বিজেপিৰ বিপদৰ কাৰণ সমুহ ___

• BJP:২৯.৫%
• AGP:৮.১%
• BPF:৩.৯%
• CONG ৩১.০%
• AIUDF :১৩.০%
• INDEPENDENT:১১.০৮%

• NDA : ৮৩,২৪,০৮৩
• UPA: ৬৩,০৮,৯২৮
• AIUDF:১৩,৮৮,৫৩৪
• INDEPENDENT :৪,৮৪,৫৬০

‘ৰাজনীতি অসম’ অসমৰ প্ৰথম ৰাজনৈতিক ই-আলোচনীৰ প্ৰতিবেদন

ৰাজনীতি অসম’ (WWW.RAJNITIAXOM.COM) : দুই বছৰ – ১ লাখ ৬৯ হাজাৰ পঢ়ুৱৈ

চচিয়েল মিডিয়া , ফেচবুক , নিউজ পোৰ্টেল ___ এটাৰ লগত আনটোৰ অস্তিত্ব জড়িত হৈ আছে ।চচিয়েল মিডিয়া অৰ্থাৎ সামাজিক মাধ্যম জনগণৰ মাজত যোগাযোগ, চিন্তা-চৰ্চা,প্ৰতিভা ,মনোৰঞ্জন ,তথ্য,সংবাদ,সুখ-দুখৰ ভাগবতৰা কৰিব পৰা এক উমৈহতীয়া বিশ্ব মঞ্চ । চচিয়েল মিডিয়া ব্যৱহাৰ কৰিব পৰা ডিজিটেল আহিলাসমূহ হ’ল মোবাইল, আইফোন,কম্পিউটাৰ ,লেপটপ ইত্যাদি । এই সমূহ আহিলাত ইণ্টাৰনেট সংযোগৰ লগে লগে  একাউণ্টৰ মাধ্যমেৰে  এজন মানুহে বিশ্বৰ লগত প্ৰত্যক্ষ সম্পৰ্ক গঢ়ি উঠে । চচিয়েল মিডিয়াৰ বহল পৃথিৱীখনৰ  ফেচবুক, টুইটাৰ, লিংকড ইন, ইনষ্টাগ্ৰাম,স্নেপচাট,পিন্টাৰেষ্ট,ৰেড্ডিট ইত্যাদি ।চাবলৈ গ’লে দেশৰ গৰিষ্ঠসংখ্যক নাগৰিকেই চচিয়েল মিডিয়া ব্যৱহাৰ কৰে ।  শ্ৰমিকৰ পৰা দেশৰ প্ৰধানমন্ত্ৰী , ৰাষ্ট্ৰপতিলৈকে সকলোৱে ফেচবুকৰ দৰে জনপ্ৰিয় সামাজিক গণ মাধ্যমৰ ব্যৱহাৰকাৰী ।

