ্ম আচৰে ।

মিছাতে কেৱল শ্ৰম মাত্ৰ পাৱে একোৱে ফল নধৰে ।।

১। ৰাষ্ট্ৰবাদ আৰু ৰাষ্ট্ৰীয় একাত্মতা।

২। গণতন্ত্ৰ

৩। ইতিবাচক ধৰ্মনিৰপেক্ষতা বা সৰ্বধৰ্ম সমভাৱ।

৪।গান্ধীয় সমাজবাদ।

৫।প্ৰমূল্যভিত্তিক  বা সজ ৰাজনীতি ।

• ৰাজেন বৰ্মন

বিজেপিৰ একাংশ নেতাৰ মৌনতাৰ ফলতেই নতুন দলৰ জন্ম হৈছে । হয় নাগৰিকত্ব সংশোধনী বিলৰ সময়ত অসমৰ অধিকাংশ বিজেপি নেতাই মৌনব্ৰত ধাৰণ কৰিছিল । সংযুক্ত সংসদীয় কমিটিয়ে যেতিয়া অসমলৈ আহিছিল কেবৰ কাৰণে জনমত সংগ্ৰহৰ বাবে আৰু সেই কথা আজি সকলোৰে মনত আছে । “জেপিচি অহা মানেই নাগৰিকত্ব বিল আহিব বুলি কি নিশ্চিতি আছে ” __এনেকুৱা মন্তব্য দিয়া ৰঞ্জিত কুমাৰ দাসৰ মন্তব্য আজিও মিডিয়াৰ আৰ্কাইভত নথকা নহয় ।  আছু , অগপৰ দৰে সংগঠনে নিজৰ নীতিত বাহাল থাকি জেপিচিৰ সমিতিৰ আগত কেবক বিৰোধীতা কৰি পত্ৰ দিছিল , যদিও অগপৰ একমাত্ৰ সাংসদজনে ৰাজ্যসভাত নিজৰ স্থিতি সলনি কৰে ।  বিজেপিৰ সভাপতি , অসম চৰকাৰৰ মুখ্যমন্ত্ৰীজনে নিৰৱতা অৱলম্বন কৰাৰ সময়তে সদৌ অসম ছাত্ৰ সন্থাৰ মজিয়াৰ পৰা গৈ বিজেপিৰ টিকটত বিধায়ক হোৱা বা সাংসদ হোৱা নেতাসকলো মৌন হৈ থাকিল । বিজেপিৰ এই বৃহৎ সংখ্যক নেতাগণৰ পলায়নবাদী স্থিতিক ভিত্তি কৰি আছুৱে আক্ৰমণৰ লক্ষ্য কৰি ল’লে সৰ্বানন্দ সোণোবালক । হিতেশ্বৰ শইকীয়াৰ পিছতেই আছুৰ সৰ্বস্ব ৰোষত পৰিল একালৰ প্ৰাক্তণ সতীৰ্থ সৰ্বানন্দ সোণোৱাল । সৰ্বানন্দ সোণোৱালৰ স্থিতিক ব্যৱহাৰ কৰিলে কংগ্ৰেছেও । বৰ্তমানৰ সাংসদ আব্দুল খালেকে সংবাদ মাধ্যমত এই পৰ্যন্ত প্ৰচাৰ কৰিলে যে __সৰ্বানন্দ সোণোৱালে যদি বিজেপি ত্যাগ কৰে তেন্তে কংগ্ৰেছে অগপৰ লগত মিত্ৰতা কৰি চৰকাৰ গঠন কৰিবলৈ ইচ্ছুক আৰু  সোণোৱালক মুখ্যমন্ত্ৰী হিচাপে কংগ্ৰেছে সমৰ্থন দিব । অগপৰ সময়ত হোৱা গুপ্তহত্যাৰ সময়ত তেতিয়াৰ মুখ্যমন্ত্ৰী প্ৰফুল্ল কুমাৰ মহন্তই নিজৰ স্থিতিৰ পৰা এধাপো পিছুৱাই অহা নাছিল । হিতেশ্বৰ শইকীয়াৰ সময়ত হোৱা অসম আন্দোলন বা তৰুণ গগৈৰ সময়ত ব্যৰ্থ হোৱা এন আৰ চিৰ পায়লত প্ৰজেক্টৰ বিফলতা স্বত্তেও আছুৱে ৰাইজৰ কান্ধত বন্দুক থৈ তেওঁলোকক ব্যক্তিগত আক্ৰমণ কৰাৰ সুযোগ পোৱা নাছিল ।  