ৰাজনৈতিক দলৰ নিৰ্বাচনী  প্ৰচাৰৰ এক আশীৰ্বাদ স্বৰূপ হৈ পৰিছে চচিয়েল মিডিয়া । চৌবিশ ঘণ্টাই প্ৰাৰ্থীৰ হৈ প্ৰচাৰ কৰি  এই আধুনিক তথা কম খৰছী গণ মাধ্যমটোৰ লাভালাভ ভালকৈয়ে উঠাইছে ৰাজনৈতিক দলৰ নেতাসকলে । ফলত ফেচবুক, টুইটাৰ আদিত ৰাজনৈতিক পৰিৱেশ এটাই বাৰুকৈয়ে বিৰাজ কৰিব ধৰিছে । নিৰ্বাচনৰ সময়ছোৱাত ইয়াৰ প্ৰকোপ বাঢ়ে ।চচিয়েল মিডিয়াৰ ব্যৱহাৰকাৰীয়ে যিকোনো বিষয়ত  মুক্ত মনে নিজৰ মন্তব্য ,সমৰ্থন বা বিৰোধিতা আগবঢ়াব পাৰে । এক অৰ্থত বাক স্বাধীনতাৰ মুক্ত প্ৰকাশ ঘটে সামাজিক মাধ্যমত । যিকোনো বিষয়ত ব্যৱহাৰকাৰীয়ে  ততালিকে নিজৰ  প্ৰতিক্ৰিয়া ব্যক্ত কৰাৰ সুবিধা আছে গণমাধ্যমত । সেয়েহে সম্প্ৰতি ই অধিক সক্ৰিয় আৰু জনপ্ৰিয় হৈ উঠিছে ।
বাতৰি কাকতৰ স্থান লৈছিল টিভিৰ নিউজ চেনেলে, যিদৰে এসময়ত ৰেডিঅৰ স্থান লৈছিল দুৰদৰ্শনে । পিছলৈ চৰকাৰী দুৰদৰ্শনৰ স্থান লৈছিল ব্যক্তিগত মালিকাধীন চেনেল বিলাকে । টিভিত হিন্দী চিনেমাৰ স্থান ল’লে তামিল, তেলেগু ডাবিং চিনেমাই । এটা সময়ত চিনেমা হ’লৰ স্থান লৈছিল টিভিয়ে আৰু এতিয়া টিভিৰ স্থানত আহিল মোবাইল । মোবাইলে যেতিয়া গণ মাধ্যমৰ মুল আহিলা ৰূপে পৰিগণিত হ’ল তেতিয়া নতুন নতুন সংযোজন হৈ থাকিল এইটো মাধ্যমত । মবাইলত কেমেৰা থাকে , সেই কেমেৰাৰ সহায়ত ভিডিঅ বনাব পৰা হ’ল । ছবিয়ে কথা কয় , ভিডিঅ বিলাক খৱৰলৈ পৰিৱৰ্তন হ’ল । নিউজ চেনেল এটাৰ মালিকে নিউজ ৰিডাৰ , কেমেৰা মেন , ফিল্ডত ঘুৰি থকা সাংবাদিক , এটা ষ্টুডিঅ , যান বাহনৰ খৰচৰ মোকাবিলা কৰিবলৈ ৰাজনীতিত নামিব লগা হ’ল । ৰাজনীতি কৰা ব্যক্তিৰ আশিষ ধৈন্য হৈ বিয়াগোম ব্যৱসায়ীয়ে নিজৰ নাম আৰু প্ৰভুত্বৰ খাতিৰত নিউজ চেনেল আৰম্ভ কৰিলে । যিটো সময়ত বাতৰি কাকত এখনে ৰাজনৈতিক ভুমিকা বা চৰকাৰী বিজ্ঞাপনৰ দ্বাৰা চলি আছিল সেই একে উপায় লৈছিল নিউজ চেনেল বিলাকে । লাহে লাহে সময় সলনি হ’ল । নৰেন্দ্ৰ মোদীয়ে চ’চিয়েল মিডিয়াক ভিত্তি কৰি নিৰ্বাচনী প্ৰচাৰ চলালে , কাৰণ ভাৰতৰ বাতৰি কাকত আৰু নিউজ চেনেল বিলাকৰ অধিকাংশই বাওঁপন্থী আৰু বিদেশী ৰাষ্ট্ৰৰ অধিনত কাম কৰে । চ’চিয়েল মিডিয়াৰ সফল প্ৰয়োগ আৰু internet data সুলভ মুল্যই ৰাজনীতিত এটা নতুন উপাদান দিলে । ইয়াৰ ফলত ৰাজনৈতিক দল তথা মন্ত্ৰী-বিধায়ক সকলে নিউজ চেনেল বা বাতৰি কাকতৰ প্ৰতি গুৰুত্ব কমাই দিলে আৰু নিউজ হাউচক মেনেজ কৰিবলৈ  লাহে লাহে এৰি পেলালে । দৰ্শক নোহোৱা নাটকত ভাওঁ ল’বলৈ এৰি পেলালে প্ৰভাৱ শালী ৰাজনৈতিক ব্যক্তি সকলে । যাৰ ফলত খুব কম বিনিয়োগ কৰি জন্ম দিয়া নিউজ পোৰ্টেল বিলাক জনপ্ৰিয় হৈ পৰিল । এই বিলাকত নেতাৰ গুৰুত্ব বাঢ়িল আৰু ডাঙৰ ডাঙৰ নিউজ হাউচৰ মালিকৰ নিজৰ চেনেলৰ প্ৰতি গুৰুত্ব কমিল । তৎস্বত্তেও বহু সংখ্যক চেনেল বন্ধ হৈ গ’লেও দুই এটা চেনেল বাচি থাকিব ৰাজনৈতিক নেতাৰ প্ৰত্যক্ষ সহযোগত ।

    সমাধানৰ উদ্দেশ্যেঃ

    বাস্তৱতাৰ অৱলোকণঃ

১৯৫০ ত সংবিধান গৃহিত হয় । ১ম নিৰ্বাচনটোত ভোটদানৰ হাৰ আছিল ৪৫.৭ % আৰু একক সংখ্যাগৰিষ্ঠ দল আছিল ভাৰতীয় জাতীয় কংগ্ৰেছ । কংগ্ৰেছে ভোট পাইছিল ৪৫ %  , । আজিৰ সাধাৰণ নিৰ্বাচনৰ লগত এটা ডাঙৰ পাৰ্থক্য আছিল ১৯৫২ ৰ নিৰ্বাচনৰ । সেইটো হ’ল ৪৮৯ খন যদিও আসন আছিল , সেইসময়ত কিন্তু সমষ্টি আচিল ৪০১ টা । ৮৬ টা সমষ্টিত দুখন আসন আছিল __ এখন সাধাৰণ শ্ৰেণীৰ প্ৰাৰ্থীৰ বাবে আৰু আনখন সংৰক্ষিত শ্ৰেণীৰ বাবে । বাকী এটা সমষ্টিত আছিল ৩ খন আসন । উদাহৰণ স্বৰূপে তেতিয়াৰ দিনতে জৱাহৰলাল নেহেৰুৱে প্ৰতিদন্দিতা কৰা সমষ্টিটোত দুখন আসন আছিল , এখন সাধাৰণ শ্ৰেণীৰ আৰু আনখন অনুসূচিত জাতিৰ বাবে । এলাহাবাদ পুবৰ পৰা সাংসদ আছিল ক্ৰমে নেহেৰু(GEN) আৰু মাচুৰিয়া দিন ( SCপ্ৰাৰ্থী) ।

২০১৯ ত যিদৰে আমেঠি ৰাহুল গান্ধীৰ কাৰণে সহজ হৈ নথকাৰ বাবে কৰ্ণাটক বা কেৰেলাৰ পৰাও প্ৰতিদন্দিতা কৰিব পাৰে ; সেই একেদৰে নেহেৰুৱে ও কিন্তু এনে এটা সহজ সমষ্টি বাচি লৈছিল য’ত দুখন আসনৰ এখন সংৰক্ষিত আছিল ।
সাৱৰকৰে কৈছিল যে ব্যাক্তিৰ আদৰ্শই দেশৰ নীতি নিৰ্ধাৰণক প্ৰভাবিত কৰিলে সেই দেশ যিকোনো সময়তে বিপদৰ সন্মুখিন হ’ব পাৰে । অহিংস নীতিত ব্যক্তি চলিব পাৰে কিন্তু অহিংস নীতিত দেশ নচলে । সাৱৰকৰে ভাৰতক আনবিক শক্তি আহৰণৰ বাবে জোৰ দিছিল । যেতিয়া তেওঁ পৰমাণু বোমা নিৰ্মাণ প্ৰক্ৰিয়াৰ কাম আৰম্ভ কৰাৰ কথা সভাই সমিতিয়ে বা কাকতত নিবন্ধ লেখি দাবী জনাইছিল তেতিয়া অধিকাংশ নেতাই গুৰুত্ব দিয়া নাছিল । ৰাছিয়া আমেৰিকা আৰু ইংলণ্ডৰ হাতত পৰমাণু শক্তি আছিল আৰু সেই বাবেই বিশ্বত সেই দেশ বিলাকে ৰাজত্ব চলাব পাৰিছিল ।চীনে তীব্বত দখল কৰাৰ  পিছত ভাৰতৰ ফালৰ পৰা ৰাষ্ট্ৰ সংঘত এবাৰো প্ৰতিবাদ নকৰিলে বৰঞ্চ নেহেৰুৱে চীনৰ লগত পঞ্চশীল নীতিত চহী কৰিলে । ১৯৫৪ চনৰ ২৯ এপ্ৰিলত চাক্ষৰিত চুক্তি খনে তীব্বতক চীনৰ  অংগৰ হিচাপে স্বীকৃতি দিলে । সাৱৰকৰে নেহেৰুৰ বৈদেশিক নীতিক  নীতিক সমালোচনা কৰি পুণাৰ পৰা প্ৰকাশিত ‘কেশৰী ‘  কাকতৰ  ২৬ জানুৱাৰী ১৯৫৬ সংখ্যাটোত বিস্তৃত লেখ লিখে ।  সেই সময়তে তেওঁ নেহেৰুৰ তীব্বত নীতিৰ ফলত যে এদিন নিজৰ দেশ খন চীনৰ আক্ৰমণৰ বলি হ’ব লাগিব তেওঁ আশংকা কৰিছিল ।