কিন্তু সৰহ সংখ্যক জনগণৰ সমৰ্থন থকা নাগৰিকত্ব বিল খনৰ সময়ত একমাত্ৰ নেতাৰ নিজৰ মৌনতা আৰু পলায়নবাদী নীতিৰ বাবে ছাত্ৰ সংগঠনে ৰাজপথত মুখ্যমন্ত্ৰী আৰু বিত্ত মন্ত্ৰীৰ পুত্তলিকাক দাহ কৰাই নহয় , নাটকীয় ফাঁচী কাঠো বনাইছিল । অকল অসমীয়াভাষী ছাত্ৰ সংগঠনেই নহয় মৌলবাদী দল বিলাকেও  মুক্ত ভাবে ব্যক্তিগত আক্ৰমণ কৰি গ’ল । এনেকুৱা এক  ব্যক্তিগত শ্লিলতাহানী পৰিবেশত কেব সমৰ্থক জনতাৰ মাজত সন্দেহৰ ভাব সৃষ্টি হয় ____বিজেপি নেতৃত্বৰ কেন্দ্ৰীয় চৰকাৰে প্ৰস্তাব কৰা  কেবক হয়টো মুখ্যমন্ত্ৰীয়ে সমৰ্থন নকৰে , আৰু উপায়হীন শান্ত প্ৰকৃতিৰ বিবেকবান সৰ্বানন্দ সোণোৱালে মৌনব্ৰত ধাৰণ কৰিছে । সেই সময়ত সৰ্বানন্দ সোণোৱালে মিডিয়াৰ আগত দিয়া ,” মোক একঘৰীয়া নকৰিব……..” ধৰণৰ মন্তব্যই সাধাৰণ অসমীয়াভাষী ৰাইজৰ আবেগক উদ্দেলিত কৰিছিল । একে সময়তে লুৰিণ জ্যোতি গগৈ আৰু দিপাংকৰ নাথৰ আপচবিহীন স্থিতিত সমুজ্জ্বল ভট্টাচাৰ্য্য বিবুধিত পৰা বুলিও বিভিন্ন সুত্ৰই দাবী কৰে । পুৰ্বৰ প্ৰবীণ বড়ো , তপন গগৈ , শংকৰ প্ৰসাদ ৰায়ৰ ওপৰত থকা সমুজ্জ্বল ভট্টাচাৰ্য্যৰ নিয়ন্ত্ৰণ লুৰিণ- দিপাংকৰৰ ওপৰত নচলা হ’ল । আছুৰ ভিতৰচৰাত ওলোৱা খৱৰ মতে সৰ্বানন্দ সোণোবাল আৰু আছু নেতৃত্বৰ মাজৰ ব্যৱধান বৃদ্ধিত মুখ্যমন্ত্ৰীৰ উপদেষ্টা মণ্ডলীৰ এজন বিশেষ ব্যক্তিৰ উপদেশো কাৰণ হৈছিল । সম্পৰ্ক , আবেগ সকলোকে নতুন গতি প্ৰদান কৰি সময়ৰ শৰ সময়ত মাৰিলে লুৰিণ জ্যোতি গগৈয়ে । আছুৰ প্ৰত্যক্ষ সহযোগত ৰাজনৈতিক দল গঠন প্ৰক্ৰিয়াই নতুন যুগৰ সুচঁনা কৰে । নিখিল বড়ো ছাত্ৰ সন্থাৰ দৰেই সদৌ অসম ছাত্ৰ সন্থাইও নিজৰ দল জন্ম দিলে অজাপ । কেবৰ সময়ত বিজেপি মিত্ৰজোঁট চৰকাৰ ভংগ কৰাৰ কৌশল ( আব্দুল খালেকৰ সমীকৰণ ) বিফল হয়  হিমন্ত বিশ্ব শৰ্মা  আৰু হাগ্ৰামা মহিলাৰীৰ স্থিতিয়ে । মহিলাৰীৰ দৰে এজন জনজাতীয় নেতাৰ মুখত কেব সমৰ্থনৰ বক্তব্যই নামনি আৰু মধ্য অসমৰ বৰ্ণ হিন্দু অসমীয়া ভাষী ৰাইজক কেব সম্পৰ্কে ধাৰণা সৃষ্টিত সহায় কৰে আৰু নতুন সমীকৰণ অপ্ৰাসংগিক হৈ যায় ।  তৎস্বত্তেই উজনি অসম ( পুৰ্ব বংগীয় অনুপ্ৰবেশকাৰীৰ উমান কম পোৱা ) ৰ অঞ্চল বিলাকত লুৰিণ জ্যোতি গগৈৰ প্ৰভাব বৃদ্ধি হৈ থাকিল । অজাপ , ৰাইজৰ দল , কংগ্ৰেছ , ইউডিএফৰ মহাজোঁটে অসমৰ নিৰ্বাচনক নতুনত্ব প্ৰদান কৰাৰ লগতে অসমৰ সমাজিক পৰিবেশো সলনি কৰিব ।