ভীমৰাও আম্বেদকাৰে চীনৰ লগত নেহেৰুৱে কৰা পঞ্চশীল নীতিক লৈ আশ্বৰ্য্য প্ৰকাশ কৰে । চীনৰ মানুহে বুদ্ধ ধৰ্ম পালন কৰে আৰু বুদ্ধ ধৰ্মত হিংসাৰ স্থান নাই । কিন্তু চীনে নিজৰ প্ৰতিপত্তি বিস্তাৰ কৰাৰ কাৰণে নিজৰ বিদেশ নীতিত ধৰ্মক প্ৰশ্বয় দিয়া নাছিল । প্ৰমাণ চীনৰ দ্বাৰা তীব্বত দখল । সাৱৰকৰে নেহেৰুৰ বিদেশ নীতিক সমালোচনা কৰা কাৰণে তেওঁক নেহেৰু আৰু তেওঁৰ অনুচৰ নেতা সকলে কটু মন্তব্য কৰিছিল ; আনকি নতুনকৈ স্বাধীনতাৰ সোৱাদ লোৱা অধিকাংশ ভাৰতীয়ই তেওঁৰ মন্তব্য বিলাক ৰাজনৈতিক উদ্দেশ্য প্ৰণোদিত বুলি ধাৰণা কৰিছিল।  ভাৰতীয় নেতা কিছুমানৰ ধাৰণা ভুল হ’লেও চীনৰ কিন্তু লক্ষ থিক আছিল । ৬২ ‘ ৰ চীনা যুদ্ধই দেখুৱাই গৈছিল পঞ্চশীল নীতি ফোঁপোলা স্বৰূপ ।এই খিনিতে উল্লেখ যোগ্য কথাটো হ’ল যেতিয়া চীনা সৈন্যই ভাৰতৰ ভুখণ্ডত প্ৰবেশ কৰিছিল তেতিয়া সেনা বাহিনীক সহায় কৰাৰ বাবে বায়ুসেনাক আদেশ দিয়া হোৱা নাছিল ।
তীব্বত দখল কৰা চীনে অশা্ন্তি কৰিলে নেপালত , ভুটানত । অৰুণাচলৰ বমদিলাৰে চীনা সৈন্য সোমাই আহি তেজপুৰ দখল কৰো কৰো অৱস্থাত অসম বাসীক গুড বাই দিয়া নেহেৰুৰ ৰেডিঅ’ বাৰ্তা সকলোৰে মনত আছে । ১৯৫৪ ত সাৱৰকৰ আৰু আম্বেদকাৰে নেহেৰুৰ পঞ্চশীল চুক্তিৰ পৰা চীনৰ পৰা আসন্ন বিপদৰ উমান পাইছিল , কিন্তু চৰকাৰী পক্ষই গুৰুত্ব নিদিলে । ছয় বছৰ পিছত চীনে ভাৰতক আক্ৰমণ কৰিলে । ১৯৫৯ চনত তীব্বতৰ পৰা পলায় আহি অসমত সোমোৱা দলায় লামা ( ১৪ তম) ই ভাৰতত আশ্ৰয় লয় । ১৯৯১ চনত প্ৰকাশ পোৱা তেওঁৰ আত্মজীৱনী  ‘ Freedom In Exile ‘ ত নেহেৰুৱে চীনৰ লগত কৰা পঞ্চশীল চুক্তিক কটাক্ষ কৰিছে আৰু এই চুক্তিৰ দ্বাৰা তীব্বতক স্থায়ী ভাবে চীনৰ অধীনৰ অঞ্চল বুলি স্বীকৃতি দিলে ।
” Yet i was conscious that outside Tibet the world had turned its back on us.Worse , India our nearest neighbour and spiritual mentor had tacitly accepted peking’s claim to Tibet…………’ , Dalai Lama.

১ চেপ্তেম্বৰ ১৯৬৫ , যুদ্ধ ঘোষণা হয় । তিনি বছৰ আগতেই জৱাহৰলাল নেহৰুৰ মৃত্যু হৈছে । লাল বাহাদুৰ শাস্ত্ৰী দেশৰ প্ৰধানমন্ত্ৰী । প্ৰতিৰক্ষা মন্ত্ৰী য়চৱন্ত ৰাও সাৱন্ত । গান্ধী -নেহেৰুৰ পুৰ্বৰ নীতি নাই । ভাৰতীয় সেনাই লাহোৰত  জাতীয় পতাকা উৰুৱালে । মিগ ২১ এ পাকিস্তানৰ এফ ৮৬ আৰু এফ ১০৪ ক পৰাভুত কৰি যুদ্ধ জয় কৰিবলৈ সক্ষম হয় । স্বাধীনতাৰ পিছৰ পৰা যিজন সাৱৰকৰে ভাৰতৰ সৈনিক শক্তি বৃদ্ধি কৰাত গুৰুত্ব আৰোপ কৰিছিল সেইজন সাৱৰকৰক যুদ্ধ জয়ৰ খৱৰে উৎসাহিত কৰিছিল । আমেৰিকাৰ পৰা অহৰণ কৰা পাকিস্তানৰ যু্দ্ধ বিমান বোৰৰ শক্তি কোনো গুণে কম নাছিল । আমেৰিকাৰ পৰা ১৯৫৭ চনতেই পাকিস্তানে এফ ৮৬ যুদ্ধ বিমান কিনিছিল । আৰু ভাৰতত মিগ ২১ আছিল ১৯৬৪ চনত । মাত্ৰ একবছৰৰ ভিতৰত বিমান চলোৱা শিক্ষা লৈ আমেৰিকাৰ এফ ৮৬ ক পৰাভুত কৰিব পাৰিছিল একমাত্ৰ  ভাৰতীয় বৈমানিকৰ  সাহস  আৰু আত্মবিশ্বাসৰ বলত । মিগ ২১ নথকাহেঁতেন ফলাফল কি হ’ল হেঁতেন সেয়া উপলব্ধি কৰিলে নৰেন্দ্ৰ মোদীয়ে । ভাৰতীয় বায়ু সেনাত অন্তৰ্ভুক্ত হ’ল ফ্ৰান্সৰ পৰা কিনা ৰাফেল যুদ্ধ বিমান । তথাপি বায়ু সেনাৰ হাতত ৰাফেল গতাব পৰাটো ইমান সহজ নাছিল । ৰাফেলক বাধা দিবলৈ চীনৰ লগত পঞ্চশীল চুক্তি কৰা জৱাহৰলাল নেহেৰুৰ দলৰ নেতা সকলৰ অনুগ্ৰহত ৰাফেল ক্ৰয়ৰ বিৰু্দ্ধে উচ্চতম ন্যায়ালয়ত গোচৰ পৰিছিল । পিছলৈ উচ্চতম ন্যায়ালয়ত কংগ্ৰেছৰ আবেদন খাৰিজ হয় আৰু বায়ু সেনা বিভাগ শক্তিশালী হয় ।