• হৰ কুমাৰ ঠাকুৰীয়া

অসম চুক্তিৰ ৬ নং দঁফা কি ? ৬ নং দঁফা শব্দটো যোৱা ৫ বছৰত ৰাইজে যিমানবাৰ শুনিছে , তাৰ আগতে অসমৰ মানুহে কিমানবাৰ শুনিছিল এই শব্দটো ? প্ৰফুল্ল মহন্ত , হিতেশ্বৰ শইকীয়া আৰু তৰুণ গগৈৰ দিনবোৰত ৬ নং দঁফা কাৰ্য্যকৰী কিয় নহ’ল সেইবিলাক প্ৰশ্নৰ উত্তৰ অগপ বা কংগ্ৰেছৰ হাতত নাই । আনকি বিজেপি চৰকাৰেও কিয় বিগত পাঁচ বছৰত খিলঞ্জীয়াৰ সংৰক্ষণ বিষয়টো সমাধান নকৰিলে সেইয়াও প্ৰশ্নবোধক । কিন্তু এটা কথা স্পষ্ট যে বিজেপিৰ বাহিৰে আন দলে এই কামটো কৰাৰ সাহস দেখুৱাব নোৱাৰে । তৎস্বত্তেও অসমৰ গৰিষ্ঠ সংখ্যক মানুহে বিচাৰিছিল যে নাগৰিকত্ব সংশোধনীৰ সমন্তৰালকৈ খিলঞ্জীয়াৰ সুৰক্ষা বিষয়টোকো বিজেপিয়ে এই কাৰ্যকালতে সমাপ্ত কৰিব । নব প্ৰজন্মৰ হাতত গুগুল বা ইনটাৰনেত আহি পৰাৰ পিছত ৬ নং দফাঁ সম্পৰ্কে কাল্পনিক  ধাৰণা সলনি হ’ল । ৬ নং দফাঁত ছয় শাৰী বাক্যও নাই যে সেইয়া নতুন প্ৰজম্মই দেখিলে । যাহক বৰ্তমানৰ চৰকাৰে এই ৬ নং দঁফাটোৰ জকাটোক আকৃতি দিয়াৰ লক্ষ্য আগত ৰাখি এখন পৰামৰ্শ কমিটি গঠন কৰি দিলে ।  ৰাইজ , দল – সংগঠন কোনো বাদ নপৰিল , সকলোৱে নিজৰ নিজৰ পৰামৰ্শ সমিতিৰ আগত দিলে । পৰামৰ্শ কমিটিয়ে যথাসময়ত বন্ধ খামত পৰামৰ্শ ৰিপোৰ্ট কেন্দ্ৰীয় চৰকাৰৰ ওচৰত জমা দিয়াৰ আগমুহুৰ্তত অথন্তৰ লগাই দিলে সদৌ অসম ছাত্ৰ সন্থাই । গোপন নথি পত্ৰ ৰাজহুৱা কৰি দিলে আছুৱে । বিভিন্ন মাধ্যমত প্ৰতিবেদন ৰাজহুৱা কৰা বাবে আছুক একাংশই সমালোচনা নকৰা নহয় , তৎস্বত্তেও আমি ধাৰণা কৰো যে বিগত চল্লিশ বছৰত প্ৰতিবেদন ৰাজহুৱা কৰাটো হৈছে আছুৰ প্ৰথমটো অতি ধনাত্মক কাম । আছুৰ কাৰণেই অসমৰ ৰাইজে ৬ নং দঁফাৰ পৰামৰ্শসমুহ দেখা পালে । আৰু ইয়াৰ লগে লগে উদঘাটন হ’ল প্ৰতিবেদনত থকা কিছুমান ভয়ংকৰ পৰামৰ্শ ।  