কৰ’না , ল’কডাউনৰ পিছত অৰ্থনীতিয়ে নতুন মোৰ ল’ব সেয়া স্বাভাবিক ধাৰণা । ল’কডাউনৰ পিছৰ সময়বোৰ কিদৰে মোকাবিলা কৰিব লগে সেই সিদ্ধান্ত ল’বলৈ অৰ্থনীতিবিদৰ দ্বাৰা গঠিত বিভিন্ন বিভাগ চৰকাৰৰ আছে ।
খেতি কৰিবলৈ দিয়া ট্ৰেক্টৰ চলে চহৰৰ ৰাজপথত , মীন বিভাগৰ বিভিন্ন আঁচনি একামাত্ৰ চাবচিডিৰ টকা ভগোৱাতে সীমাবদ্ধ থাকে , কৃষকক যোগান ধৰা বীজৰ নামত চলে টেন্দাৰিংৰ বেহা ইত্যাদি । প্ৰতিখন চৰকাৰতে কৃষি বিভাগৰ মন্ত্ৰী জন হৈ পৰে অতি ধনী অথবা ধোদ । দুৰ্নীতি গ্ৰস্ত বিভাগ হিচাপে কুখ্যাতিৰে জিলিকি উঠে কৃষকৰ লগত জড়িত বিভাগটো । পুৰ্বৰ চৰকাৰৰ সময়ত যদি নিলমনি সেন ডেকা নামটো দুৰ্নীতিত সোমাই পৰিছিল , এইবাৰ আকৌ কৃষি মন্ত্ৰী পথাৰত কৈ সংবাদ মেলতহে বেছি ব্যস্ত । কেন্দ্ৰই সিদ্ধান্ত ল’ব আৰু ৰাজ্য সমুহে নজিৰ সামৰ্থ্য অনুযায়ী বিভিন্ন আঁচনি ল’ব । চৰকাৰৰ অৰ্থনীতি বিভাগক সিদ্ধান্ত শুনাবলৈ বুদ্ধিজীৱীৰ প্ৰয়োজন নাই । চৰকাৰে ৰাইজৰ ভোটৰ সহায়ত গণতান্ত্ৰীক পদ্ধতিৰে নিৰ্বাচিত হয় আৰু পাঁচ বছৰ দেশৰ নেতৃত্ব লয়  । এজন সাধাৰণ মানুহ হিচাপে মনৰ ভাবহে ব্যাক্ত কৰিব বিচাৰিছো । ল’কডাউনে সকলোকে এটা শিক্ষা দিলে যে অৰ্থনৈতিক উন্নয়নৰ কাৰণে যিদৰে উদ্যোগ লাগে , সেইদৰে একে দৰে জীৱনৰ বাবে লাগে গ্ৰাম্য জীৱন ।  গাওঁত বাস কৰা দুখীয়া মানুহক সুৰক্ষিত আৰ্থিক অৱস্থাৰ বাবে বা  চহৰত বাস দুখীয়া শ্ৰেণীৰ মানুহক ১ টকীয়া চাউলৰ প্ৰয়োজন আছে । ১ টকীয়া চাউলৰ যোগান ধৰি থাকিবলৈ ৰাষ্ট্ৰ এখনৰ উদ্যোগিক উন্নয়ন অতি প্ৰয়োজন । কৃষি বিভাগৰ দ্বাৰা হাতত লোৱা আঁচনি একমাত্ৰ নিৰ্বাচন কেন্দ্ৰীক আৰু কৃষিক বাদ দি অন্য উদ্দেশ্যত হে ব্যৱহাৰ হোৱা পৰিলক্ষিত হৈছে । এইবাৰৰ কৃষি মন্ত্ৰীয়ে আকৌ নিজৰ কাৰ্য্যকালৰ বহু মাহ মন্ত্ৰী পদ ত্যাগ কৰি কেব আন্দোলনটো ব্যস্ত থাকিল । বিভাগ এটাৰ মন্ত্ৰীয়ে পদ ত্যাগ কৰি ওলায় যায় কিন্তু মুখ্যমন্ত্ৰীয়ে পদত্যাগ পত্ৰ গ্ৰহণ নকৰে । মন্ত্ৰী শুন্য হৈ বিভাগ চলি থাকে ।  মন্ত্ৰী ভঙা পতাৰ খৰাং ৰাজনীতিত খৰাং পথাৰত ধানৰ বীজে পতানৰ ৰূপ লয় ।কৰনাৰ লগে লগে বানপানী আহিব । মন্ত্ৰী – আমোলা – দল সংগঠনে এনেকুৱা লগাব যে অসমত এইবাৰেই বানপানী হৈছে । নদীৰ পানী যেতিয়া বাঢ়িব মন্ত্ৰী- বিধায়কে মথাউৰি পৰিদৰ্শন কৰিব । এইবিলাক কাম যোৱা ৩০-৪০ বছৰে মানুহে দেখি আহিছে ।ফেচবুকত ফটো দি ৰিলিফ দিবলৈ মানুহ সাজু  ৰাইজ । একোটা বিভাগত মন্ত্ৰী , সংসদীয় সচিব , মেনেজাৰ , কমিচনাৰকে ধৰি ১০ জন মানুহে দায়িত্ব লৈ ৰঙা লাইট , মোটা দৰমহা লৈ গিজগিজাই ৰাইজৰ ধন খৰচ কৰা চৰকাৰেও সময়ত ৰাইজৰ পৰাই সহায় বিচাৰিব । চৰকাৰী স্কুলত ছাত্ৰ – ছাত্ৰী কমি গ’লেও বানপানীৰ সময়ত মানুহ ৰাখিবলৈ অন্তত : সুব্যৱহাৰ এটা হয় । প্ৰতিখন পঞ্চায়তত ২০- ২৫ বিঘা মাটিৰ এটা ওখ ভেটি চৰকাৰে কিয় নবনায় , য’ত খাদ্য -বস্তুৰ লগতে বানপিড়িত মানুহ থাকিব পাৰে , পশুধন ৰাখিব পৰা যায় । খৰছো বিশেষ নাই , শ্ৰম দানত ৰাইজেই সহায় কৰিব বহু ক্ষেত্ৰত । কিন্তু বানপানীৰ সময়ত কাৰোবাক খাদ্য বিলাবলৈ যদি ঠিকা দিয়াৰ কাৰণেই এনেবোৰ কৰা নহয় তেন্তে কথাটো সুকীয়া । এই ক্ষেত্ৰত ৰাইজৰ ভুমিকাও নিৰাশজনক । নিজৰ বিধায়ক জনৰ ওচৰত পুঁজা , ফুটবল খেল , ঈদ মেহফিল , বিহুৰ কাৰণে চান্দা বিচাৰি যোৱা সাধাৰণ ৰাইজে  নিজৰ অঞ্চলক বানপানীৰ বিপদৰ সময়ত ৰক্ষা পাবলৈ সামান্য এই দাবীটো লৈ নেযায় । বানপানী আহিব । সাধাৰণ মানুহৰ ঘৰ দুৱাৰ ধ্বংস হ’ব , খেতি ডুব যাব , পঞ্চায়তৰ মেম্বাৰক ভেটি খুৱাই দুটা তিনিটা চৰকাৰী ঘৰ পোৱা এচামৰ ঘৰৰ ভেটি ডুব যাব, ধ্বংস হোৱা ঘৰৰ জৰিপ কৰি মণ্ডল- কানংগুই নিজৰ অংক কৰিব , খাদ্য সামগ্ৰী বিলোৱা ঠিকাদাৰে বিল বনায় ধনী হ’ব , মন্ত্ৰী-বিধায়কে আঁঠুলৈ লংপেন্ট কোঁচাই বান পৰিদৰ্শন কৰিব আৰু চ’চিয়েল মিডিয়া প্ৰেমীয়ে বানসাহাৰ্য্যৰ ফটো ফেচবুকত দিব । বানপানীৰ শেষত নিৰ্বাচন আহিব । ঠিকাদাৰে প্ৰাৰ্থীক নিৰ্বাচন খেলিবলৈ লাখে লাখে টকা দিব , ৰাইজেও প্ৰাৰ্থীক ভোটৰ বিনিময়ত টকা বিচাৰিব । বান বিধ্বস্ত এলেকা পানীৰ পৰিৱৰ্তে সুৰাৰ ঢল ব’ব । এনেকৈয়ে বছৰৰ পিছত বছৰ আৰু বানপানীৰ পিছত বানপানী আহি থাকিব ।