অসম চুক্তিত নাগৰিকত্ব ভিত্তি বৰ্ষক ২০ বছৰ আগুৱাই অনা হৈছিল তথাপি অসমীয়াভাষী ৰাইজে আবেগৰ চাকনৈকাত থাকি ১৯৭১ চনৰ ফ্লপ শ্ব দেখা নাপালে । ১৯৭১ ভিত্তি বৰ্ষ অকল অসমতেই কৰা হ’ল , কিন্তু ৰাইজে নুবুজিলে যে বিদেশী বহিষ্কাৰ হোৱাতকৈ বিদেশীক নিমন্ত্ৰণ হে দিয়া হ’ল । কাৰণ ভাৰতৰ বাকী ৰাজ্যৰ অনুপ্ৰবেশকাৰীসকলে ১৯৭১ ৰ নথি দেখালে অসমত নাগৰিকত্ব পাব পাৰে । সেই একে পৰিবেশ এইবাৰো বিভিন্ন সংগঠনে কৰিব বিচাৰিছে । ৬ নং দঁফা কাৰ্যকৰী হব লাগিব কিন্তু পৰামৰ্শ কমিটিৰ প্ৰতিবেদনৰ ভিত্তিত নহয় । প্ৰতিবেদনত থকা ইনাৰ লাইন পাৰ্মিটৰ ধাৰণাক সমৰ্থন কৰিছে ইউডিএফ আৰু কংগ্ৰেছৰ বিধায়ক চেৰমান আলিয়ে । যিজন চেৰমান আলিয়ে মিঞা মিউজিয়ামৰ কথা কৈছিল সেইজন আকৌ আই এল পিৰ সমৰ্থক । অসমত ILP প্ৰৱৰ্তন হোৱা আৰু কাশ্মীৰত ধাৰা ৩৭০ ৰ কোনো পাৰ্থক্য নাই । এতিয়া আহিছো ১৯৫১ ভিত্তি বৰ্ষ । অসমীয়াৰ আবেগ ১৯৫১ চনতো । কিন্তু আমি উপলব্ধি কৰিছোনে ___ভিত্তি বৰ্ষ কিহৰ বাবে? পৰামৰ্শ কমিটিৰ প্ৰতিবেদনত উল্লেখ থকা ভিত্তি বৰ্ষ হৈছে খিলঞ্জীয়া নিৰ্ধাৰণৰ । নাগৰিকত্বৰ ভিত্তি বৰ্ষ আৰু খিলঞ্জীয়া ভিত্তি বৰ্ষ দুটা পৃথক বিষয় । অসমৰ বাবে নাগৰিকত্ব ভিত্তি বৰ্ষ ভাৰতৰ আন ৰাজ্যৰ লগত নিমিলে । ভাৰতত বিদেশী বুলি প্ৰমাণিত হোৱা ব্যক্তি এজনে ২০ বছৰ নতুন প্ৰমাণপত্ৰ দেখুৱাই অসমত নাগৰিকত্ব পাব পাৰে আৰু সমসাময়িক ভাবে ভাৰতৰো নাগৰিকত্ব পাব পাৰে । এখন দেশত দুটা ভিত্তি বৰ্ষ আচৰিতেই নহয় , হয়তো অসাংবিধানিকো । পৰামৰ্শ কমিটিত থকা খিলঞ্জীয়া সংজ্ঞাত চেৰমান আলি , আজমল সকলো খিলঞ্জীয়া হৈ পৰিব । চেৰমান আলিৰ শেহতীয়া এটা ফেচবুক পোষ্টে স্পষ্ট কৰিছে যে তেওঁৰ বাঘবৰ সমষ্টিত আজিৰ সময়ত ৯৯% মানুহ খিলঞ্জীয়া , কাৰণ ৯৯% মানুহৰ হাতত ১৯৫১ ৰ প্ৰমাণ পত্ৰ আছে । বাকী যিখিনি ১% আছে সেইখিনিও খিলঞ্জীয়া কিন্তু দুৰ্ভাগ্যবশত: তেওঁলোকৰ হাতত কাগজ পত্ৰ নাই । নতুন প্ৰজন্ম এতিয়া তথ্যৰ সদাগৰ । সকলোৱে নিজেই লক্ষ্য কৰক যে ১৯৫১ বা ১৯৪১ চনত ব্ৰহ্মপুত্ৰ উপত্যকা বা সমগ্ৰ অসমত কিমান শতাংশ মুছলমান আছিল । অসমত অসমীয়া ভাষী মুছলমান আৰু অভিভাষী মুছলমানৰ সংখ্যাৰ অনুপাতো বিচাৰ কৰক । ১৯৫১ চনৰ জনগণনা মতে অসমত সেইসময়ত মুছলমান জনসংখ্যা ৩৫ % ৰও অধিক আছিল । তেন্তে কি যুক্তিত ১৯৫১ ভিত্তিত খিলঞ্জীয়া নিৰ্ধাৰণে অসমৰ ভুমি পুত্ৰক সুৰক্ষা দিব পাৰিব ?  অসমৰ গৰিয়া মৰিয়া সংগঠনবোৰে কিন্তু আছুৰ বিপৰীত স্থিতিত অৱস্থান কৰিছে আৰু তেওঁলোকে ব্যক্ত কৰিছে যে ১৯৫১ ভিত্তিত খিলঞ্জীয়া নিৰ্ধাৰণে ভুমিপুত্ৰক সহায় নকৰে । বিভিন্ন সুত্ৰই দাবী কৰা মতে গৰিয়া সংগঠনবোৰে এই বিষয়টোত দৃঢ় পদক্ষেপ লবলৈ আগৱাঢ়ি অহা কাৰণ আছুৰ লগত প্ৰত্যক্ষ সংঘাত তেওঁলোকে কৰিব বিচৰা নাই । অন্যহাতে হিন্দুত্ব বাদী  সংগঠনৰ অধিকাংশই ১৯৫১ চন শব্দৰ মায়াজালৰ পৰা মুক্ত হব পৰা নাই কাৰণ তেওঁলোকৰ হাতত নাই জনগাঁঠনিৰ তথ্য । সদৌ শেষত দৃষ্টি নিবদ্ধ হৈ আছে অমিত শ্বাহৰ ওপৰত । অমিত শ্বাহে প্ৰতিবেদনখনৰ ওপৰত লোৱা ব্যৱস্থাই নিৰ্ধাৰণ কৰিব অসমৰ ভৱিষ্যত ।

 (১)

                                                                         (২)