• অৰুপ কলিতা

চাৰি বছৰীয়া বিজেপি মিত্ৰজোঁটৰ চৰকাৰ খনে অহা বছৰ নিৰ্বাচনৰ সন্মুখিন হ’ব লাগিব । প্ৰভাৱশালী মন্ত্ৰী হিমন্ত বিশ্ব শৰ্মাই এশ খন আসনৰ টাৰ্গেট লৈছে । এশ খন আসন পাব লাগিলে বিজেপিৰ টিকট পোৱা প্ৰতিজন প্ৰাৰ্থীয়ে বিধায়ক লৈ নিৰ্বাচিত  হ’ব লাগিব আৰু উজনিত কংগ্ৰেছৰ দখলত থকা সমষ্টিত বিজেপি জিকি আহিব লাগিব ।
২০১৬ ত বিজেপিৰ নেতাৰ মাজত প্ৰতিযোগীতা আছিল যদিও কংগ্ৰেছৰ পোন্ধৰ বছৰীয়া শাসনৰ পৰা মুক্তি বিচাৰি সকলো নেতাই নিজৰ মাজত থকা প্ৰতিযোগীতাৰ মনোভাব ত্যাগ কৰি নিৰ্বাচনত অৱতীৰ্ণ হৈছিল ।
কিন্তু চৰকাৰ গঠন হোৱাৰ পিছত ক্ষমতা , অৰ্থ , সুযোগ-সুবিধাৰ সম বিতৰণ নোহোৱাৰ ফলত বিভিন্ন ল’বিৰ সৃষ্টি হ’ল । কংগ্ৰেছ চৰকাৰৰ দৰে একেই স্বজন তোষণ নীতি আৰম্ভ হ’ল । অধিক ক্ষমতাৰ দৌৰত একাংশ পুৰণি সদস্য মুলসুতীৰ পৰা আতৰি যাবলৈ বাধ্য হ’ল । আগৰ বাৰ নিৰ্বাচনত নৰেন্দ্ৰ মোদী আৰু ৰাষ্ট্ৰীয় স্বয়ং সেৱক সংঘৰ বিভিন্ন ভগ্নী সংগঠনৰ ওপৰত প্ৰভাবিত হৈ ভোটাৰ ৰাইজে বিজেপিক দিছপুৰত বহুৱাইছিল । কিন্তু চৰকাৰ গঠন হোৱাৰ পিছত ৰাজ্য চৰকাৰ আৰু দলৰ অভ্যন্তৰত উদ্ভৱ হোৱা বিলাসীতাক ৰোধ কৰাত অক্ষম হয় কেন্দ্ৰীয়  নেতৃত্ব আৰু নিৰ্বাচনত সহযোগ কৰা সংঘৰ বিষয়বৱীয়া সকল । নিৰ্বাচনলৈ এবছৰ বাকী থকা সময়ছোৱাত নতুন জিলা সমিটিয়ে কাৰ্য্যভাৰ গ্ৰহণ কৰাৰ পিছত নেতাৰ মাজত চলি থকা খোৱা কামোৰাৰ যুঁজ খন সাধাৰণ ৰাইজে মুকলিকৈ প্ৰত্যক্ষ কৰিলে । একোখন জিলাত তিনি চাৰিটা ল’বিৰ সৃষ্টি হৈছে ।প্ৰতিটো ল’বিয়ে প্ৰক্ষেপ কৰিব নিজৰ নিজৰ পচন্দৰ প্ৰাৰ্থী আৰু তাৰে কাৰণে নিজৰ ল’বিক শক্তিশালী কৰাৰ স্বাৰ্থত চান্দাজীৱী নেতাক ৰঙা দলিছা পাৰি দিছে । ইয়াৰ মাজতে বহু নাম প্ৰকাশত অনিচ্চুক বিজেপিৰ সাধাৰণ কৰ্মীয়ে আক্ষেপ কৰা দেখা গৈছে । তেওঁলোকৰ মতে পুৰণি নেতাই যিহেতু যোৱা চাৰি বছৰে তেওঁলোকক গুৰুত্ব নিদিলে সেয়ে বিষাক্ত নেতাক সাৱতি ল’বলৈ বাধ্য । থিক নিজৰ নাক কাটি সতীনিৰ যাত্ৰা ভংগ কৰা ধৰণৰ ।
মুক্ত ভাবে উচ্চাৰণ নকৰিলেও বৰ্তমান অসম বিজেপিত দুটা শক্তিশালী প্ৰতিযোগী গোটৰ সৃষ্টি হৈছে । কংগ্ৰেছৰ দিনটো এনেকুৱা ল’বি কেন্দ্ৰীক ৰাজনীতি আছিল , কিন্তু কংগ্ৰেছৰ ল’বি আছিল প্ৰধানত: ছয় -সাতটা ।  ৰাহুল গান্ধী বা ছোনীয়া গান্ধীয়ে কংগ্ৰেছত মুখ্যমন্ত্ৰী নিৰ্বাচন কৰাৰ দৰে বিজেপিৰ নেতা নিৰ্বাচন কিছু পৃথক ।  প্ৰফুল্ল কুমাৰ মহন্তৰ নিয়ন্ত্ৰণত থকা অগপ নেতা খিনি , নাগৰিকত্ব সংশোধনী আইন বিৰোধী এচাম প্ৰভাৱশালী ছাত্ৰ নেতা , বিজেপি আৰু মিত্ৰজোঁটৰ একাংশ জনাজাতীয় নেতা আৰু বিজেপিৰ বৰ্তমানৰ একাংশ বিধায়কক লগত লৈ  এটা গোট সক্ৰিয় হৈ আছে আৰু আনটো গঠন হৈছে কংগ্ৰেছৰ পৰা বিজেপি লৈ অহা প্ৰভাৱশালী আৰু কৰ্মথ নেতা সকল আৰু যোৱা চাৰিটা বছৰত প্ৰভাৱ বিস্তাৰ কৰিবলৈ সক্ষম হোৱা একাংশ বিধায়ক । এই গোটৰ লগত সংঘৰ শীৰ্ষ কিছু সংখ্যক নেতাৰো আশীৰ্বাদ আছে । গোটেই ল’বি কেন্দ্ৰীক ৰাজনীতিৰ মুল আধাৰ কিন্তু আদৰ্শগত নহয় । কোনোবা জনে টিকট পাব , কোনোবা এজন বিধায়ক নিৰ্বাচিত হ’লে আন এজনে হয়টো অহাবাৰ মন্ত্ৰী পদ হেৰুৱাব । কোনোবা জিলা সভাপতিয়ে ভাবে বৰ্তমানৰ বিধায়ক জন পুনৰ নিৰ্বাচিত হ’লে অহাবাৰো ঠিকা-ঠুকুলি আগৰ গ্ৰুপৰ হাততেই থাকিব ইত্যাদি । কংগ্ৰেছৰ দিনৰ বিসম্বাদে এতিয়া অসম বিজেপিৰ দিনত ৰূপ লৈছে বিৰোধভাৱৰ ।বিধায়ক শিলাদিত্য দেৱে সংবাদ মেলত মন্ত্ৰীক কৰা কটাক্ষ আৰু তেওঁ নাম প্ৰকাশ নকৰা কান্ধত মোনা লোৱা বিশেষ ব্যক্তিৰ প্ৰভুত্বৰ সমালোচনাই প্ৰমাণ কৰে বিজেপিৰ ভিতৰত চলি থকা প্ৰচন্দ বিসম্বাদৰ উকমুকনি ।এনেকুৱা  বিসম্বাদে দলক কিমান ক্ষতি কৰিব সেইটো নিৰ্ভৰ কৰিব বদৰুদ্দিন আজমল আৰু কংগ্ৰেছৰ পৰিকল্পনাৰ ওপৰত , কিন্তু এটা কথা থিক যে অসমত বিজেপিৰ নেতা -কৰ্মীৰ আচৰণে সনাতনী ভাৰতীয় সংস্কৃতিত বিশ্বাসী ভোটাৰক নিৰাশ কৰিছে ।